వర్క్,ట్రావెల్,ఎంటర్‌టైన్‌మెంట్ కోసం.. బెస్ట్ హెడ్‌ఫోన్స్, నమ్మలేని ధరల్లో

Best Wireless Headphones 2026: ప్రస్తుతం హెడ్‌ఫోన్స్ అనేవి ప్రతి ఒక్కరి జీవితంలో ఒక ముఖ్యమైన గ్యాడ్జెట్‌గా మారిపోయాయి. ఆఫీస్ వర్క్ లేదా ఆన్‌లైన్ మీటింగ్స్ అటెండ్ అవ్వాలన్నా..లాంగ్ జర్నీల్లో బోర్ కొట్టకుండా ఉండాలన్నా.. లేదా ఇంట్లో కూర్చుని ఓటీటీలో సినిమాలు చూస్తూ ఎంటర్‌టైన్‌మెంట్ పొందాలన్నా మంచి హెడ్‌ఫోన్స్ ఉండాల్సిందే. ఇండియన్ ఎలక్ట్రానిక్స్ మార్కెట్లో తక్కువ బడ్జెట్‌లో ప్రీమియం ఫీచర్లు అందించే బ్రాండ్‌గా ‘జెబ్రోనిక్స్’ (Zebronics) మంచి గుర్తింపు తెచ్చుకుంది. మీ రోజువారీ అవసరాలకు సరిపోయే 5 బెస్ట్ జెబ్రోనిక్స్ హెడ్‌ఫోన్స్ , వాటి ధరల వివరాలు ఇప్పుడు చూద్దాం.

టాప్ 5 జెబ్రోనిక్స్ హెడ్‌ఫోన్స్ :

1. జెబ్రోనిక్స్ జెబ్-డ్యూక్ (Zebronics Zeb-Duke Wireless Headphone):
మీరు ఎంటర్‌టైన్‌మెంట్ కోసం బెస్ట్ , స్టైలిష్ హెడ్‌ఫోన్ చూస్తుంటే.. జెబ్రోనిక్స్ జెబ్-డ్యూక్ బెస్ట్ అని చెప్పొచ్చు. ఇది వైర్‌లెస్ బ్లూటూత్ కనెక్షన్‌తో వస్తుంది. దీని ఇయర్ కప్స్‌కు ఆర్జీబీ ఎల్‌ఈడీ లైట్లు ఉండటం వల్ల ఇది గేమింగ్ లుక్‌ను ఇస్తుంది. ఇందులో 40mm డ్రైవర్లు ఉండటం వల్ల బేస్ చాలా బలంగా వస్తుంది. ఒక్కసారి ఛార్జ్ చేస్తే దాదాపు 30 గంటల పాటు ప్లేబ్యాక్ టైమ్ అందించే ఈ జెబ్రోనిక్స్ జెబ్-డ్యూక్ ధర ప్రస్తుతం మార్కెట్లో రూ. 1,499 లభిస్తోంది.

2.జెబ్రోనిక్స్ జెబ్-బ్యాంగ్ (Zebronics Zeb-Bang Bluetooth Headset):
బడ్జెట్ ధరలో ఆఫీస్ వర్క్ , ఆన్‌లైన్ క్లాసుల కోసం హెడ్‌ఫోన్ కావాలనుకునే.. వారికి జెబ్-బ్యాంగ్ మోడల్ బాగా సరి పోతుంది. ఇది చాలా తేలికగా ఉండటం వల్ల గంటల తరబడి తలపై పెట్టుకున్నా ఎలాంటి నొప్పీ అనిపించదు. దీని ఫోల్డబుల్ డిజైన్ వల్ల ట్రావెలింగ్ చేసేటప్పుడు బ్యాగ్‌లో సింపుల్‌గా సర్దుకోవచ్చు. ఇందులో బిల్ట్-ఇన్ మైక్రోఫోన్ ఉంటుంది. ఇది ఆఫీస్ కాల్స్ మాట్లాడేటప్పుడు వాయిస్‌ని స్పష్టంగా వినేలా చేస్తుంది. దీని ప్రస్తుత ధర కేవలం రూ. 799 గా ఉంది.

3.జెబ్రోనిక్స్ జెబ్-పారడైజ్ (Zebronics Zeb-Paradise ANC):
ప్రయాణాలు ఎక్కువగా చేసే వారికి పక్కన వచ్చే శబ్దాలు చాలా డిస్టర్బింగ్‌గా ఉంటాయి. అలాంటి వారి కోసం జెబ్రోనిక్స్ జెబ్-పారడైజ్ హెడ్‌ఫోన్ ప్రత్యేకంగా డిజైన్ చేసారు. ఇందులో యాక్టివ్ నాయిస్ క్యాన్సిలేషన్ ఫీచర్ ఉంది. ఇది బస్సు, ట్రైన్లలో ప్రయాణించేటప్పుడు బయట నుండి వచ్చే అనవసరమైన శబ్దాలను పూర్తిగా తగ్గిస్తుంది. దీని సాఫ్ట్ కుషన్ ఇయర్ ప్యాడ్స్ చెవులకు మంచి సౌకర్యాన్ని ఇస్తాయి. ఈ ప్రీమియం ఏఎన్‌సీ హెడ్‌ఫోన్ ధర మార్కెట్లో.. దాదాపు రూ.2,299 వరకు ఉంది.

