Iron cooler vs Plastic cooler: సమ్మర్లో ఉక్కపోత నుంచి ఉపశమనం పొందడానికి కూలర్ ఒక అద్భుతమైన సాధనం. అయితే.. చాలా మంది ప్లాస్టిక్ కూలర్ చూడటానికి బాగుంటుందని, మరి కొందరు ఐరన్ కూలర్ అయితేనే గాలి బాగా వస్తుందని అనుకుంటారు. కాలం మారుతున్న కొద్దీ కూలర్ల టెక్నాలజీ కూడా మారుతోంది. ఈ రెండింటిలో దేని ప్రయోజనాలు దానికి ఉన్నాయి. అలాగే కొన్ని లోపాలు కూడా ఉన్నాయి. మీ అవసరాలకు, మీ బడ్జెట్కు ఏది సెట్ అవుతుందో క్లియర్ కట్గా ఇప్పుడు తెలుసుకుందాం.
ప్లాస్టిక్ vs ఐరన్ కూలర్: ఏది బెస్ట్ ఛాయిస్?
సమ్మర్ వచ్చిందంటే చాలు.. కూలర్ల మార్కెట్ కళకళలాడుతుంది. ఒకప్పుడు కేవలం ఇనుప డబ్బాలతో చేసే ఐరన్ కూలర్లు మాత్రమే ఉండేవి. కానీ ఇప్పుడు అత్యాధునిక డిజైన్లతో ప్లాస్టిక్ కూలర్లు మార్కెట్ను ముంచెత్తుతున్నాయి. వీటి మధ్య ఉన్న ప్రధాన తేడాలు..
1. గాలి , కూలింగ్:
కూలింగ్ విషయంలో ఐరన్ కూలర్లు ఇప్పటికీ రారాజులే. ఇవి సాధారణంగా పెద్ద ఫ్యాన్లను కలిగి ఉంటాయి. కాబట్టి గాలి చాలా బలంగా వస్తుంది. పెద్ద హాల్స్ లేదా బయట వరాండాల్లో వాడటానికి ఇవి బెస్ట్.
మరోవైపు, ప్లాస్టిక్ కూలర్లు పర్సనల్ కూలింగ్ కోసం బాగుంటాయి. బెడ్ రూమ్స్ వంటి చిన్న గదుల్లో ఇవి చల్లటి గాలిని ఇస్తాయి. అయితే పెద్ద ఐరన్ కూలర్లతో పోలిస్తే వీటి గాలి వేగం కొంచెం తక్కువగా ఉంటుంది.
2. మన్నిక:
మన్నిక విషయానికి వస్తే ప్లాస్టిక్ కూలర్లు ముందంజలో ఉంటాయి. ఎందుకంటే.. ఇవి తుప్పు పట్టవు. నీటి వల్ల ప్లాస్టిక్ బాడీకి ఎలాంటి ప్రమాదం ఉండదు. కానీ ఐరన్ కూలర్లతో అతిపెద్ద సమస్య ‘తుప్పు’. నీటి వల్ల ఇనుము త్వరగా పాడవుతుంది. తరచూ పెయింట్ వేయడం, లీకేజీలను అరికట్టడం వంటి మెయింటెనెన్స్ వీటికి అవసరం. ఒకవేళ సరిగ్గా చూసుకుంటే ఐరన్ కూలర్లు పదేళ్లైనా పనిచేస్తాయి.
3. డిజైన్ ,పోర్టబిలిటీ:
మీకు ఇల్లు స్టైలిష్గా కనిపించాలంటే.. ప్లాస్టిక్ కూలర్ కరెక్ట్. ఇవి రకరకాల రంగుల్లో, మోడ్రన్ డిజైన్లలో దొరుకుతాయి. వీటికి చక్రాలు ఉండటం వల్ల ఒక గది నుంచి మరో గదికి ఈజీగా మార్చుకోవచ్చు. ఐరన్ కూలర్లు బరువుగా ఉంటాయి. ఒకసారి ఒక చోట పెట్టామంటే వాటిని కదిలించడం కష్టం. అలాగే ఇవి చూడటానికి అంత ఆకర్షణీయంగా ఉండవు.
4. సౌండ్ :
ప్రశాంతమైన నిద్ర కావాలనుకునే వారికి ప్లాస్టిక్ కూలర్లు నచ్చుతాయి. వీటిలో ఫ్యాన్ శబ్దం చాలా తక్కువగా ఉంటుంది. ఐరన్ కూలర్లు నడుస్తున్నప్పుడు విమానం వస్తున్నట్లు భారీ శబ్దాన్ని చేస్తాయి. సౌండ్ అంటే ఇష్టం లేని వారు వీటిని భరించడం కష్టం.
5. ధర :
బడ్జెట్ విషయానికి వస్తే ఐరన్ కూలర్లు తక్కువ ధరకు లభిస్తాయి. లోకల్ మార్కెట్లో 4 వేల నుంచి 7 వేల మధ్య మంచి ఐరన్ కూలర్ వస్తుంది. ప్లాస్టిక్ కూలర్లు బ్రాండెడ్ కావడంతో కొంచెం ఖరీదు ఎక్కువ. ఇవి 6 వేల నుంచి మొదలై 15 వేల వరకు కూడా ఉంటాయి.
Also Read: బ్యూటీ పార్లర్ వెళ్లక్కర్లేదు.. ఈ కలబంద ఐస్ క్యూబ్స్తో ఇంట్లోనే ఫేషియల్ !
ఏది ఎప్పుడు కొనాలి?
1. పెద్ద హాల్ లో గాలి చాలా బలంగా రావాలి అనుకుంటే.. ఐరన్ కూలర్ తీసుకోండి.
2.బెడ్ రూమ్ కోసం, తక్కువ శబ్దంతో, చూడటానికి అందంగా ఉండే కూలర్ కావాలంటే ప్లాస్టిక్ కూలర్ బెస్ట్.
3. మీకు మెయింటెనెన్స్ చేసే ఓపిక లేకపోతే.. ప్లాస్టిక్ కూలర్కే ఓటు వేయండి.
చివరిగా చెప్పాలంటే.. తక్కువ ధరలో ఎక్కువ గాలి కావాలంటే ఐరన్, ఎక్కువ కాలం మెయింటెనెన్స్ లేకుండా స్టైలిష్గా ఉండాలంటే ప్లాస్టిక్. మీ అవసరాన్ని బట్టి నిర్ణయం తీసుకోండి. ఈ సమ్మర్లో కూల్గా ఉండండి.
Share
Healthy Drink: రోజూ నిమ్మరసం, మెంతుల నీరు తాగారంటే ఏం జరుగుతుందో మీరు ఊహించలేరు
Arjun Das: ఓజి నటుడికి లవ్ బ్రేకప్..సంచలనంగా మారిన పోస్ట్!
