Google Diwali Sale 2026: దీపావళి షాపింగ్‌లో కొత్త స్మార్ట్‌ఫోన్ కొనాలనుకునే వారికి గూగుల్ గుడ్ న్యూస్ చెప్పింది. గూగుల్ స్టోర్ ఇండియాలో దివాళి సేల్ 2026 ప్రారంభమైంది. ఈ సేల్‌లో Pixel 11 సిరీస్‌తో పాటు Pixel 10, Pixel 10a, Pixel Watch మోడళ్లపై కూడా ప్రత్యేక ఆఫర్లు అందిస్తోంది. నవంబర్ 8 వరకు ఈ సేల్ అందుబాటులో ఉంటుంది. ముఖ్యంగా కొత్త పిక్సెల్ ఫోన్లపై డిస్కౌంట్, ఎక్స్ఛేంజ్ బోనస్, బ్యాంక్ క్యాష్‌బ్యాక్ వంటి బెనిఫిట్స్ ఉన్నాయి. అయితే, ఫోన్ ధర ఎంత తగ్గుతుందనేది ఎక్స్ఛేంజ్ చేసే పాత ఫోన్, బ్యాంక్ కార్డు, ఎంచుకున్న వేరియంట్‌పై ఆధారపడి ఉంటుంది.
భారత్‌లో పిక్సెల్ 11 ప్రారంభ ధర రూ.89,999. ఇందులో 512GB వేరియంట్‌పై రూ.10,000 స్టోర్ డిస్కౌంట్ అందిస్తోంది. అర్హత ఉన్న పాత ఫోన్‌ను ఎక్స్ఛేంజ్ చేస్తే అదనంగా రూ.9,000 బోనస్ పొందవచ్చు. HDFC, ICICI బ్యాంకుల అర్హత ఉన్న క్రెడిట్ కార్డులతో EMIలో కొనుగోలు చేస్తే రూ.7,000 వరకు క్యాష్‌బ్యాక్ కూడా లభించవచ్చు. అన్ని ఆఫర్లు వర్తిస్తే ధర రూ.70,000 కంటే తక్కువకు వచ్చే అవకాశం ఉంది.
ప్రీమియం ఫోన్ కోరుకునే వారి కోసం పిక్సెల్ 11 ప్రో ధర రూ.1,19,999 కాగా.. ప్రో XL ధర రూ.1,34,999గా ఉంది. ఎంపిక చేసిన బ్యాంక్ క్రెడిట్ కార్డులతో రూ.10,000 వరకు ఇన్‌స్టంట్ డిస్కౌంట్ లభిస్తుంది. అర్హత ఉన్న పాత ఫోన్లపై రూ.9,000 ఎక్స్ఛేంజ్ బోనస్ కూడా ఉంది. పిక్సెల్ 9ను మార్చుకునే వారికి షరతుల ప్రకారం రూ.46,000 వరకు తగ్గింపు లభించే అవకాశం ఉంది.
Also Read: ట్రెండింగ్ vs యూజ్‌ఫుల్.. గ్యాడ్జెట్స్ కొనేముందు ఈ క్లారిటీ లేకపోతే డబ్బులు వేస్టే!
పిక్సెల్ 11 ప్రో ఫోల్డ్ ధర రూ.1,86,999గా ఉంది. మరోవైపు, పిక్సెల్ 10 ధర ఇతర ఆఫర్లతో రూ.64,000 లోపు, పిక్సెల్ 10a ధర రూ.46,000 లోపు వచ్చే అవకాశం ఉందని గూగుల్ తెలిపింది. కెమెరా, ఆండ్రాయిడ్ అనుభవం కోసం ఎక్కువ ఖర్చు చేయకుండా ఫోన్ కొనాలనుకునే వారికి ఈ మోడళ్లు మంచి ఎంపిక కావచ్చు.
స్మార్ట్వాచ్ కొనాలనుకునే వారికి పిక్సెల్ వాచ్ 5 ధర రూ.42,900గా ఉంది. దీనిపై రూ.2,500 వరకు బ్యాంక్ డిస్కౌంట్ లభిస్తుంది. పిక్సెల్ వాచ్ 4 ధర రూ.39,900 కాగా, రూ.1,500 వరకు తగ్గింపు ఉంది. కొనుగోలు చేసే ముందు అమెజాన్, ఫ్లిప్‌కార్ట్ ధరలతో పోల్చుకోవడం మంచిది. ఎక్స్ఛేంజ్ విలువ, ఈఎంఐ ఛార్జీలు, బ్యాంక్ ఆఫర్ల అర్హత చూసిన తర్వాతే ఆర్డర్ చేయాలి. అప్పుడు నిజంగా ఎంత ఆదా అవుతుందో స్పష్టంగా తెలుస్తుంది.
Also Read: Samsung Galaxy S27 Ultraలో స్నాప్‌డ్రాగన్‌కు నో ఎంట్రీ.. కారణం ఎంటో తెలుసా?
Share
ఎల్ నినో ఎఫెక్ట్ను తట్టుకునేలా తెలంగాణ మాస్టర్ ప్లాన్.. డ్రోన్లతో సర్వే!
చలికాలానికి ముందే మంచు అందాలను చూడాలనుందా? దేశంలో 7 అదిరిపోయే ప్లేసెస్ ఇవే!
