Kodak 65-inch Mini QD TV: ఖరీదైన ప్రీమియం ఫీచర్లను బడ్జెట్ ధరలో అందించే ప్రముఖ కోడాక్ సంస్థ.. తాజాగా ఇండియన్ మార్కెట్లోకి తమ సరికొత్త Mini QD టీవీని విడుదల చేసింది. 65 అంగుళాల భారీ స్క్రీన్‌తో వచ్చిన ఈ టీవీ, అత్యాధునిక మినీ ఎల్‌ఈడీ, క్వాంటం డాట్ టెక్నాలజీల కాంబినేషన్‌తో రూపొందింది. సాధారణంగా ఇలాంటి ఫీచర్లు ఉన్న టీవీలు రూ.లక్ష‌కు పైగా ధర పలుకుతుంటాయి. కానీ కోడాక్ దీనిని సామాన్యులకు అందుబాటులో ఉండేలా తీసుకురావడం గొప్ప విషయం అనే చెప్పాలి.
ఈ Mini QD TV ప్రధాన ఆకర్షణ దీని డిస్‌ప్లే. 1500 నిట్స్ బ్రైట్‌నెస్ ఉండటంతో పగటి వెలుతురులో కూడా పిక్చర్ చాలా స్పష్టంగా కనిపిస్తుంది. మినీ ఎల్‌ఈడీ టెక్నాలజీ వాడటం వల్ల రంగులు సహజంగా ఉండటమే కాకుండా, చీకటి సీన్లలో కూడా వివరాలు చాలా క్లియర్ గా తెలుస్తాయి. డాల్బీ విజన్, HDR10 సపోర్ట్‌తో ఇంట్లోనే థియేటర్ అనుభూతిని పొందవచ్చు.
Also Read: వాట్సప్ అదిరిపోయే అప్డేట్.. ఈ గోల్డెన్ ఛాన్స్ ఐఫోన్ యూజర్లకు మాత్రమే!
చాలా టీవీల్లో పిక్చర్ బాగున్నా సౌండ్ విషయంలో కాస్త నిరాశ చెందుతుంటాం. కానీ కోడాక్ ఈ విషయంలో ప్రత్యేక శ్రద్ధ పెట్టింది. దీనిలో 108 వాట్స్ అవుట్‌పుట్ ఇచ్చే ఆరు స్పీకర్లను అమర్చారు. అలాగే సబ్‌ వూఫర్లు, స్కై సబ్‌ వూఫర్లు ఉండటం వల్ల డాల్బీ అట్మోస్ సౌండ్ క్వాలిటీ అద్భుతంగా ఉంటుంది. బయట విడిగా సౌండ్ బార్ కొనే అవసరం లేకుండానే.. బేస్, క్లారిటీతో కూడిన ఆడియోను ఈ టీవీ అందిస్తుంది.
నేటి యువతను ఆకట్టుకునేలా గేమింగ్ కోసం 120Hz రిఫ్రెష్ రేట్, VRR వంటి ఫీచర్లను దీనిలో చేర్చారు. గూగుల్ టీవీ ప్లాట్‌ఫామ్‌పై పనిచేసే ఈ టీవీలో నెట్‌ఫ్లిక్స్, ప్రైమ్ వీడియో వంటి వేలకొద్దీ యాప్స్ సులభంగా వాడుకోవచ్చు. మీడియాటెక్ ప్రాసెసర్, 2GB RAM వల్ల యాప్స్ స్విచ్చింగ్ కూడా చాలా స్పీడ్‌గా ఉంటుంది.
ప్రస్తుతం ఈ 65 అంగుళాల వేరియంట్ అమెజాన్‌లో రూ.54,999కు అందుబాటులో ఉంది. దీనిపై బ్యాంక్ ఆఫర్ల ద్వారా మరో రూ.3,000 వరకు తగ్గింపు పొందవచ్చు. ప్రీమియం ఫీచర్లు కలిగి ఉండి, తక్కువ బడ్జెట్‌లో పెద్ద టీవీ కొనాలనుకునే వారికి ఈ కోడాక్ మినీ QD TV బెస్ట్ ఆప్షన్‌గా నిలుస్తుంది.
Also Read: ఈ సమయాల్లో ఏసీ వేయొద్దు.. అలా చేస్తే ఈ రెండు నష్టాలు తప్పవు!
Share
TG PGECET 2026: తెలంగాణ పీజీఈసెట్-2026 నోటిఫికేషన్ విడుదల.. మే 28 నుంచి పరీక్షలు
Minister Seethakka: మహిళల సమగ్రాభివృద్ధికి శాఖల మధ్య సమన్వయం పెరగాలి : మంత్రి సీతక్క
