Google Pixel11Pro: కొత్త టెక్నాలజీతో గూగుల్ పిక్సెల్ 11 ప్రో.. ఫ్లాగ్‌షిప్ లెవెల్‌లో ఫీచర్లు

Google Pixel11Pro:గూగుల్ సంస్థ తన కొత్త ఫ్లాగ్‌షిప్ మోడల్ పిక్సల్ 11 ప్రోను మార్కెట్లోకి విడుదల చేసింది. ఈ మోడల్ మొబైల్ పరిశ్రమలో ముఖ్యమైన స్థానాన్ని దక్కించుకుంటుందని టెక్ వర్గాలు భావిస్తున్నాయి. 5జి విభాగంలో ఈ ఫోన్‌కు సరిపోయే మరో మోడల్ లేదని తెలుస్తోంది. దీనికి ప్రధాన కారణం, ఈ ఫోన్‌లో అమర్చిన హార్డ్‌వేర్ కాంబినేషన్. ఇంటర్నల్ స్టోరేజ్ సామర్థ్యం, కెమెరా, ఫాస్ట్ ఛార్జింగ్ అన్ని ఒకే ఫోన్‌లో అన్ని హైఎండ్ ఫీచర్లు అందుబాటులో రావడం ప్లస్ పాయింట్ అయ్యింది. ఈ ఫోన్ రాబోయే స్మార్ట్‌ఫోన్ పోటీలో పెద్ద మార్పులకు దారితీయవచ్చని టెక్ మార్కెట్లో టాక్ వినిపిస్తుంది.

ప్రీమియమ్ ఫీల్ డిజైన్

డిజైన్ విషయానికి వస్తే ఫోన్ చేతిలో పట్టుకున్న క్షణం ప్రీమియమ్ ఫీల్ నేరుగా తెలుస్తుంది. అల్ట్రా స్లిమ్ బెజెల్స్, వంకర ఎడ్జ్ అమోలేడ్ డిస్‌ప్లే, మ్యాట్ గ్లాస్ బ్యాక్… కంటి ముందు కనిపించగానే “ఇదే లగ్జరీ” అని చెబుతున్న లుక్. ఫింగర్ ప్రింట్స్ పడకుండా క్లీన్ లుక్ ఇస్తుంది. కెమెరా ఫ్రేమ్‌లోకే కలిపిన డిజైన్ కావడంతో బంప్ గానీ, చూపులో అసహజత గానీ కనిపించదు.

అమోలేడ్ డిస్‌ప్లే

డిస్‌ప్లే పైన చూస్తే ఇది అసలు విజువల్ ఫ్యాన్‌ల కాంక్షే. 6.9అంగుళాల క్యూహెచ్‌డి + ఎల్‌టిపిఓ అమోలేడ్ స్క్రీన్. రిఫ్రెష్‌రేట్ 1Hz నుండి 144Hz వరకు ఆటోమేటిక్‌గా మారుతుంది కాబట్టి సినిమా, గేమింగ్, స్క్రోల్ ఏ యూజ్‌‌కైనా స్మూత్ అనుభవం. హెచ్‌డిఆర్10 ప్లస్ సపోర్ట్ తో కలర్స్ జీవంలా కనిపిస్తాయి. పీక్ బ్రైట్‌నెస్ 2600నిట్స్ ఎండలోనూ క్లియర్‌గా స్క్రీన్ కనిపిస్తుంది.

