Life Expectancy Dental Study: మీరు ఎంతకాలం జీవిస్తారో తెలుసుకోవచ్చు.. దంతాలలో దాగి ఉన్న రహస్యం

Life Expectancy Dental Study| పంటి ఆరోగ్యం మీ జీవితకాలంపై ప్రభావం చూపుతుందని ఇప్పుడు శాస్త్రవేత్తలు చెబుతున్నారు. చాలా మంది తమ రోజువారీ జీవితంలో పళ్ల సంరక్షణను నిర్లక్ష్యం చేస్తారు. అయితే ఈ కొత్త పరిశోధన అలాంటి వారి ఆలోచనా విధానాన్ని మార్చేవచ్చు. ఆరోగ్యకరమైన పళ్లు మీ జీవితాన్ని ఎక్కువ కాలం పాటు ఆనందించేలా చేస్తాయని అధ్యయనం చెబుతోంది.

జపాన్‌లో జరిగిన పెద్ద అధ్యయనం

ఒసాకా యూనివర్సిటీ శాస్త్రవేత్తలు తాజాగా ఒక భారీ అధ్యయనం చేశారు. 75 ఏళ్లు పైబడిన సుమారు 1,90,000 మంది వృద్ధుల డేటాను విశ్లేషించారు. ప్రతి వ్యక్తి దంతాల స్థితిని బాగా పరిశీలించారు. పళ్లను ఆరోగ్యకరమైనవి, ఫిల్లింగ్ చేసినవి, కుళ్లినవి, పడిపోయినవి అని వర్గీకరించారు.

పళ్ల సంఖ్య కంటే నాణ్యతే ముఖ్యం

ఈ అధ్యయనంలో ఒక ముఖ్యమైన విషయం బయటపడింది. పళ్ల సంఖ్య కంటే పళ్ల నాణ్యతే జీవితకాలంపై ఎక్కువ ప్రభావం చూపుతుందని తెలిసింది. చాలామందికి పళ్లు ఉన్నా అవి ఆరోగ్యకరంగా లేకపోతే జీవితకాలం పెరగదు. ఆరోగ్యకరమైన పళ్లు లేదా డాక్టర్ చేత ఫిల్లింగ్ చేయబడిన పళ్లు ఉన్నవారు ఎక్కువ కాలం జీవించారు. కానీ కుళ్లినవి లేదా పడిపోయిన పళ్లు ఉన్నవారికి మరణ ప్రమాదం ఎక్కువగా ఉంది.

దంత చికిత్స కూడా ఉపయోగకరం

పళ్లు పాడైనా వాటిని సరిచేయడం వల్ల లాభం ఉందని అధ్యయనంలో తేలింది. ఫిల్లింగ్ చేసిన పళ్లు చికిత్స లేని పాడైన పళ్ల కంటే మెరుగైన ఫలితాలు ఇచ్చాయి. అందుకే దంత చికిత్స తీసుకోవడం చాలా ముఖ్యం.

ఈ ఫలితాలు ఎక్కడ ప్రచురితమయ్యాయి

ఈ అధ్యయన ఫలితాలు బియంసి ఓరల్ హెల్త్ (BMC Oral Health) అనే ప్రసిద్ధ వైద్య జర్నల్‌లో ప్రచురితమయ్యాయి. గతంలోనూ పళ్ల ఆరోగ్యం హృదయ రోగాలు, దీర్ఘకాలిక మంట వంటి సమస్యలతో ముడిపడి ఉందని అనేక అధ్యయనాలు చెప్పాయి.

పళ్లు పాడైతే ఆరోగ్యానికి హానికరమా?

పాడైన పళ్ల వల్ల శరీరంలో దీర్ఘకాలిక మంట ఏర్పడుతుంది. ఇది హృదయం, ఇతర అవయవాలకు నష్టం కలిగిస్తుంది. పళ్లు తక్కువ ఉంటే ఆహారం బాగా నమలలేం. దీనివల్ల జీర్ణక్రియ, పోషకాల శోషణ తగ్గుతాయి. ఇమ్యూనిటీ వ్యవస్థ బలహీనపడుతుంది. దంత నొప్పి వల్ల సరిగా తినలేకపోతే మరింత ఆరోగ్యం దెబ్బతింటుంది.

దంత సంరక్షణతో వృద్ధాప్యంలోనూ ఆరోగ్యం

రెగ్యులర్‌గా డాక్టర్ చూపించుకోవడం, సమయానికి చికిత్స తీసుకోవడం చాలా ముఖ్యం. బ్రషింగ్, ఫ్లాసింగ్, రెగ్యులర్ చెకప్‌లు పళ్లను రక్షిస్తాయి. ఇవి మంచి ఆహారం తీసుకోవడానికి, శక్తి, ఆరోగ్యం కాపాడుకోవడానికి సహాయపడతాయి.

Also Read: చైనాలో కొత్త యాప్ సూపర్ హిట్.. ఒంటరిగా జీవించే వారికి స్పెషల్ యాప్

సులభమైన అలవాటు.. పెద్ద లాభం

ఈ అధ్యయనంతో ఒక విషయం స్పష్టమై పోయింది. పళ్ల సంరక్షణను ఎప్పుడూ నిర్లక్ష్యం చేయకూడదు. రోజూ బ్రష్ చేయడం, ఫ్లాస్ వాడటం, డెంటిస్ట్ వద్దకు వెళ్లడం వల్ల మీ జీవితకాలం పెరిగే అవకాశం ఉంది. మీ పళ్లు కేవలం నవ్వడానికి మాత్రమే కాదు… మీరు ఎక్కువ కాలం ఆరోగ్యంగా జీవించడానికి కూడా సహాయపడతాయి.