Sarvam AI| సాధారణంగా AI టెక్నాలజీ గురించి ప్రస్తావన వచ్చినప్పుడు అమెరికా, చైనా మోడల్స్ గురించే చర్చ జరుగుతుంది. భారతీయ AI మోడల్స్కు పెద్దగా గుర్తింపు రావడం లేదు. కానీ ఇప్పుడు ఈ ట్రెండ్ పూర్తిగా మారిపోయింది. బెంగళూరులోని ఒక స్టార్టప్ కంపెనీ.. సర్వం AI.. టెక్ ప్రపంచాన్ని షాక్ చేసింది. ప్రపంచంలోని టాప్ ఏఐ మోడల్స్ని సర్వం AI మించిపోయింది.
సర్వం AI అనేది బెంగళూరు ఆధారిత భారతీయ స్టార్టప్. ఇది భారతదేశం నుంచే ఫౌండేషనల్ AI మోడల్స్ తయారు చేస్తోంది. గ్లోబల్ AI సిస్టమ్స్ పట్టించుకోని సమస్యలను పరిష్కరించడంపై దృష్టి పెట్టింది. ఇటీవల సర్వం AI రెండు టూల్స్.. సర్వం విజన్, బుల్బుల్.. చాలా గుర్తింపు పొందాయి.
సర్వం విజన్ అనేది అడ్వాన్స్డ్ ఆప్టికల్ క్యారెక్టర్ రికగ్నిషన్ (OCR) సిస్టమ్. సంక్లిష్టమైన డాక్యుమెంట్లను చదవడం, అర్థం చేసుకోవడంలో ఇది అద్భుతంగా పనిచేస్తుంది. ఈ మోడల్ చాట్జీపీటీ, గూగుల్ జెమినీ, ఆంథ్రోపిక్ క్లాడ్ వంటి పెద్ద మోడల్స్ను మించిపోయింది. నిపుణులు, యూజర్లు దీని పర్ఫామెన్స్ని బాగా మెచ్చుకున్నారు.
సర్వం విజన్ గ్లోబల్ బెంచ్మార్క్లలో టాప్ స్కోర్ సాధించింది. OmniDocBench v1.5లో 93.28 శాతం కచ్చితత్వం సాధించింది. ఈ టెస్ట్ ఇంగ్లీష్ డాక్యుమెంట్లతో మాత్రమే జరిగింది. అదే టెస్ట్లో జెమినీ, చాట్జీపీటీ సర్వం కంటే తక్కువ స్కోర్ చేశాయి. ఈ ఫలితాలు, గణాంకాలు AI రీసెర్చర్లను ఆశ్చర్యపరిచాయి.
OmniDocBench నిజ జీవిత డాక్యుమెంట్ అర్థం చేసుకోవడాన్ని కొలుస్తుంది. సంక్లిష్టమైన లేఅవుట్లు, టెక్నికల్ టేబుల్స్, మ్యాథ్ ఫార్ములాలు, కష్టమైన డాక్యుమెంట్ డిజైన్లను టెస్ట్ చేస్తుంది. సాధారణ OCR సిస్టమ్స్ ఇలాంటి ఏరియాల్లో విఫలమవుతాయి. కానీ సర్వం విజన్ ఈ సవాళ్లను సులభంగా హ్యాండిల్ చేసి అద్భుత కచ్చితత్వం చూపించింది.
సర్వం AI కో-ఫౌండర్ ప్రత్యుష్ కుమార్ ఈ ఫలితాలను X ప్లాట్ఫామ్లో షేర్ చేశారు. తమ ఇన్-హౌస్ AI కెపాసిటీని హైలైట్ చేశారు. ఆ పోస్టులు వేగంగా వైరల్ అయ్యాయి. చాలా మంది నిపుణులు చర్చలో చేరారు.
