iPhone 14 offer: ఆపిల్ అభిమానులు చాలా రోజులుగా ఎదురు చూస్తున్న అవకాశం ఇప్పుడు దొరికింది. ప్రీమియం ఐఫోన్ కొనాలనే ఆలోచనలో ఉన్నవారికి ఆపిల్ ఐఫోన్ 14 ప్రస్తుతం నిజంగా ఆకర్షణీయమైన ధరకు లభిస్తోంది. సాధారణంగా ఐఫోన్లపై భారీ తగ్గింపులు అరుదుగా కనిపిస్తాయి. అలాంటి పరిస్థితిలో ఐఫోన్ 14పై దాదాపు రూ.34వేల వరకు తగ్గింపు రావడం అంటే కొనుగోలుదారులకు ఇది పెద్ద ఛాన్స్ అనే చెప్పాలి.
ఆఫర్ ఎందులో.. ఎంత తగ్గింది అంటే?
ఈ ఆఫర్ ప్రత్యేకత ఏంటంటే అమెజాన్, ఫ్లిప్కార్ట్ లాంటి సాధారణ ఈ-కామర్స్ ప్లాట్ఫామ్లలో కాకుండా రిలయన్స్ డిజిటల్ స్టోర్లలో లభిస్తోంది. రిలయన్స్ డిజిటల్ వెబ్సైట్లో ఐఫోన్ 14 ప్రారంభ ధర సుమారు రూ.48,403గా ఉంది. దీనిపై ఎంపిక చేసిన బ్యాంక్ కార్డుల ద్వారా మరో రూ.3,000 వరకు డిస్కౌంట్ కూడా అందిస్తున్నారు. అలా చూస్తే ఈ ఫోన్ను దాదాపు రూ.45,403కే సొంతం చేసుకునే అవకాశం ఉంటుంది. ఐఫోన్ 14ను ఆపిల్ మొదట రూ.79,900 ధరతో మార్కెట్లోకి తీసుకొచ్చింది. అంటే ఇప్పుడు కొనుగోలు చేస్తే రూ.34,000కు పైగా ఆదా అవుతున్నట్లే.
క్లాసిక్ నాచ్ డిజైన్
డిజైన్ విషయానికి వస్తే ఐఫోన్ 14 క్లాసిక్ నాచ్ డిజైన్తో వస్తుంది. ప్రీమియం ఫినిషింగ్, బలమైన బాడీ ఇప్పటికీ ఈ ఫోన్కు ప్రత్యేక ఆకర్షణగా నిలుస్తాయి. 128GB, 256GB, 512GB స్టోరేజ్ ఆప్షన్లలో ఈ మోడల్ అందుబాటులో ఉంది. రోజువారీ వాడకానికి సరిపడే స్పేస్తో పాటు లాంగ్టర్మ్ యూజ్ను దృష్టిలో పెట్టుకుని స్టోరేజ్ ఎంపికలు ఇచ్చారు.
6.1 అంగుళాల సూపర్ రెటినా XDR స్క్రీన్
డిస్ప్లే విషయంలో ఐఫోన్ 14లో 6.1 అంగుళాల సూపర్ రెటినా XDR స్క్రీన్ ఉంది. 60Hz రిఫ్రెష్ రేట్తో వచ్చే ఈ డిస్ప్లే రంగుల స్పష్టత, లోతైన నల్ల రంగులతో ప్రీమియం ఫీలింగ్ ఇస్తుంది. పనితీరు కోసం ఆపిల్ నమ్మకమైన A15 బయోనిక్ చిప్సెట్ను అందించింది. ఇది రోజువారీ యాప్స్ నుంచి గేమింగ్ వరకు స్మూత్ అనుభవాన్ని ఇస్తుంది. ఈ ఫోన్ iOS 16తో విడుదలైంది. భవిష్యత్తులో రాబోయే కొత్త iOS అప్డేట్లకు కూడా మద్దతు ఉండడం దీని పెద్ద ప్లస్ పాయింట్.
12MP అల్ట్రా వైడ్ లెన్స్తో డ్యూయల్ కెమెరా సెటప్
కెమెరా సెక్షన్లో కూడా ఐఫోన్ 14 ఇప్పటికీ బలమైన పోటీ ఇస్తుంది. వెనుక భాగంలో 12MP ప్రధాన కెమెరా, 12MP అల్ట్రా వైడ్ లెన్స్తో డ్యూయల్ కెమెరా సెటప్ ఉంది. పోర్ట్రెయిట్ మోడ్, డెప్త్ కంట్రోల్ లాంటి ఫీచర్లతో ఫోటోలు సహజంగా కనిపిస్తాయి. ముందు భాగంలో 12MP ట్రూడెప్త్ కెమెరా ఉండటం వల్ల సెల్ఫీలు, వీడియో కాల్స్ క్లారిటీగా వస్తాయి.
వైర్డు ఛార్జింగ్తో పాటు వైర్లెస్ ఛార్జింగ్
బ్యాటరీ విషయానికి వస్తే ఐఫోన్ 14 వైర్డు ఛార్జింగ్తో పాటు వైర్లెస్ ఛార్జింగ్ను కూడా సపోర్ట్ చేస్తుంది. మ్యాగ్సేఫ్, క్యూఐ2 లాంటి ఆధునిక ఛార్జింగ్ టెక్నాలజీలు ఇందులో ఉన్నాయి. భద్రత పరంగా ఫేస్ ID, ప్రమాదాల సమయంలో సహాయపడే క్రాష్ డిటెక్షన్ వంటి ఫీచర్లు కూడా అందించారు. నీరు, ధూళి నిరోధకత ఉండటం వల్ల రోజువారీ వాడకంలో నమ్మకంగా ఉపయోగించుకోవచ్చు. ముఖ్యంగా ప్రీమియం ఫోన్ను తగ్గింపు ధరలో తీసుకోవాలనుకునేవారికి ఇది సరైన సమయం. ఇంత పెద్ద డిస్కౌంట్తో ఐఫోన్ 14 దొరకడం మళ్లీ ఎప్పుడు వస్తుందో చెప్పలేం.
Share
Swayambhu Poster: న్యూ ఇయర్ పోస్టర్తో అంచనాలు పెంచిన నిఖిల్ స్వయంభు..!
Suriya: పెళ్లిలో సడన్ ఎంట్రీ ఇచ్చిన హీరో సూర్య.. వధువు వెంటనే ఏం చేసిందంటే?
