Huawei MatePad Edge: ప్రముఖ చైనా బ్రాండ్ హువావే తన శక్తివంతమైన టాబ్లెట్ మేట్ప్యాడ్ ఎడ్జ్ను తమ మార్కెట్లోకి దించింది. ఇది 14.2-అంగుళాల ఫ్లెక్సిబుల్ OLED డిస్ల్పేను కలిగి ఉంది. అలాగే ఈ మేడ్ప్యాడ్ ఎడ్జ్ కిరిన్ X90A చిప్సెట్ ద్వారా శక్తిని పొందుతుంది. ఈ టాబ్లెట్కు 32జీబీ వరకు RAM, 2టీబీ వరకు అంతర్గత నిల్వను అందించారు. ఈ మేట్ప్యాడ్ ఎడ్జ్ ధర, ఫీచర్లపై ఓ లుక్కేద్దాం రండి..
ఈ టాబ్లెట్ 16జీబీ + 256జీబీ స్టోరేజీ వేరియంట్ను కలిగి ఉంటుంది. దీని ధర రూ.76,వేల నుండి ప్రారంభమవుతుంది. అలాగే.. 16జీబీ + 512జీబీ స్టోరేజీ కలిగిన వేరియంట్ సుమారు రూ.82 వేలు, 24జీబీ ర్యామ్+ 1టీబీ స్టోరేజ్ వేరియంట్ కలిగిన టాబ్లెట్ ధర సుమారు రూ.101,000గా ఉంది. ఇకపోతే.. టాప్-ఎండ్ మోడల్ 32జీబీ ర్యామ్+ 2టీబీ స్టోరేజీ వేరియంట్ కలిగిన టాబ్లెట్ ధర సుమారు రూ.164,000గా ఉంది. హువావే మేట్ప్యాడ్ ఎడ్జ్ ఆల్రెడీ చైనా మార్కెట్లో అందుబాటులో ఉన్నాయి. స్పేస్ గ్రే, మూన్లైట్ సిల్వర్లో రంగుల్లో ఈ టాబ్లెట్ లభిస్తుందని కంపెనీ తెలిపింది.
Read Also: మరోసారి భారీ డిస్కౌంట్.. అమెజాన్ సేల్లో రూ.9వేల తగ్గింపుతో 5జీ ఫోన్!
హువావే టాబ్లెట్ 14.2-అంగుళాల ఫ్లెక్సిబుల్ OLED డిస్ప్లేను కలిగి ఉంది. అలాగే ఇది 3,120×2,080 పిక్సెల్ రిజల్యూషన్, 1,000 నిట్ల వరకు గరిష్ట బ్రైట్నెస్ను ఇస్తుంది. ఈ పరికరానికి కిరిన్ X90A చిప్సెట్ ద్వారా శక్తి లభిస్తుంది. ఇకపోతే, 32జీబీ వరకు ర్యామ్, 2టీబీ వరకు అంతర్గత నిల్వతో వస్తుంది. టాబ్లెట్ హార్మొనీ ఆపరేటింగ్ సిస్టమ్ 5.1పై నడుస్తుంది.
ఇకపోతే.. ఈ హువావే మేట్ప్యాడ్ ఎడ్జ్ డ్యూయల్ రియర్ కెమెరా సెటప్తో లభిస్తోంది. ఈ టాబ్లెట్ 50-మెగాపిక్సెల్ ప్రైమరీ కెమెరాను కలిగి ఉంది. 8-మెగాపిక్సెల్ వైడ్-యాంగిల్ లెన్స్ కూడా అందుబాటులో ఉంది. ముందు భాగంలో, టాబ్లెట్ 32-మెగాపిక్సెల్ ఫ్రంట్ కెమెరాను కలిగి ఉంది. ఇకపోతే ఈ హువావే మేట్ప్యాడ్ ఎడ్జ్ 12,900mAh బ్యాటరీ లైఫ్ను కలిగి ఉంది.
Read Also: వర్త్ వర్మా వర్తు.. కళ్లు చెదిరేలా మోటొరొలా నుంచి మరో బడ్జెట్ స్మార్ట్ఫోన్!
Share
Spider Robot Construction: 24 గంటల్లో ఇల్లు కట్టేసే సాలీడు రోబోట్.. సిమెంట్తో కాదు వ్యర్థాలతోనే!
Keerthy Suresh: ఇండస్ట్రీలో మేల్ డామినేషన్ ఎక్కువ.. మా సినిమా ఎవరు చూడరు
