Google TV: గతేడాది గూగుల్ తన టీవీ ప్లాట్ఫామ్లో పాత గూగుల్ అసిస్టెంట్ స్థానంలో జెమిని అనే శక్తివంతమైన ఏఐని ప్రవేశపెట్టి పెద్ద మార్పుకు శ్రీకారం చుట్టింది. దీనివల్ల టీవీ కేవలం మనల్ని ఎంటర్టైన్ చేసే పెద్ద డబ్బాలా కాకుండా, మనతో ముచ్చటించే ఓ ఫ్రెండ్లా మారిపోయింది. ముఖ్యంగా అమెరికా, కెనడాల్లో అందుబాటులోకి వచ్చిన ఈ ఫీచర్ ఇప్పుడు మరిన్ని కొత్త హంగులతో త్వరలోనే మన ముందుకు వచ్చేస్తోంది.
సాధారణంగా మనం టీవీని కేవలం వినోదం కోసమే వాడుతుంటాం. కానీ ఇప్పుడు జెమిని సాయంతో మనకు నచ్చిన విషయాల గురించి లోతుగా తెలుసుకోవచ్చు. మీకు ఎకనామిక్స్ లేదా టెక్నాలజీ గురించి ఏదైనా సందేహం వస్తే.. జెమినీని అడగవచ్చు. అది కేవలం సమాధానం చెప్పడమే కాకుండా, ఒక టీచర్లాగా విజువల్స్ సాయంతో స్టెప్ బై స్టెప్ వివరిస్తుంది. అయితే గూగుల్ ఏఐ ఇచ్చే సమాచారం ఎంతవరకు ఖచ్చితంగా ఉంటుందనేది వేచి చూడాలి.
Also Read: ఏం లుక్ మావా ఇది.. ఐఫోన్ 18 ప్రో బర్గండీ కలర్ లీక్, చూస్తే కళ్లు తిప్పుకోలేరు!
గతంలో ఏదైనా అడిగితే కేవలం టెక్స్ట్ రూపంలో సమాధానాలు వచ్చేవి. కానీ ఇప్పుడు జెమిని ఇచ్చే రిజల్ట్స్ చాలా కలర్ఫుల్గా, విజువల్స్తో కనిపిస్తాయి. మీకు ఏదైనా వంటకం కావాలని అడిగితే, దానికి సంబంధించిన వీడియో ట్యుటోరియల్ను నేరుగా స్క్రీన్ మీద చూపిస్తుంది. అలాగే ఏదైనా మ్యాచ్ స్కోర్ అడిగితే, లైవ్ స్కోర్ కార్డ్తో పాటు ఆ మ్యాచ్ ఏ యాప్లో స్ట్రీమ్ అవుతుందో కూడా ఇట్టే చెప్పేస్తుంది. దీనివల్ల రిమోట్తో వెతుక్కునే పని తప్పుతుంది.
క్రీడాభిమానుల కోసం గూగుల్ ‘స్పోర్ట్స్ బ్రీఫ్స్’ అనే కొత్త ఫీచర్ను తీసుకొచ్చింది. ఒకవేళ మీరు బిజీగా ఉండి మ్యాచ్లు చూడలేకపోయినా, జెమినిని అడిగితే లేటెస్ట్ స్కోర్లు, హైలైట్స్ అన్నీ కలిపి ఒక చిన్న సమ్మరీలా ఇస్తుంది. ముఖ్యంగా క్రికెట్, ఫుట్బాల్ వంటి గేమ్స్ ఫాలో అయ్యేవారికి ఇది చాలా ఉపయోగపడుతుంది. వార్తల కోసం ప్రత్యేకంగా వెతకాల్సిన అవసరం లేకుండానే తాజా అప్డేట్స్ అన్నీ టీవీ స్క్రీన్ మీద ప్రత్యక్షమవుతాయి.
ప్రస్తుతానికి ఈ అడ్వాన్స్డ్ ఫీచర్లు అమెరికా, కెనడాల్లోని గూగుల్ టీవీ యూజర్లకు అందుబాటులోకి వచ్చాయి. త్వరలోనే యూకే, ఆస్ట్రేలియా, న్యూజిలాండ్ వంటి దేశాలకు కూడా వీటిని విస్తరించనున్నారు. ఏఐ పట్ల కాస్త సందేహాలు ఉన్నప్పటికీ, రోజువారీ పనులను సులభతరం చేసే ఇలాంటి ఫీచర్లు టీవీ చూసే అనుభవాన్ని పూర్తిగా మార్చేస్తాయని చెప్పడంలో అతిశయోక్తి లేదు. మీ టీవీని స్మార్ట్ నుంచి మరింత ఇంటెలిజెంట్గా మార్చే దిశగా గూగుల్ అడుగులు వేస్తోంది.
Also Read: మస్కిటో బ్యాట్ను టీవీ దగ్గర పెడుతున్నారా? అయితే, మీరు కొత్త టీవీ కొనుక్కోవాల్సిందే, ఎందుకంటే?
Share
Peddi : పెద్దికి బ్రేక్ పడ్డట్టేనా ?
CM Revanth Reddy: సీఎం రేవంత్ రెడ్డితో.. నిఖిల్ డే టీమ్ భేటీ.. ప్రత్యేక పోర్టల్కు విజ్ఞప్తి
