Huawei Nova 14i: 7000mAh బ్యాటరీ, పెద్ద డిస్‌ప్లేతో హవాయ్ కొత్త బడ్జెట్ ఫోన్ లాంచ్.. ధర, ఫీచర్లు ఇవే

Huawei Nova 14i| చైనా టెక్ దిగ్గజం హవాయ్ ప్రపంచవ్యాప్తంగా పెద్ద డిస్‌ప్లేతో కొత్త బడ్జెట్ ఫోన్ లాంచ్ చేసింది. దీని పేరు నోవా 14i. చైనాలో మొదట లాంచ్ అయిన ఈ ఫోన్ ఇప్పుడు హాంగ్‌కాంగ్‌లో అందుబాటులోకి వచ్చింది. పెద్ద బ్యాటరీ, పెద్ద డిస్‌ప్లే కావాలనుకునే వారికి ఇది టార్గెట్ చేస్తోంది. డైలీ యూస్‌కు బలమైన పెర్ఫామెన్స్, సింపుల్ ఫీచర్లు ఇస్తుంది. మంచి బ్యాటరీ లైఫ్, బేసిక్ ఫోటోగ్రఫీ, స్మూత్ డిస్‌ప్లే ఇందులో ప్రధాన స్పెసిఫికేషన్స్.

హవాయ్ నోవా 14i ధర, లభ్యత

హాంగ్‌కాంగ్‌లో లాంచ్ అయిన ఈ ఫోన్ ధర హాంకాంగ్ కరెన్సీ HKD 1,588 (భారత కరెన్సీలో సుమారు రూ.18,500). హవాయ్ అధికారిక ఆన్‌లైన్ స్టోర్‌లో కొనుగోలు చేయవచ్చు. బ్లూ, బ్లాక్ కలర్ ఆప్షన్లలో లభిస్తుంది. మరిన్ని గ్లోబల్ మార్కెట్లలో త్వరలో అందుబాటులోకి రావచ్చు.

డిస్‌ప్లే, డిజైన్

6.95 ఇంచ్ LCD డిస్‌ప్లే ఉంది. ఫుల్ HD+ రెజల్యూషన్ (2376 × 1080 పిక్సెల్స్) ఉంది. 90Hz రిఫ్రెష్ రేట్‌తో స్మూత్ ఎక్స్‌పీరియన్స్ ఇస్తుంది. 270Hz టచ్ సాంప్లింగ్ రేట్‌తో ఫాస్ట్ రెస్పాన్స్ వస్తుంది. 16.7 మిలియన్ కలర్స్ సపోర్ట్ చేస్తుంది. పెద్ద సైజు అయినా స్లిమ్ డిజైన్ (171.6 × 79.9 × 8.9 mm). బరువు సుమారు 217 గ్రాములు మాత్రమే.

పెర్ఫామెన్స్, సాఫ్ట్‌వేర్

క్వాల్‌కామ్ స్నాప్‌డ్రాగన్ 680 చిప్‌సెట్ ఉంది. బ్రౌజింగ్, సోషల్ మీడియా వంటి డైలీ టాస్క్‌లు సులభంగా హ్యాండిల్ చేస్తుంది. 8GB RAM + 256GB స్టోరేజ్ ఉంది. EMUI 14.2తో ఆండ్రాయిడ్ బేస్‌డ్ సాఫ్ట్‌వేర్ వస్తుంది. గూగుల్ సర్వీసెస్ లేవు, హవాయ్ యాప్ ఎకోసిస్టమ్‌పై దృష్టి ఉంది.

కెమెరా ఫీచర్లు

డ్యుయల్ రియర్ కెమెరా సెటప్ ఉంది. 50MP ప్రైమరీ కెమెరా సాధారణ ఫోటోగ్రఫీకి బాగుంటుంది. 2MP డెప్త్ సెన్సార్ పోర్ట్రెయిట్ షాట్స్‌కు సహాయపడుతుంది. ముందు 8MP సెల్ఫీ కెమెరా ఉంది. క్యాజువల్ యూజర్లకు, బేసిక్ ఫోటోగ్రఫీకి సరిపోతుంది.

బ్యాటరీ, ఛార్జింగ్

7000mAh భారీ బ్యాటరీ ఉంది. 26 గంటల వరకు వీడియో ప్లేబ్యాక్ ఇస్తుందని హవాయ్ చెబుతోంది. 22.5W వైర్డ్ ఫాస్ట్ ఛార్జింగ్ సపోర్ట్ ఉంది. USB టైప్-C పోర్ట్ ఉంది. తరచూ ఛార్జ్ చేయకుండా ఎక్కువ కాలం ఉపయోగించవచ్చు. ట్రావెల్, స్ట్రీమింగ్ ఎక్కువగా చేసేవారికి బెస్ట్.

Also Read: మనుషులు నిజంగా 150 సంవత్సరాలు జీవించగలరు.. ఎలాగంటే?

కనెక్టివిటీ, ఇతర ఫీచర్లు

డ్యుయల్ సిమ్, 4G LTE సపోర్ట్ ఉంది. డ్యూయల్-బ్యాండ్ Wi-Fi స్థిరమైన ఇంటర్నెట్ ఇస్తుంది. బ్లూటూత్ 5.0తో రిలయబుల్ వైర్‌లెస్ కనెక్షన్ ఉంది. GPS నావిగేషన్ సర్వీసెస్ సపోర్ట్ చేస్తుంది.

హవాయ్ నోవా 14i పెద్ద బ్యాటరీ, పెద్ద డిస్‌ప్లేలో ఫోకస్ చేసింది. తక్కువ ధరలో ఎక్కువ యూసేజ్ కావాలనుకునేవారికి బెస్ట్. హై పెర్ఫామెన్స్, గేమింగ్ కావాలనుకునేవారికి సరిపోకపోవచ్చు. స్టూడెంట్స్, రోజువారీ యూజర్లకు అద్భుతమైన ఆప్షన్.