iPhone 18 Pro: అమెరికా టెక్ దిగ్గజం యాపిల్ బ్రాండ్లకు ప్రపంచవ్యాప్తంగా ఎంత క్రేజ్ ఉందో మనందరికీ తెలిసిందే. అయితే ఇటీవల విడుదలైన మేక్బుక్ నియో, ఐఫోన్ 17e విడుదల తర్వాత, ఇప్పుడు అందరి దృష్టి ఐఫోన్ 18 సిరీస్పై పడింది. ఈ ఏడాది సెప్టెంబర్లో iPhone 18 Pro, Pro Maxతో పాటు మొదటిసారిగా iPhone Fold కూడా మార్కెట్లోకి వచ్చే అవకాశం ఉందని చెబుతున్నారు టెక్ నిపుణులు. ముఖ్యంగా ఐఫోన్ 18 ప్రో మోడల్ గతంలో కంటే మెరుగైన టెక్నాలజీతో ఆకట్టుకోనుంది.
సెప్టెంబర్ నెలలో విడుదల కానున్న iPhone 18 Pro శక్తివంతమైన ఏ20 ప్రో చిప్సెట్తో రాబోతోంది. దీనివల్ల ఫోన్ వేగం పెరగడమే కాకుండా మల్టీటాస్కింగ్ చాలా సులభమవుతుంది. ఇక బ్యాటరీ విషయానికి వస్తే.. దీనిలో 5100mAh బ్యాటరీని అమర్చారు. ఇది 40W ఫాస్ట్ ఛార్జింగ్ను సపోర్ట్ చేస్తుంది. దీంతో ఎలాంటి ఛార్జింగ్ సమస్య లేకుండా రోజంతా వాడుకోవచ్చు. అలాగే ఇది సరికొత్త ఐఓఎస్ 27 ఆపరేటింగ్ సిస్టమ్తో పనిచేస్తుంది. iPhone 18 Proలో ఆర్టిఫిషియల్ ఇంటెలిజెన్స్ (AI) ఆధారిత ఫీచర్లు హైలైట్గా నిలవనున్నాయి.
Also Read: ప్రపంచవ్యాప్తంగా ప్రతి 4 ఐఫోన్లలో ఒకటి ‘మేడ్ ఇన్ ఇండియా’.. మార్కెట్లో 25% వాటా మనదే!
ఫొటోగ్రఫీని ఇష్టపడే వారి కోసం యాపిల్ భారీ మార్పులు చేస్తోంది. వెనుక వైపు మూడు 48MP కెమెరాలు ఉండనున్నాయి. మెయిన్ కెమెరాతో పాటు అల్ట్రా వైడ్, పెరిస్కోప్ టెలిఫొటో లెన్స్ అన్నీ 48MP సామర్థ్యంతో వస్తుండటం విశేషం. ఇకపోతే సెల్ఫీల కోసం ముందు భాగంలో 18MP కెమెరాను అమర్చారు. దీంతోపాటు చీకటిలో కూడా స్పష్టమైన ఫొటోలు తీసేలా కెమెరా సెన్సార్లను మెరుగుపరిచారు.
సెప్టెంబరు 3 నుండి 10వ తేదీ మధ్యలో ఈ ఫోన్లు ప్రపంచవ్యాప్తంగా విడుదలయ్యే అవకాశం ఉంది. భారతదేశంలో 256GB వేరియంట్ ధర సుమారు రూ.1,44,900 వరకు ఉండొచ్చని అంచనా. అయితే ఇవి కేవలం అంచనాలు మాత్రమే. కాబట్టి.. యాపిల్ సంస్థ నుంచి అధికారిక ప్రకటన వచ్చే వరకు వేచి చూడాల్సిందే.
Also Read: ఈ ఇండక్షన్ స్టవ్ మీ ఇంట్లో ఉంటే.. ‘గ్యాస్’ కష్టాలే ఉండవ్, వెంటనే కొనేయండి!
Share
Mouli Movie: పాన్ ఇండియా బ్యానర్లో ‘లిటిల్ హార్ట్స్’ మౌళి నెక్స్ట్ సినిమా!.. దర్శకుడు ఎవరంటే?
KTR : కేటీఆర్ది ఆవేదనా? ఆగ్రహమా?
