LG vs Samsung TV 2026: ప్రస్తుత గ్లోబల్ మార్కెట్లో స్మార్ట్ టీవీ రంగంలో అగ్రగామిగా దూసుకుపోతున్న రెండు దిగ్గజ బ్రాండ్లు ఎల్జీ (LG),శామ్సంగ్ (Samsung). ఇల్లు అద్భుతమైన హోమ్ థియేటర్లా మారాలన్నా, ఓటీటీ కంటెంట్ను ఎంజాయ్ చేయాలన్నా అందరికీ మొదటగా గుర్తొచ్చేవి ఈ రెండు కంపెనీలే. అయితే.. కొత్తగా స్మార్ట్ టీవీ కొనేటప్పుడు ఈ రెండింటిలో ఏ బ్రాండ్ అద్భుతమైన విజువల్స్ , ఆడియోను అందిస్తుందనే విషయంలో కస్టమర్లలో గందరగోళం నెలకొంది. ఈ రెండు బ్రాండ్ల డిస్ప్లే, సౌండ్ , ఆపరేటింగ్ సిస్టమ్ల మధ్య ఉన్న కీలకమైన తేడాలను ఇప్పుడు వివరంగా తెలుసుకుదాం.
డిస్ప్లే టెక్నాలజీ, విజువల్స్ :
విజువల్స్ విషయానికి వస్తే రెండు కంపెనీలు భిన్నమైన డిస్ప్లే టెక్నాలజీలను వాడుతున్నాయి. LG కంపెనీ తన ‘OLED’ (ఓఎల్ఈడీ) స్క్రీన్లకు ప్రపంచ వ్యాప్తంగా ప్రసిద్ధి చెందింది. ఓఎల్ఈడీ స్క్రీన్లలో ప్రతి పిక్సెల్ స్వయంగా వెలుగుతుంది. దీని వల్ల ప్యూర్ బ్లాక్ (కారుచీకటి) కలర్స్, అద్భుతమైన కాంట్రాస్ట్ లభిస్తుంది. మీరు చీకటి గదిలో సినిమాలు చూస్తే ఎల్జీ ఓఎల్ఈడీ విజువల్స్ నెక్స్ట్ లెవెల్లో ఉంటాయి.
మరోవైపు, Samsung కంపెనీ ‘Neo QLED’, ‘QD-OLED’ టెక్నాలజీతో వస్తోంది. శామ్సంగ్ క్యూఎల్ఈడీ స్క్రీన్లు అత్యధిక బ్రైట్నెస్ను అందిస్తాయి. మీ లివింగ్ రూమ్లో లేదా హాల్లో కిటికీల ద్వారా పగటిపూట ఎక్కువ వెలుతురు వస్తుంటే, శామ్సంగ్ టీవీలలోని విజువల్స్ చాలా స్పష్టంగా, వైబ్రెంట్ రంగులతో కనిపిస్తాయి.
ఆడియో క్వాలిటీ , సౌండ్ టెక్నాలజీ:
కేవలం మంచి విజువల్స్ ఉంటే సరిపోదు, థియేటర్ లాంటి ఫీల్ రావాలంటే ఆడియో కూడా పవర్ఫుల్గా ఉండాలి. LG స్మార్ట్ టీవీలు డాల్బీ అట్మోస్ ఆడియో సపోర్ట్తో వస్తాయి. వీటిలో ఉండే ఏఐ సౌండ్ ప్రో టెక్నాలజీ సాధారణ స్పీకర్ల శబ్దాన్ని కూడా వర్చువల్ 3D సరౌండ్ సౌండ్గా మారుస్తుంది. డైలాగ్లు చాలా స్పష్టంగా వినిపిస్తాయి.