4.జెబ్రోనిక్స్ జెబ్-ఎన్వి (Zebronics Zeb-Envy Premium Headphone):
హై-ఎండ్ మ్యూజిక్ , ప్రీమియం లుక్‌ను ఇష్టపడే వారి కోసం జెబ్-ఎన్వి మోడల్ మార్కెట్లో ట్రెండ్ అవుతోంది. దీని ఓవర్-ఇయర్ డిజైన్ మీ చెవులను పూర్తిగా కవర్ చేస్తుంది. వాయిస్ అసిస్టెంట్ సపోర్ట్ ఉండటం వల్ల ఫోన్ తాకకుండానే.. కేవలం మాటలతో పాటలను మార్చవచ్చు లేదా కాల్స్ ఆన్ చేయవచ్చు. దీని బ్యాటరీ దాదాపు 40 గంటల కంటే ఎక్కువ సమయం వస్తుంది కాబట్టి లాంగ్ జర్నీస్ చేసే వారికి ఇది బెస్ట్ పార్ట్నర్. దీని ప్రస్తుత ధర మార్కెట్లో రూ. 1,999 పలుకుతోంది.

5.జెబ్రోనిక్స్ జెబ్-థండర్ (Zebronics Zeb-Thunder Wireless):
జెబ్రోనిక్స్ బ్రాండ్‌లోనే అత్యధికంగా సేల్ అవుతున్న మోడళ్లలో జెబ్-థండర్ ఒకటి. దీని ధర చాలా తక్కువ కానీ ఫీచర్లు మాత్రం ఎక్కువ. ఇందులో బ్లూటూత్ కనెక్టివిటీతో పాటు మైక్రో ఎస్‌డీ కార్డ్ స్లాట్ , ఎఫ్ఎమ్ రేడియో కూడా బిల్ట్-ఇన్ గా వస్తాయి. దీని ఎర్గోనామిక్ డిజైన్, అడ్జస్టబుల్ హెడ్‌బ్యాండ్ అన్ని సైజుల వారికి కంఫర్ట్‌గా సరిపోతాయి. ఎక్కువ డిమాండ్ ఉన్న ఈ బడ్జెట్ ఫ్రెండ్లీ హెడ్‌ఫోన్ ధర కేవలం రూ. 699 మాత్రమే.

Also Read: థియేటర్ ఎక్స్‌పీరియన్స్ ఇచ్చే ఏఐ టెక్నాలజీ.. ఈ ఏడాది టీవీల్లో ట్రెండ్ అవుతున్న ఫీచర్లు ఇవే!

ఆన్‌లైన్‌లో కొనేటప్పుడు ఇవి గమనించండి:
మీ అవసరాన్ని బట్టి హెడ్‌ఫోన్ రకాన్ని ఎంచుకోవాలి. ఆఫీస్ మీటింగ్స్ కోసం అయితే మైక్ క్వాలిటీ బాగున్న దాన్ని చూడాలి. అదే ట్రావెలింగ్ కోసం అయితే.. బ్యాటరీ లైఫ్ ఎక్కువ ఉండి, ఫోల్డబుల్ డిజైన్ ఉన్న వాటిని ఎంచుకోవాలి. సినిమా , మ్యూజిక్ ఎంటర్‌టైన్‌మెంట్ కోసం అయితే 40mm అంతకంటే ఎక్కువ డ్రైవర్ సైజ్ ఉన్న హెడ్‌ఫోన్స్ మాత్రమే బెస్ట్ సౌండ్, డీప్ బేస్‌ను అందించగలవు.

గమనిక:
పైన పేర్కొన్న జెబ్రోనిక్స్ హెడ్‌ఫోన్స్ ధరలు, ఆన్‌లైన్ ఆఫర్లు అమెజాన్, ఫ్లిప్‌కార్ట్ వంటి సైట్లలో సేల్స్, బ్యాంక్ డిస్కౌంట్లను బట్టి మారుతుంటాయి. వైర్‌లెస్ హెడ్‌ఫోన్స్ కొనేటప్పుడు అందులో ‘ఆక్స్ పోర్ట్’ కూడా ఉందో లేదో చూసుకోండి, దీని వల్ల బ్యాటరీ అయిపోయినప్పుడు కూడా కేబుల్ కనెక్ట్ చేసి వాడుకునే వీలుంటుంది.