Jio Plans: ప్రముఖ టెలికాం సంస్థ జియో తన యూజర్ల కోసం అనేక రకాల ప్రీపెయిడ్ రీఛార్జ్ ప్లాన్స్ ను అందుబాటులోకి తీసుకొచ్చింది. వాటిలో 3 నెలల వ్యాలిడిటీ కలిగిన ప్లాన్స్ ను అత్యధిక మంది రీఛార్జ్ చేసుకుంటున్నట్లు నివేదికలు పేర్కొంటున్నాయి. ఈ నేపథ్యంలో 84 రోజుల వ్యాలిడిటీతో జియో అందిస్తున్న చౌకైన ప్లాన్స్, వాటిని రీఛార్జ్ చేసుకోవడం ద్వారా యూజర్లకు లభించే ప్రయోజనాలు ఏంటో ఈ కథనంలో పరిశీలిద్దాం.
జియో భారత్ కీప్యాడ్ ఫోన్ వాడుతున్న వారి కోసం అత్యంత చౌకైన రూ.369 ప్లాన్ ను అందుబాటులోకి తీసుకొచ్చారు. 84 రోజుల వ్యాలిడిటీతో వచ్చిన ఈ ప్లాన్.. అపరిమిత కాల్స్ తో పాటు ప్రతీ రోజూ 0.5GB డేటాను అందిస్తుంది. అలాగే ప్రతీ 28 రోజులకు 300 SMSలు లభిస్తాయి. ఈ ప్లాన్ చేసుకుంటే రోజుకు 4.39 మాత్రమే యూజర్ కు ఖర్చు కానుంది.
డేటాతో పనిలేకుండా కేవలం అపరిమిత కాల్స్ మాత్రమే కోరుకునేవారికి కోసం జియో ఈ ప్లాన్ తీసుకొచ్చింది. 84 రోజుల వ్యాలిడిటీతో వచ్చిన ఈ ప్లాన్.. అపరిమిత కాల్స్ తో పాటు 1000 SMSలను ప్లాన్ కాలానికి అందిస్తుంది. అలాగే జియోటీవీ, జియో ఏఐ క్లౌడ్ ఉచిత సబ్ స్క్రిప్షన్లను అదనపు ప్రయోజనాల కింద పొందవచ్చు. ఈ ప్లాన్ రీఛార్జ్ చేసుకుంటే రోజుకు రూ.5.33 మాత్రమే ఖర్చు అవుతుంది.
84 రోజుల వ్యాలిడిటీతో బేసిక్ ఆల్ రౌండ్ ప్లాన్ కోరుకుంటే దీనిని ట్రై చేయవచ్చు. ఈ ప్లాన్ కింద యూజర్ ప్రతీరోజూ 1.5GB హై స్పీడ్ డేటా, రోజుకు 100SMSలు లభిస్తాయి. అలాగే జియో ఏఐ క్లౌడ్ (Jio AI Cloud), జియో టీవీ (Jio TV), రూ. 35,100 విలువైన 18 నెలల గూగుల్ జెమిని ప్రో ప్లాన్ అదనపు ప్రయోజనాల కింద పొందవచ్చు. ఈ ప్లాన్ కింద రోజుకు రూ.9.51 ఖర్చు అవుతుంది.
Also Read: మధ్యతరగతి స్పెషల్.. అకాయ్ నుంచి బడ్జెట్ ఏసీలు లాంచ్.. నిజంగా అదిరిపోయాయ్ భయ్యా!
ఇది కేవలం డేటాను ఉద్దేశించి తీసుకొచ్చిన ప్లాన్. 84 రోజుల వ్యాలిడిటీ కలిగిన ఈ ప్లాన్ కింద.. యూజర్ కు ప్రతీరోజూ 2GB డేటా లభిస్తుంది. ప్లాన్ పూర్తయ్యే సమయానికి 168 GB ఉపయోగించుకోవచ్చు. అంతేకాకుండా రోజుకు 100SMSలు, డేటా కోటా పూర్తి అయితే 64Kbps స్పీడ్ తో అపరిమిత డేటా పొందవచ్చు. ప్లాన్ చేసుకుంటే రోజుకు రూ.10.22 భారం పడుతుంది.
Also Read: AC Water Tips: ఏసీ నీటిని వృథా చేస్తున్నారా? పెద్ద తప్పు చేస్తున్నట్లే.. ఈ లాభాలన్నీ మిస్ అవుతారు!
Share
ఆ డైరెక్టర్ నరకం చూపించాడు.. మళ్లీ ఆ మొహం చూడను – ప్రగతి షాకింగ్ కామెంట్స్
సమ్మర్ హెయిర్ కేర్.. జుట్టు ఆరోగ్యాన్ని రెట్టింపు చేసే 9 మార్గాలు!
