Smartwatches: ప్రస్తుతం స్మార్ట్వాచ్ అనేది కేవలం సమయం చూసుకునే పరికరం మాత్రమే కాదు. అది మన రోజువారీ జీవితంలో ఒక అంతర్భాగంగా మారిపోయింది. దీని వల్ల బీపీ, హార్ట్ రేట్, వ్యాయామం ట్రాకింగ్, ఫోన్ నోటిఫికేషన్ల వంటి ప్రయోజనాలు పొందే అవకాశాలు కూడా ఉన్నాయి. అయితే.. ప్రతిరోజూ ఛార్జింగ్ చేయాల్సి రావడం, ఫోన్ నోటిఫికేషన్ల వల్ల ఏకాగ్రత దెబ్బతినడం, ఆరోగ్య డేటా విషయంలో ఖచ్చితత్వం లేకపోవడం వంటి ప్రతికూలతలు కూడా ఉన్నాయి. ఇంతకీ స్మార్ట్ వాచ్ వల్ల కలిగే ప్రయోజనాలు, నష్టాలను గురించిన పూర్తి వివరాలను ఇప్పుడు తెలుసుకుందాం.
స్మార్ట్వాచ్ల వల్ల కలిగే ప్రయోజనాలు:
1.హెల్త్ ట్రాకింగ్: స్మార్ట్వాచ్ల వల్ల కలిగే అతిపెద్ద ప్రయోజనం ఆరోగ్యంపై శ్రద్ధ వహించడం. ఇవి గుండె వేగం , రక్తంలో ఆక్సిజన్ స్థాయి, నిద్ర నాణ్యతను నిరంతరం పర్యవేక్షిస్తాయి. మీరు ఎన్ని అడుగులు నడిచారు, ఎన్ని కేలరీలు ఖర్చయ్యాయి అనే విషయాలను కూడా ఇవి తెలియజేస్తాయి.
2. నోటిఫికేషన్లు, కనెక్టివిటీ: ఫోన్ జేబులో లేదా బ్యాగులో ఉన్నప్పుడు వచ్చే కాల్స్, మెసేజ్లు, సోషల్ మీడియా అప్డేట్స్ను నేరుగా వాచ్లోనే చూసుకోవచ్చు. ముఖ్యమైన కాల్స్ను మిస్ అవ్వకుండా ఉండటానికి ఇది బాగా ఉపయోగపడుతుంది.
3. భద్రత, ఎమర్జెన్సీ: చాలా స్మార్ట్వాచ్లలో ‘ఫాల్ డిటెక్షన్‘ (Fall Detection) ‘ఎమర్జెన్సీ SOS’ ఫీచర్లు ఉంటాయి. ప్రమాద వశాత్తు ఎవరైనా కింద పడిపోయినా లేదా ఆపదలో ఉన్నా.. వెంటనే కుటుంబ సభ్యులకు లేదా అత్యవసర సేవలకు సమాచారం అందిస్తాయి.
4. ఫిట్నెస్ మోటివేషన్: మనం చేసే వ్యాయామాలను ట్రాక్ చేయడం వల్ల మనకు ఒక లక్ష్యం ఏర్పడుతుంది. ఇది క్రమం తప్పకుండా వ్యాయామం చేయడానికి మనల్ని ప్రోత్సహిస్తుంది.
స్మార్ట్వాచ్ల వల్ల కలిగే ఇబ్బందులు:
1. బ్యాటరీ సమస్యలు: సాధారణ వాచ్లు సంవత్సరాల తరబడి పనిచేస్తాయి. కానీ స్మార్ట్వాచ్లను ప్రతి రోజూ లేదా రెండు రోజులకు ఒకసారి ఛార్జింగ్ చేయాల్సి ఉంటుంది. ఇది ప్రయాణాల్లో లేదా బిజీగా ఉన్నప్పుడు కొంత ఇబ్బందిగా కూడా అనిపిస్తుంది.
2. ఏకాగ్రత దెబ్బతినడం: చేతికి ఉన్న వాచ్ ప్రతి చిన్న నోటిఫికేషన్కు వైబ్రేట్ అవ్వడం వల్ల పనుల మీద ఏకాగ్రత తగ్గే అవకాశం ఉంది. దీని వల్ల డిజిటల్ అడిక్షన్ పెరిగే ప్రమాదం కూడా ఉంది.
Also Read: రియల్మీ బ్రాండ్ ఫోన్లు ఇక బంద్? ఒప్పో కంపెనీ కీలక నిర్ణయం
3. ఖచ్చితత్వంపై సందేహాలు: స్మార్ట్వాచ్లు ఇచ్చే హెల్త్ డేటా ఎప్పుడూ 100% ఖచ్చితంగా ఉండదు. మెడికల్ గ్రేడ్ పరికరాలతో పోలిస్తే వీటి ఫలితాల్లో స్వల్ప తేడాలు ఉంటాయి. కాబట్టి వీటిని కేవలం ఒక అంచనా కోసమే వాడాలి తప్ప, పూర్తిగా నమ్మకూడదు.
4. ప్రైవసీ: స్మార్ట్వాచ్లు మన లోకేషన్, ఆరోగ్యం, వ్యక్తిగత డేటాను సేకరిస్తాయి. ఈ డేటా హ్యాకర్ల చేతికి చిక్కితే ప్రైవసీకి భంగం కలిగే అవకాశం ఉంది.
5. ధర: మంచి ఫీచర్లు ఉన్న స్మార్ట్వాచ్ల ధరలు చాలా ఎక్కువగా ఉంటాయి. తక్కువ ధరలో వచ్చే వాచ్ల నాణ్యత తక్కువగా ఉండటమే కాకుండా త్వరగా పాడైపోయే అవకాశం ఉంటుంది.
Share
Indian Railways: 100% ఎలక్ట్రిఫికేషన్.. ప్రపంచంలోనే భారతీయ రైల్వే అరుదైన గుర్తింపు!
ED Raids in West Bengal: ఈడీ దాడులు.. భగ్గుమన్న మమతా బెనర్జీ.. దర్యాప్తు అడ్డుకుంటారా? మమతా తీరుపై ఈడీ విస్మయం!