గతంలో సర్వం AI భారతీయ భాషలపై దృష్టి పెట్టడం వల్ల కొందరు విమర్శించారు. గ్లోబల్ రెలెవెన్స్ లేదని అన్నారు. కానీ ఇప్పుడు ఆ విమర్శలన్నీ ప్రశంసలుగా మారాయి. సర్వం టెక్నికల్ బలాన్ని నిరూపించుకుంది. ప్రపంచవ్యాప్తంగా గౌరవం పొందింది.
టెక్ కామెంటేటర్ DD దాస్ సర్వం AIని బహిరంగంగా ప్రశంసించారు. OCR, స్పీచ్ మోడల్స్ బలంగా ఉన్నాయని చెప్పారు. గ్లోబల్ AIలు పట్టించుకోని గ్యాప్లను సర్వం ఫిల్ చేస్తోందని అన్నారు. ఇంతకుముందు తాను సర్వం ఏఐపై చేసిన విమర్శలు ఇప్పుడు విరమించుకుంటున్నానని ఆయన చెప్పారు.
చాలా మంది యూజర్లు సర్వం AI టూల్స్ను ప్రశంసించారు. ఒక యూజర్ తన అనుభవాన్ని ఆన్లైన్లో షేర్ చేశాడు. టూల్ చాలా ఇంప్రెసివ్ అని చెప్పాడు. పాజిటివ్ ఫీడ్బ్యాక్ వేగంగా పెరుగుతోంది.
సర్వం AI మరో కొత్త మోడల్ బుల్బుల్ V3ని లాంచ్ చేసింది. ఇది టెక్స్ట్-టు-స్పీచ్ సిస్టమ్. రాసిన టెక్స్ట్ను నేచురల్ వాయిస్గా మారుస్తుంది. భారతీయ భాషలపై దృష్టి పెట్టింది.
బుల్బుల్ V3 11 భారతీయ భాషలను సపోర్ట్ చేస్తుంది. 35కి పైగా వివిధ వాయిస్ ఆప్షన్లు ఉన్నాయి. వాయిస్లు చాలా నేచురల్గా, ఎక్స్ప్రెసివ్గా ఉంటాయి. ప్రొడక్షన్ యూస్ కోసం డిజైన్ చేశారు. త్వరలో మరిన్ని భాషలు జోడిస్తారు.
Also Read: ఆండ్రాయిడ్ యూజర్లకు గూగుల్ తరపున గుడ్ న్యూస్.. చిటికెలో ఐఫోన్కు ఫైల్ షేరింగ్ సాధ్యం
సర్వం AI భారతదేశం ప్రపంచ స్థాయి AI మోడల్స్ తయారు చేయగలదని నిరూపించింది. పాశ్చాత్య కంపెనీల ఆధిపత్యాన్ని సవాలు చేస్తోంది. స్థానిక ఇన్నోవేషన్ శక్తిని చూపిస్తోంది. అయితే
సర్వం AIని చాట్జీపీటీకి పూర్తి ప్రత్యామ్నాయంగా చూడలేము. చాట్జీపీటీ లోతైన రీజనింగ్, కోడింగ్, సుదీర్ఘ వివరణలు, సంక్లిష్ట మల్టీ-స్టెప్ సమస్యల పరిష్కారంలో ఇంకా బలంగా ఉంది. అలాగే జెమినీ ఏఐ, GPT-4 మోడల్స్ ఫొటోలు, వీడియోలు, ఆడియోలను విశ్లేషించగలవు. కానీ సర్వం AI ఇదంతా చేయలేదు. ఇప్పటికీ కేవలం టెక్స్ట్ మాత్రమే విశ్లేషిస్తోంది. విజువల్స్ లేదా మీడియా ఫైల్స్ ప్రాసెస్ చేయలేదు.
Share
TG Municipal Elections: పోల్ మేనేజ్ మెంట్ పై పార్టీల దృష్టి.. ఇక ఆశలన్నీ అటువైపే..?
Akira Nandan: అకీరా నందన్ కోసం ఆ దర్శకుడిని స్టోరీ అడిగిన పవన్ కళ్యాణ్..
