Lava Budget Phones: ప్రముఖ భారతీయ స్మార్ట్ఫోన్ బ్రాండ్ లావా.. ఈ-కామర్స్ దిగ్గజం ఫ్లిప్కార్ట్ భాగస్వామ్యంతో స్వదేశీ మార్కెట్లోకి Virat సిరీస్ను తీసుకొచ్చింది. ఇందులో Lava Virat V1 5G, Lava Virat V1 మోడళ్లు ఉన్నాయి. విద్యార్థులు, బడ్జెట్ వినియోగదారులను దృష్టిలో ఉంచుకుని వీటిని రూపొందించారు. ఈ ఫోన్లు జులై 31 మధ్యాహ్నం 12 గంటల నుంచి ఫ్లిప్కార్ట్, లావా అధికారిక వెబ్సైట్లో అందుబాటులోకి వస్తాయి.
ఈ సిరీస్లో టాప్ మోడల్ అయిన V1 5Gలో 6.75 ఇంచీల HD+ డిస్ప్లే ఇచ్చారు. ఇది 120Hz రీఫ్రెష్ రేట్తో వస్తుంది. యూనిసోక్ T8200 ప్రొసెసర్తో పనిచేసే ఈ ఫోన్లో 4GB ర్యామ్, 64GB స్టోరేజ్ ఉన్నాయి. రోజంతా ఇంటర్నెట్ వాడినా ఛార్జింగ్ తగ్గొద్దని 6000mAh భారీ బ్యాటరీని అమర్చారు. ఇది ఆండ్రాయిడ్ 16 ఆపరేటింగ్ సిస్టమ్పై పనిచేస్తుంది.
Also Read: SD కార్డ్, క్లౌడ్ పేమెంట్స్ అక్కర్లేదు.. ఈ 5 స్టెప్స్ ద్వారా ఫోన్ స్టోరేజ్ను పెంచుకోండి!
మరింత తక్కువ బడ్జెట్లో ఫోన్ కావాలనుకునే వారి కోసం Virat V1 లభిస్తుంది. దీనిలో 90Hz రీఫ్రెష్ రేట్ ఉన్న 6.75 ఇంచీల డిస్ప్లే, యూనిసోక్ SC9863A ప్రొసెసర్ అందించారు. ఇది 5000mAh బ్యాటరీ, 10W ఛార్జింగ్తో వస్తుంది. తేలికపాటి ఆండ్రాయిడ్ 15 గో ఎడిషన్తో పనిచేసే ఈ మోడల్ నిలగిరి బ్లూ, హిమాలయన్ సిల్వర్ రంగుల్లో దొరుకుతుంది.
ఈ రెండు ఫోన్లలో అసలు యాడ్స్ కానీ, అనవసరమైన యాప్స్ (బ్లోట్వేర్) కానీ ఉండవు. రెండింటిలోనూ 13MP AI మెయిన్ కెమెరా, 5MP సెల్ఫీ కెమెరాతో పాటు IP64 డస్ట్, స్ప్లాష్ నిరోధకత ఇచ్చారు. వీటితో పాటు ఇంటి వద్దకే వచ్చి ఫోన్ బాగుచేసే ఉచిత డోర్స్టెప్ ఆఫ్టర్ సేల్స్ సర్వీస్ను కూడా లావా అందిస్తోంది.
Also Read: ఫేస్బుక్లో పొరపాటున స్టోరీ పోస్ట్ చేశారా? ఇలా క్షణాల్లో డిలీట్ చేసేయండి!
Share
ధర్మేంద్ర ప్రధాన్ రాజీనామా వెనుక ధోని కుట్రలు?
బడ్జెట్ లో బెస్ట్ రేంజ్.. రూ.15 లక్షల లోపు టాప్ ఈవీ కార్లు ఇవే!
