నిజంగా మైండ్ బ్లోయింగ్.. రొటేటింగ్ గింబాల్ కెమెరాతో Honor Robot Phone.. లాంచ్ ఎప్పుడంటే?

Honor Robot Phone: ఇతర బ్రాండ్ల కంటే కాస్త మెరుగ్గా సరికొత్త ప్రయోగాలు చేయడంలో ఎప్పుడూ ముందుండే చైనీస్ బ్రాండ్ హానర్.. ఈసారి అందరినీ ఆశ్చర్యపరిచే ఒక వినూత్నమైన ఫోన్‌ను తీసుకువస్తోంది. అదే Honor Robot Phone. ఈ ఏడాది మార్చిలో జరిగిన మొబైల్ వరల్డ్ కాంగ్రెస్‌లోనే దీనిపై ఒక లుక్ ఇచ్చిన కంపెనీ.. ఇప్పుడు ఈ క్రేజీ ఫోన్‌ను ఎప్పుడు రిలీజ్ చేయబోతున్నారో అఫీషియల్‌గా అనౌన్స్ చేసింది. అసలు మన ఊహకు కూడా అందని ఒక డిజైన్‌తో ఈ ఫోన్ రాబోతోంది.

లాంచ్ ఎప్పుడంటే?

ఈ ఏడాది మూడో త్రైమాసికంలో, అంటే కరెక్ట్‌గా చెప్పాలంటే జూలై నుంచి సెప్టెంబర్ మధ్యలో ఈ రోబోట్ ఫోన్ మార్కెట్లోకి అడుగుపెట్టబోతోంది. ఈ విషయాన్ని హానర్ సీఈఓ లి జియాన్ ఒక ఫిల్మ్ ఫెస్టివల్‌లో స్వయంగా చెప్పారు. వందేళ్ల నాటి ఇమేజింగ్ సైన్స్ టెక్నాలజీని అంతా కలిపి ఈ చిన్న ఫోన్‌లో పెడుతున్నామని, ఇది మొబైల్ రంగంలోనే ఒక కొత్త రికార్డు సృష్టిస్తుందని ఆయన చాలా నమ్మకంగా చెప్పారు. ప్రముఖ కెమెరా బ్రాండ్ ARRIతో చేతులు కలిపి మరీ ఈ ఫోన్‌ను డిజైన్ చేశారు.

రొటేటింగ్ కెమెరా మ్యాజిక్:

ఈ ఫోన్ స్పెషాలిటీ ఏంటంటే.. దీని పైభాగంలో ఒక రోబోటిక్ గింబాల్ కెమెరా ఉంటుంది. సాధారణంగా మనం వీడియోలు తీసేటప్పుడు చేత్తో పట్టుకునే గింబాల్స్ ఉంటాయి కదా.. ఇది కూడా అలాగే పనిచేస్తుంది. వీడియో రికార్డ్ అవుతున్నప్పుడు మనం ఎటు కదిలితే అటు ఈ కెమెరా కూడా ఆటోమేటిక్‌గా తిరుగుతూ మనల్ని ట్రాక్ చేస్తుంది. దీంతో మనం నడుస్తున్నా, పరిగెడుతున్నా సరే కెమెరా ఫోకస్ మాత్రం మిస్ అవ్వదన్నమాట.

వీడియోలు షేక్ అవ్వవు:

ఫోన్ కదులుతున్నా సరే వీడియోలు ఎక్కడా షేక్ అవ్వకుండా చాలా స్మూత్‌గా వచ్చేలా దీనిలో ఇండస్ట్రీలోనే బెస్ట్ స్టెబిలైజేషన్ టెక్నాలజీని వాడారు. దీనికోసం త్రీ-యాక్సిస్ మెకానికల్ గింబాల్ సిస్టమ్‌తో పాటు ఏఐ ఇంజిన్‌ను కూడా జోడించారు. ఈ టెక్నాలజీ మనం ఎటు కదులుతున్నామో ముందే ఊహించి, దానికి తగ్గట్టుగా కెమెరాను అడ్జస్ట్ చేస్తుంది.

పెద్ద బ్రాండ్లకు గట్టి పోటీ:

ఈ Honor Robot Phoneలో స్పిన్‌షాట్ అనే ఒక క్రేజీ మోడ్ కూడా ఉంది. దీనివల్ల ఫోన్‌ను ఒకే చేత్తో కంట్రోల్ చేస్తూ 90 డిగ్రీలు లేదా 180 డిగ్రీల యాంగిల్స్‌లో అద్భుతమైన షాట్స్ తీసుకోవచ్చు. ఈ ఫోన్ గనుక మార్కెట్లోకి వస్తే.. రాబోయే యాపిల్ ఫోల్డబుల్ ఫోన్, శాంసంగ్ గెలాక్సీ Z ఫోల్డ్ 8, గూగుల్ పిక్సెల్ 11 సిరీస్ లాంటి టాప్ మోడల్స్‌కు గట్టి పోటీ ఇవ్వడం ఖాయం అనిపిస్తోంది.

Share

• 
• 
• 
• 
• 
•