Overheating Laptop: ఏదైనా ముఖ్యమైన వర్క్ చేస్తున్నప్పుడు లేదా గేమ్ ఆడుతున్నప్పుడు ల్యాప్టాప్ ఒక్కసారిగా వేడెక్కి, ఫ్యాన్లు విపరీతంగా శబ్దం చేయడం మొదలుపెడితే చాలా విసుగు వస్తుంది కదా. ల్యాప్టాప్ ఓవర్హీట్ అవ్వడం వల్ల పర్ఫార్మెన్స్ తగ్గడమే కాకుండా, లోపల ఉండే స్పేర్ పార్ట్స్ కూడా త్వరగా పాడైపోయే అవకాశం ఉంది. అయితే, ఖరీదైన కూలింగ్ ప్యాడ్లు కొనకుండానే కొన్ని చిన్న మార్పులతో మీ ల్యాప్టాప్ను చల్లబరచవచ్చు. అదెలాగో చూసేద్దాం రండి.
చాలామంది ల్యాప్టాప్ను బెడ్ మీద లేదా సోఫాలో పెట్టి వాడుతుంటారు. ఇలా చేయడం వల్ల కింద ఉండే గాలి వెళ్లే రంధ్రాలు మూసుకుపోయి వేడి లోపలే ఉండిపోతుంది. కాబట్టి, ఎప్పుడూ ల్యాప్టాప్ను సమాంతరంగా ఉండే టేబుల్ మీద మాత్రమే వాడాలి. దీనివల్ల గాలి ప్రసరణ బాగుంటుంది.
తరచూ ల్యాప్టాప్ వాడటం వలన లోపల దుమ్ము పేరుకుపోతుంది. ఇది ఫ్యాన్లు సరిగ్గా తిరగకుండా అడ్డుకుంటుంది. అందుకే కనీసం రెండు నెలలకోసారి కంప్రెస్డ్ ఎయిర్ క్యాన్ ఉపయోగించి వెంటిలేషన్ రంధ్రాల ద్వారా గాలిని కొట్టి లోపల ఉన్న దుమ్మును క్లీన్ చేయాలి. దీంతో ఫ్యాన్లు ఫ్రీగా తిరుగుతాయి.
Also Read: లావా సరికొత్త యాడ్.. మొబైల్ సర్వీస్ సెంటర్లపై అదిరిపోయే సెటైర్, నవ్వకుండా ఉండలేరు
ఏదైనా చిన్న చిన్న వర్క్ చేసుకునేటప్పుడు ల్యాప్టాప్ను పవర్ సేవర్ లేదా బ్యాలెన్స్డ్ మోడ్లో ఉంచుకోండి. విండోస్ సెట్టింగ్స్లో ప్రాసెసర్ స్టేట్ను 100% నుండి 99%కి తగ్గించడం ద్వారా పెర్ఫార్మెన్స్లో పెద్ద తేడా లేకుండానే వేడిని తగ్గించవచ్చు. అలాగే స్క్రీన్ బ్రైట్నెస్ను కొద్దిగా తగ్గించడం కూడా మేలు చేస్తుంది.
అవసరం లేకపోయినా బ్యాక్గ్రౌండ్లో రన్ అయ్యే యాప్స్ ప్రాసెసర్పై భారాన్ని పెంచుతాయి. టాస్క్ మేనేజర్ (Ctrl+Shift+Esc) ఓపెన్ చేసి, అనవసరమైన సాఫ్ట్వేర్లను క్లోజ్ చేయండి. మీరు గేమ్స్ ఆడేటప్పుడు గ్రాఫిక్ సెట్టింగ్స్ను కొద్దిగా తగ్గించుకుంటే ల్యాప్టాప్ అంతగా వేడెక్కదు.
ల్యాప్టాప్ కంపెనీలు అప్పుడప్పుడు ఇచ్చే BIOS లేదా గ్రాఫిక్ డ్రైవర్ అప్డేట్స్ను ఇన్స్టాల్ చేయడం మర్చిపోవద్దు. ఇవి పవర్ మేనేజ్మెంట్, ఫ్యాన్ కంట్రోల్ను మెరుగుపరుస్తాయి. అలాగే Undervolting వంటి టెక్నిక్స్ గురించి తెలుసుకొని ప్రాసెసర్కు అందే వోల్టేజీని కొద్దిగా తగ్గిస్తే అసలు వేడి సమస్యే ఉండదు. ఈ చిన్నపాటి జాగ్రత్తలు తీసుకుంటే మీ ల్యాప్టాప్ ఎక్కువ కాలం మన్నిక వస్తుంది.
Also Read: ఇదే సరైన సమయం.. ఐఫోన్ 17 సిరీస్పై కనీవినీ ఎరుగని డిస్కౌంట్లు, మిస్ అవ్వకండి!
Share
Snakes Den: ఒకేచోట భూమి నుంచి వచ్చే లక్ష పాములు.. వాటిని చూసేందుకు వచ్చే పర్యాటకులు
Thorrur Municipality: గులాబీ కోటకు కాంగ్రెస్ ‘ఎక్స్ అఫీషియో’ షాక్.. తొర్రూరు మున్సిపల్ పీఠం దక్కేది ఎవరికి?