250ఎంపి మెయిన్ సెన్సార్‌ కెమెరా

కెమెరా అనేది గూగుల్ పిక్సెల్ యొక్క ప్రధాన బలం. ఈసారి, గూగుల్ ప్రధాన సెన్సార్‌గా 250ఎంపి మెయిన్ సెన్సార్‌ను అమర్చింది. ఏఐ ప్రాసెసింగ్ ద్వారా రాత్రి ఫోటోలు తీసిన, నడుస్తూ మనం స్పీడ్ గా ఫోటోలు తీసిన, పోర్ట్రైట్స్ వంటి వాటిలో సహజమైన స్థాయి అవుట్‌పుట్ వస్తుంది. ఇందులో ఉన్న 48ఎంపి పెరిస్కోప్ టెలిఫోటో లెన్స్ 10x ఆప్టికల్ జూమ్ సపోర్ట్‌తో దూరంగా ఉన్న వస్తువును కూడా దగ్గరగా నిలబెట్టిన ఫీలింగ్‌ను ఇస్తుంది. అంతేకాకుండా, 64ఎంపి అల్ట్రావైడ్ లెన్స్ గ్రూప్ ఫ్రేమ్‌లను సులభంగా ఫోన్‌లో బంధించగలదు. వీడియో స్టెబిలైజేషన్ కూడా ప్రొఫెషనల్ కెమెరాల స్థాయిలో ఉంది. స్టోరేజ్ ఆప్షన్లు 256జిబి, 512జిబి, 1టిబితో పాటుగా, స్పెషల్ ఎడిషన్ 2టిబి వేరియంట్ గురించి లీక్స్ ఉన్నాయి. ఇందులో ఉపయోగించిన యూఎఫ్ఎస్4.0 టెక్నాలజీ కారణంగా డేటా సేవింగ్, ఫైల్ ట్రాన్స్‌ఫర్, యాప్‌లు ఓపెన్ చేయడం మెరుపు వేగంతో జరుగుతుంది.

Also Read: Samsung Galaxy A35 Phone: రూ.1000కే గ్యాలక్సీ A35 మొబైల్ ఫోన్.. నెట్టింట వైరల్ అవుతోన్న ఆఫర్, నిజమేనా?

బ్యాటరీ సామర్థ్యం 5500mAh

బ్యాటరీ విషయానికి వస్తే, బ్యాటరీ సామర్థ్యం 5500mAh ఇచ్చారు. ఎంతసేపు ఫోన్ వాడినా బ్యాటరీ రెండు రోజుల వరకు సపోర్ట్ చేస్తుందని టాక్. 125W ఫాస్ట్ ఛార్జింగ్ సదుపాయం ఉండడం వలన కేవలం కొన్ని నిమిషాల్లోనే 100శాతం ఛార్జ్ అవుతుంది, ఇది ప్రయాణం చేసే వారికి గొప్ప వరం అనే చెప్పాలి. ఈ ఫోన్ ఆండ్రాయిడ్ 15పై రన్ అవుతుంది. దీనిలో ఉన్న ట్రూఏఐ సపోర్ట్ నోటిఫికేషన్లు, సలహాలు, మరియు యూజర్ బిహేవియర్‌ను అర్థం చేసుకుని అత్యంత స్మార్ట్‌గా పనిచేస్తుంది. సెక్యూరిటీ కోసం అడ్వాన్స్‌డ్ ఫేస్ అన్‌లాక్, అల్ట్రాసోనిక్ ఫింగర్ ప్రింట్ సెన్సర్ రెండూ కలిసి డ్యూయల్ ప్రొటెక్షన్ ఇస్తాయి. డేటా భద్రతకు ప్రత్యేక ఎన్‌క్రిప్షన్ మెకానిజంను ఏర్పాటు చేశారు.

ఇండియాలో ధర ఎంతంటే?

గూగుల్ పిక్సెల్ 11 ప్రో యొక్క అత్యంత శక్తివంతమైన లక్షణాలైన 24జిబి ర్యామ్ , 2టిబి స్టోరేజ్, 350ఎంపి కెమెరా మరియు 125W ఫాస్ట్ ఛార్జింగ్‌ను దృష్టిలో ఉంచుకుంటే, దీని ధర చాలా అధికంగా ఉంటుందని మార్కెట్ వర్గాలు భావించాయి. డిసెంబర్ 9, 2025న జరిగిన లాంచ్‌ ఈవెంట్‌లో ప్రకటించిన ధరలు అంచనాలకు విరుద్ధంగా ఉన్నాయి. భారత మార్కెట్లో స్టాడెడ్ మోడల్ 12జిబి ప్లస్ 256జిబి రూ.89,999, ప్రీమియం మోడల్ 12జిబి ప్లస్ 512జిబి రూ.97,999, అల్ట్రా మోడల్ 16జిబి ప్లస్ 1టిబి రూ.1,12,999 ధరలతో దీనిని విడుదల చేశారు. ఈ స్థాయిలో అందుబాటులో ధర నిర్ణయించడం వల్ల వినియోగదారుల్లో ఈ ఫోన్ ను కొనేందుకు ఆసక్తి చూపుతున్నారు.

Share

• 
• 
• 
• 
• 
•