Vivo iQOO Z11x 5G Phone: భారత్ లో iQOO Z11x 5G ఫోన్ లాంచ్.. ఈ కార్డులపై రూ.2 వేల వరకు ఆఫర్

Vivo iQOO Z11x 5G Phone: వివో సబ్ బ్రాండ్ iQOO Z11x 5G స్మార్ట్ ఫోన్ గురువారం భారత్ మార్కెట్ లో లాంచ్ అయింది. మార్చి 16న మధ్యాహ్నం 12 గంటలకు అమెజాన్ లో సేల్స్ స్టార్ అవుతాయి. ఈ ఫోన్లు మూడు స్టోరేజ్ కాన్ఫిగరేషన్‌లు, రెండు కలర్ ఆప్షన్‌లతో అందుబాటులో ఉంటాయి. 4nm ప్రాసెస్‌ డిజైన్ తో ఆక్టా కోర్ మీడియాటెక్ డైమెన్సిటీ 7400 టర్బో చిప్‌సెట్, 7,200mAh బ్యాటరీతో అందుబాటులోకి రానుంది. దీంతో పాటు 44W వైర్డు ఫాస్ట్ ఛార్జింగ్ సపోర్ట్‌ కలిగి ఉంది.

iQOO Z11x 5G వేరియంట్ల ధర, ఆఫర్లు

భారత్ లో iQOO Z11x 5G 6GB + 128GB RAM స్టోరేజ్ కాన్ఫిగరేషన్ బేస్ వెర్షన్ ధర రూ. 18,999 నుంచి ప్రారంభమవుతుంది. 8GB RAM, 128GB స్టోరేజ్‌ తో హై-ఎండ్ ఆప్షన్ ఫోన్ ధర రూ. 20,999గా ఉంది. 8GB RAM, 256GB స్టోరేజ్‌ టాప్-ఆఫ్-ది-లైన్ వేరియంట్ ధర రూ. 22,999. యాక్సిస్ బ్యాంక్, ఎస్బీఐ క్రెడిట్ కార్డులపై రూ. 2,000 వరకు తగ్గింపును పొందవచ్చు. iQOO Z11x 5G ప్రిస్మాటిక్ గ్రీన్, టైటాన్ బ్లాక్ రంగులలో అందుబాటులో ఉంటుంది. 7,100mAh బ్యాటరీ, గేమింగ్ ఆప్టిమైజేషన్లను కలిగి ఉంది.

iQOO Z11x 5G స్పెసిఫికేషన్లు, ఫీచర్లు ఇలా

iQOO Z11x 5G డ్యూయల్ సిమ్ హ్యాండ్‌సెట్. ఇది Vivo Android 16 బేస్డ్ OriginOS 6 తో పనిచేస్తుంది. కొత్త స్మార్ట్‌ఫోన్ లపై రెండు ఏళ్ల OS అప్‌గ్రేడ్‌లు, నాలుగు ఏళ్ల సెక్యురిటీ అప్డేట్స్ ఇస్తుంది. ఈ హ్యాండ్‌సెట్ 6.76-అంగుళాల LCD స్క్రీన్‌ ఉంటుంది. అలాగే 120Hz వరకు రిఫ్రెష్ రేట్, 382 ppi పిక్సెల్ సాంద్రత, 1,200 నిట్స్ పీక్ బ్రైట్‌నెస్, 83 శాతం NTSC కలర్ గామట్‌ను కలిగి ఉంది. హ్యాండ్‌సెట్ డస్ట్, వాటర్ రెసిస్టెంట్ కోసం IP68, IP69+ రేటింగ్‌ ఉంది.