Akai NXT AC: దేశంలో నానాటికి పెరిగిపోతున్న ఉష్ణోగ్రతలను దృష్టిలో ఉంచుకొని.. ప్రముఖ ఎలక్ట్రానిక్స్ బ్రాండ్ Akai (అకాయ్) నయా ఏసీలను లాంచ్ చేసింది. తన సరికొత్త ‘NXT’ ఇన్వర్టర్ ఎయిర్ కండిషనర్ (AC) సిరీస్ను విడుదల చేసింది. ఈ కొత్త రేంజ్ ACలు.. బ్యూరో ఆఫ్ ఎనర్జీ ఎఫిషియెన్సీ (BEE) సూచించిన 2026 ఎనర్జీ రేటింగ్ ప్రమాణాలకు అనుగుణంగా రూపొందించబడ్డాయి.
అకాయ్ కంపెనీ.. ఈ NXT వెర్షన్లో మూడు రకాల మోడళ్లను పరిచయం చేసింది. నీలగిరి, కాశ్మీర్, సియాచిన్ వంటి కనిష్ట ఉష్ణోగ్రతలు ఉన్న ప్రాంతాల పేర్లను ఈ మోడళ్లకు పెట్టింది. నీలగిరి (Nilgiree) మోడల్.. బడ్జెట్ ధరలో లభించే బేసిక్ వేరియంట్. మిగతా వేరియంట్లతో పోలిస్తే ఇది తక్కువ సామర్థ్యం కలిగి ఉండి.. విద్యుత్ ఆదాపై ఎక్కువ దృష్టి పెడుతుంది.
‘హాట్ అండ్ కోల్డ్’ ఇన్వర్టర్ ఏసీలుగా కాశ్మీర్ (Kaashmir) మోడల్ ను అకాయ్ రూపొందించింది. ఇవి వేసవిలో చల్లదనాన్ని, చలికాలంలో వెచ్చదనాన్ని ఇస్తూ ఏడాది పొడవునా సమర్థవంతంగా పనిచేయనున్నాయి. ఇక సియాచిన్ (Siaachen) వేరియంట్ ను NXT వెర్షన్ సిరీస్ లోనే ప్రీమియం మోడల్ గా అకాయ్ తీర్చిదిద్దింది. బయటి ఉష్ణోగ్రత 55°C ఉన్నప్పటికీ గదిని సమర్థవంతంగా చల్లబరుస్తుందని కంపెనీ వర్గాలు పేర్కొన్నాయి.
2026 నుంచి కొత్తగా అమల్లోకి వచ్చిన BEE 2026 రేటింగ్ ఆధారంగా ఈ అకాయ్ ఏసీలు రూపొందాయి. ఇవి కఠినమైన విద్యుత్ ఆదా నిబంధనలకు అనుగుణంగా పనిచేయనున్నాయి. అకాయ్ తన నెక్ట్స్ సిరీస్ ఏసీలను 3 స్టార్, 5 స్టార్ రేటింగ్స్ తో అందుబాటులో తీసుకొచ్చింది. వీటిలోని 9-ఇన్-1 మోడ్స్ ఉపయోగించి.. వినియోగదారులు తమ అవసరాలకు అనుగుణంగా కూలింగ్ ను అడ్జస్ట్ చేసుకోవచ్చు.
అకాయ్ నెక్ట్స్ సిరీస్ ఇన్వర్టర్ ఏసీలు.. స్వచ్ఛమైన చల్లటి గాలిని అందిస్తాయని కంపెనీ వర్గాలు పేర్కొన్నాయి. గాలిలోని బ్యాక్టీరియా, వైరస్ లను తొలగించి శుభ్రమైన గాలిని అందించడానికి ఇందులో యాంటీ-వైరల్ ఆయుర్వేదిక్ ఫిల్టర్లను (Ayurvedic filters) ఉపయోగించినట్లు తెలిపాయి. మరోవైపు తేమ వల్ల గ్యాస్ లీకేజీలు జరగకుండా బ్లూ ఫిన్ టెక్నాలజీతో కూడిన లక్కర్ ప్రొటెక్షన్ ఈ ఏసీలకు అందించారు.
Also Read: AC Water Tips: ఏసీ నీటిని వృథా చేస్తున్నారా? పెద్ద తప్పు చేస్తున్నట్లే.. ఈ లాభాలన్నీ మిస్ అవుతారు!
అకాయ్ తన నెక్ట్స్ సిరీస్ ఇన్వర్టర్ ఏసీలను 1 టన్, 1.5 టన్, 2 టన్ వేరియంట్లలో లాంచ్ చేసింది. ప్రారంభ ధరను దాదాపు రూ.35,490 గా నిర్ణయించింది. ఈ సరికొత్త ఏసీలు.. దేశంలోని ప్రముఖ రిటైల్ స్టోర్లతో పాటు అకాయ్ ఇండియా అధికారిక వెబ్సైట్లో అందుబాటులో ఉంటాయని కంపెనీ వర్గాలు వెల్లడించాయి.
Also Read: Airtel Plans: దుమ్మురేపుతున్న టాప్ 2 ప్లాన్స్.. అవి ఏంటి? రెండింటిలో ఏది బెస్ట్?
Share
రూ.10,000 లోపు బ్రాండెడ్ ఫోన్ కొనాలనుకుంటున్నారా? ఈ ఐదు మోడల్స్ ఫీచర్లు తెలిస్తే వావ్ అంటారు!
"కంకషన్ సబ్స్టిట్యూట్" రూల్స్ ఏంటి..? అసలు ముంబై చేసింది కరెక్టేనా
