Honor 600 Series: హానర్ స్మార్ట్‌ఫోన్ ప్రియులకు కంపెనీ గుడ్ న్యూస్ చెప్పింది. బ్యాటరీ లైఫ్, కెమెరా పర్ఫార్మెన్స్‌కు పెద్దపీట వేస్తూ తమ సరికొత్త Honor 600 సిరీస్‌ను చైనా మార్కెట్లో విడుదల చేయడానికి సిద్ధమైంది. మే 25వ తేదీన సాయంత్రం ఈ ఫోన్లు అధికారికంగా లాంచ్ కానున్నాయి. గతంలో లాగే ప్రముఖ నటుడు జియావో ఝాన్ ఈ సిరీస్‌కు బ్రాండ్ అంబాసిడర్‌గా వ్యవహరిస్తున్నారు.
ఈ సరికొత్త చైనీస్ వేరియంట్లలో ఏకంగా 8600mAh బ్యాటరీని అందిస్తుండటం విశేషం. గ్లోబల్ మార్కెట్లో విడుదలైన మోడల్స్‌లోని 7000mAh బ్యాటరీతో పోలిస్తే ఇది చాలా ఎక్కువ. గత మోడల్ అయిన Honor 500 సిరీస్‌లో 8000mAh బ్యాటరీ ఉండేది. దానికంటే ఇది మరింత మెరుగ్గా ఉంటూ,, ఫోన్‌ను ఎక్కువగా వాడేవారికి రోజంతా తిరుగులేని బ్యాటరీ బ్యాకప్‌ను అందిస్తుంది.
హానర్ ఈసారి ఇమేజింగ్ టెక్నాలజీపై ప్రత్యేక శ్రద్ధ పెట్టింది. దీనిలో 200 మెగాపిక్సెల్ అల్ట్రా క్లియర్ మెయిన్ సెన్సార్‌ను ఇస్తున్నారు. దీని సహాయంతో తక్కువ వెలుతురులోనూ అద్భుతమైన వీడియోలు, లైవ్ కంటెంట్‌ను క్రియేట్ చేయవచ్చు. అలాగే మిర్రర్‌లెస్ కెమెరా రేంజ్ క్వాలిటీతో 4K ఫ్లాష్ లైవ్ రికార్డింగ్ ఫీచర్‌ను కూడా ఇది సపోర్ట్ చేస్తుంది.
Also Read: టెక్ లవర్స్ గెట్ రెడీ.. షావోమి నుంచి మైండ్ బ్లోయింగ్ ఫోన్లు వచ్చేస్తున్నాయ్, లాంచ్ డేట్ ఫిక్స్!
లుక్ పరంగా కూడా ఈ ఫోన్ చాలా ఆకర్షణీయంగా ఉండబోతోంది. కంపెనీ ఇందులో లక్కీ స్టార్ అనే సరికొత్త కలర్ వేరియంట్‌ను పరిచయం చేసింది. గ్లోబల్ మోడల్స్‌తో పోలిస్తే ఈ చైనా వేరియంట్ బ్యాక్ ప్యానెల్ గ్లోసీగా, లైటింగ్‌కు తగ్గట్టు రంగులు మారేలా చాలా స్టైలిష్‌గా కనిపిస్తోంది.
ఈ ఫోన్‌కు సంబంధించిన ప్రాసెసర్, డిస్‌ప్లే, ఛార్జింగ్ స్పీడ్, ధర వంటి పూర్తి వివరాలను కంపెనీ ఇంకా అధికారికంగా వెల్లడించలేదు. లాంచ్ తేదీ దగ్గరపడే కొద్దీ మిగిలిన స్పెసిఫికేషన్లు తెలిసే అవకాశం ఉంది. కాగా, గ్లోబల్ వేరియంట్ కోసం ఎదురుచూసే వారు గత నెలలోనే విడుదలైన అంతర్జాతీయ మోడల్స్‌ను పరిశీలించవచ్చు.
Also Read: టెక్ లవర్స్‌కు పూనకాలే.. Xiaomi 18 కంటే ముందే మార్కెట్లోకి Redmi K100, ఇక విధ్వంసమే!
Share
99% మందికి తెలియని ఏసీ సీక్రెట్.. ఆ ఒక్క చిన్న మార్పుతో.. గదిలోని విష గాలి మాయం!
చిలుకూరు బాలాజీపై అమెరికా సెనేటర్ నోటిదూల.. హిందూ సమాజం ఫైర్!
