Xiaomi 17T Series: టెక్ ప్రియుల్లో షావోమీ ఫోన్లకు ఉన్న క్రేజ్‌ను దృష్టిలో పెట్టుకుని.. కంపెనీ తమ సరికొత్త Xiaomi 17T సిరీస్ ఫోన్లను గ్లోబల్ మార్కెట్‌లో లాంచ్ చేయడానికి ఏర్పాట్లు చేస్తోంది. ఈ నెలాఖరులోనే ఇవి మార్కెట్లోకి వచ్చేస్తాయని టెక్ వర్గాలు గట్టిగా చెప్తున్నాయి. గ్లోబల్ మార్కెట్‌లో రిలీజ్ అయిన కొద్దిరోజులకే భారత్‌లోనూ ఇవి సందడి చేయనున్నాయి. ఇప్పుడీ ఫోన్ పూర్తి వివరాల్లోకి వెళ్లిపోదాం..
తాజా లీక్స్ ప్రకారం.. ఈ సిరీస్ ఫోన్లు మే 28న గ్లోబల్ మార్కెట్‌లో అడుగుపెట్టనున్నాయి. ఆ తర్వాత మన దేశంలో ముందుగా Redmi Turbo 5 మోడల్‌ను పరిచయం చేసి, ఆ వెంటనే ఈ Xiaomi 17T, Xiaomi 17T Pro ఫోన్లను లాంచ్ చేస్తారట. అంతేకాదు.. చైనాలో రాబోయే Xiaomi 17 MAx మోడల్‌ను కూడా భారత్‌కు తీసుకొచ్చే ఆలోచనలో కంపెనీ ఉన్నట్లు తెలుస్తోంది.
కొత్త ఫోన్ అనగానే అందరికీ మొదట గుర్తొచ్చేది బడ్జెట్. ప్రస్తుతం లీకైన వివరాల ప్రకారం.. షావోమి 17T బేసిక్ మోడల్ (12GB+256GB) ధర దాదాపు రూ.83,000 ఉండొచ్చు. ఇక ఫీచర్లు ఎక్కువగా ఉండే టాప్ ఎండ్ మోడల్ షావోమి 17T ప్రో ధర సుమారు రూ.1,11,000 ఉండే అవకాశం ఉంది.
డిస్‌ప్లే విషయానికి వస్తే షావోమి ఎక్కడా తగ్గడం లేదు. షావోమి 17T మోడల్‌లో 6.59 ఇంచుల 1.5K అమోలెడ్ స్క్రీన్‌తో పాటు 120Hz రీఫ్రెష్ రేట్‌ను ఇస్తున్నారు. అదే ప్రో మోడల్‌లో అయితే గేమర్స్ కోసం మరింత పెద్దదైన 6.83 ఇంచుల 1.5K అమోలెడ్ స్క్రీన్‌ను జోడించారు. ఇది ఏకంగా 144Hz రీఫ్రెష్ రేట్‌ను సపోర్ట్ చేస్తుంది. కాబట్టి స్క్రీన్ చాలా స్మూత్‌గా పనిచేస్తుంది.
ఫోన్ ఎంత స్పీడ్‌గా పనిచేస్తుందనేది అందులోని ప్రాసెసర్‌పైనే ఆధారపడి ఉంటుంది. ఇందులో సాధారణ మోడల్ కోసం మీడియాటెక్ డైమెన్సిటీ 8500 అల్ట్రా చిప్‌సెట్‌ను వాడుతున్నారు. అదే ప్రో మోడల్‌లో అయితే హైస్పీడ్ పర్ఫార్మెన్స్ కోసం పవర్‌ఫుల్ 3nm మీడియాటెక్ డైమెన్సిటీ 9500 ప్రాసెసర్‌ను సెట్ చేశారు. ఇవి 12GB RAM, 512GB వరకు ఇంటర్నల్ స్టోరేజ్ ఆప్షన్లతో త్వరలో లాంచ్ కానున్నాయి.
Share
ఓయో రూమ్ లా మారిపోయిన రైల్వే రెస్ట్ రూమ్.. అబ్బా ఏం వాడకం గురూ!
తమిళనాడు కేబినేట్ ఫిక్స్.. సీఎం విజయ్ సహా.. ఎవరికి ఏ బాధ్యతలు దక్కాయంటే?