శామ్సంగ్ టీవీలలో ‘Object Tracking Sound’ (OTS) అనే అద్భుతమైన ఫీచర్ ఉంది. స్క్రీన్ పైన కార్ లేదా విమానం ఏ దిశ వైపు కదిలితే.. శబ్దం కూడా అదే దిశ నుంచి వస్తున్నట్లు ఇవి భ్రమింపజేస్తాయి. అంతేకాకుండా.. మీ వద్ద శామ్సంగ్ సౌండ్బార్ ఉంటే.. టీవీ స్పీకర్లు, సౌండ్బార్ ఒకేసారి సింక్ అయి పనిచేసే ‘Q-Symphony’ ఫీచర్ శామ్సంగ్ ప్రత్యేకత.
ఆపరేటింగ్ సిస్టమ్, స్మార్ట్ ఫీచర్లు:
సాఫ్ట్వేర్ పరంగా ఎల్జీ టీవీలు ‘WebOS’ తో వస్తాయి. దీని ఇంటర్ఫేస్ చాలా సింపుల్గా ఉంటుంది. ముఖ్యంగా ఎల్జీ అందించే ‘మ్యాజిక్ రిమోట్’ కంప్యూటర్ మౌస్ లాగా ఎయిర్ కర్సర్తో పనిచేస్తుంది, దీని వల్ల టైప్ చేయడం, యాప్స్ ఓపెన్ చేయడం చాలా సులభం.
శామ్సంగ్ టీవీలు టైజెన్ ఓఎస్ పై నడుస్తాయి. ఇది కూడా చాలా వేగంగా పనిచేస్తుంది. ఇందులో గేమింగ్ హబ్ చాలా అద్భుతంగా డిజైన్ చేశారు. ఎలాంటి కన్సోల్ లేకుండానే క్లౌడ్ గేమింగ్ ఆడేందుకు శామ్సంగ్ బాగా సెట్ అవుతుంది.
Also Read: వర్క్,ట్రావెల్,ఎంటర్టైన్మెంట్ కోసం.. బెస్ట్ హెడ్ఫోన్స్, నమ్మలేని ధరల్లో
ఏది కొనాలి?
ఒకవేళ మీరు సినిమా లవర్స్ అయి ఉండి, గదిలో లైట్లు బంద్ చేసి బెస్ట్ కాంట్రాస్ట్, సహజమైన రంగులు, డాల్బీ విజన్ కంటెంట్ చూడాలనుకుంటే LG OLED టీవీ మీకు పర్ఫెక్ట్ ఛాయిస్. అలా కాకుండా.. మీ ఇల్లు ఎక్కువ వెలుతురుతో ఉండి, మీకు అత్యంత బ్రైట్ స్క్రీన్, రిచ్ కలర్స్, మరియు నెక్స్ట్ లెవెల్ గేమింగ్ ఫీచర్లు కావాలనుకుంటే Samsung Neo QLED టీవీ ని ఎంచుకోవడం బెస్ట్. బడ్జెట్ పరంగా చూసుకుంటే ఎంట్రీ లెవెల్ లో శామ్సంగ్ కొద్దిగా తక్కువ ధరకే లభిస్తుంది.
గమనిక:
రెండు బ్రాండ్లలోనూ ఆర్టిఫిషియల్ ఇంటెలిజెన్స్ (AI) ప్రాసెసర్లు ఉన్నాయి, ఇవి సాధారణ కంటెంట్ను కూడా 4K క్వాలిటీకి అప్స్కేల్ చేయగలవు. కొనేటప్పుడు మీ రూమ్ సైజు, వెలుతురును బట్టి స్క్రీన్ సైజును ఎంచుకోండి. వారంటీ వివరాలను తప్పక చెక్ చేయండి.
Share
వామ్మో.. రూ.63 వేలా? సోనీ కొత్త యానివర్సరీ హెడ్ఫోన్స్లో అంత స్పెషల్ ఏముందో చూసేద్దామా!
చిన్న గదుల కోసం.. అద్భుతమైన నిటారు కూలర్లు.. మధ్యతరగతికి వరం భయ్యా!
