ఏంట్రా బాబూ ఈ వింత? చెట్లకు వేలాడే బొమ్మల వెనుక ఇంత పెద్ద కథ ఉందా?

Doll Island: హలో ఫ్రెండ్స్! మీలో దయ్యాల సినిమాలు చూసేటప్పుడు గుండె గట్టిగా పట్టుకునే వాళ్లు ఎంతమంది? ఒకవేళ మీ గర్ల్‌ఫ్రెండ్ లేదా బాయ్‌ఫ్రెండ్ మిమ్మల్ని రొమాంటిక్ ఐలాండ్‌కి తీసుకెళ్తా అని చెప్పి, కళ్ళు మూసి ఒక చోట దించాక… కళ్ళు తెరిచి చూస్తే చుట్టూ వేలాది విరిగిపోయిన, కళ్ళు లేని బొమ్మలు మిమ్మల్ని చూస్తూ నవ్వుతుంటే ఎలా ఉంటుంది? పిచ్చెక్కిపోద్ది కదూ! సరిగ్గా అలాంటి ఒక వింతైన, కాస్త ఒళ్ళు గగుర్పొడిచే ప్లేస్ గురించే ఈరోజు మనం మాట్లాడుకోబోతున్నాం. అదే మెక్సికోలోని ‘ఐలాండ్ ఆఫ్ ది డాల్స్’ (బొమ్మల ద్వీపం).

ఇంతకీ కథ ఏంటంటే..?

మెక్సికో సిటీకి కాస్త దూరంలో ఉండే షోచిమిల్కో (Xochimilco) కాలువల మధ్య ఈ వింత ద్వీపం ఉంది. ఇక్కడ వేల సంఖ్యలో పాతబడిపోయిన, కాళ్ళు చేతులు విరిగిపోయిన, భయంకరంగా ఉన్న బొమ్మలు చెట్లకు వేలాడుతూ కనిపిస్తాయి. అయితే, ఇదంతా ఏదో హారర్ సినిమా షూటింగ్ కోసం చేసింది కాదు. దీని వెనుక ఒక ఎమోషనల్ అండ్ మిస్టరీ స్టోరీ ఉంది.

ఆ ఒక్క సంఘటన.. ఆపై మారిన జీవితం

డొన్ జూలియన్ సంటానా బారెరా అనే ఒక వ్యక్తి ఈ ద్వీపంలో ఒంటరిగా జీవించేవాడు. దాదాపు యాభై ఏళ్ల క్రితం, ఇక్కడి కాలువలో ఒక చిన్నారి ప్రమాదవశాత్తు మునిగి చనిపోయింది. ఆ అమ్మాయిని కాపాడలేకపోయాననే బాధ జూలియన్‌ను తీవ్రంగా కలిచివేసింది. ఆ తర్వాత అతనికి ఆ అమ్మాయి ఆత్మ అక్కడ తిరుగుతున్నట్లు, తనను పిలుస్తున్నట్లు అనిపించేదట. ఒకరోజు అదే కాలువలో అతనికి ఒక పాత బొమ్మ కొట్టుకుంటూ వచ్చింది. ఆ చిన్నారి ఆత్మ శాంతించడం కోసమే ఆ బొమ్మ దొరికిందని భావించి, దాన్ని అక్కడి ఒక చెట్టుకు కట్టేశాడు.

కుప్పలు తెప్పలుగా బొమ్మలు

అక్కడితో ఆగకుండా, ఆ పాప ఆత్మ తనను రక్షించడానికి, తనకు తోడుగా ఉండటానికి బొమ్మలు అడుగుతోందని జూలియన్ నమ్మాడు. ఇక అప్పటినుంచి డస్ట్‌బిన్ల నుంచి, కాలువల నుంచి దొరికిన పాత బొమ్మలను సేకరించి ద్వీపమంతటా కట్టడం మొదలుపెట్టాడు. అలా కొన్ని దశాబ్దాల్లో ఆ ప్రాంతం మొత్తం వేలాది భయంకరమైన బొమ్మలతో నిండిపోయింది.

ముగింపు.. ఒక వింత యాదృచ్చికం!

ట్విస్ట్ ఏంటంటే.. 2001లో జూలియన్ కూడా అదే కాలువలో, ఆ చిన్నారి ఎక్కడైతే చనిపోయిందో సరిగ్గా అదే చోట శవమై కనిపించాడు. అప్పటినుంచి ఈ ప్లేస్ మరింత ఫేమస్ అయిపోయింది. రాత్రి పూట ఆ బొమ్మలు ఒకదానితో ఒకటి మాట్లాడుకుంటాయని, కళ్ళు కదుపుతాయని స్థానికులు చెబుతుంటారు. ఏదేమైనా, థ్రిల్ కోరుకునే పర్యాటకులకు మాత్రం ఇది ఇప్పుడు ఒక క్రేజీ టూరిస్ట్ స్పాట్!

Also Read: భూమి కింద ఉండే వింత నగరం.. ఇక్కడ ఇళ్లు, చర్చిలు అన్నీ భూగర్భంలోనే!