Recover Lost Phone: మొబైల్ ఫోన్ చోరీ అయిందా? వెంటనే ఇలా చేస్తే తిరిగి వస్తుంది

Recover Lost Phone: మొబైల్ ఫోన్స్ ఇప్పుడు నిత్యావసరంగా మారిపోయాయి. పైగా స్మార్ట్‌ఫోన్స్ ఖరీదు వేలల్లో ఉంటుంది. దీంతో వాటిని కాజేసేందుకు దొంగలు చూస్తూ ఉంటారు. స్మార్ట్‌ఫోన్ దొంగతనం కేసులు కూడా భారీ సంఖ్యలో నమోదవుతున్నాయి. చాలామంది ఫోన్ పోయిన వెంటనే ఆందోళన చెంది ఏం చేయాలో దిక్కుతోచని స్థితిలో ఉంటారు. కానీ ప్రశాంతంగా వ్యవహరిస్తే ఫోన్ తిరిగి దొరికే అవకాశం పెరుగుతుంది.

దొంగలను ముందస్తుగా ఆపలేం కానీ, జాగ్రత్తగా ఉండడం.. ఒకవేళ చోరీ జరిగితే వెంటనే చర్యలు తీసుకోవాలి. ఫోన్ పోయిన తర్వాత చాలా మంది భయపడి తప్పు నిర్ణయాలు తీసుకుంటారు. మీ వ్యక్తిగత డేటా కూడా సురక్షితంగా ఉంటుంది.

త్వరగా చర్యలు తీసుకోవడం వల్ల ఫోన్ దొరికే అవకాశం పెరుగుతుంది

ఫోన్ పోయిన వెంటనే త్వరగా చర్యలు తీసుకోవాలి. ఆలస్యం చేస్తే దొంగలు మీ ఫోన్‌, డేటాను దుర్వినియోగం చేసే అవకాశం ఉంటుంది. కొన్ని ముఖ్యమైన దశలు వెంటనే పూర్తి చేయాలి. ఇవి మీ ప్రైవసీని కాపాడతాయి, పోలీసులకు ట్రాకింగ్‌లో సహాయపడతాయి.

ఆండ్రాయిడ్ ఫోన్ ట్రాక్ చేయడానికి Find My Device ఉపయోగించండి

ఆండ్రాయిడ్ యూజర్లు Google Find My Device సర్వీస్ ద్వారా ఫోన్ ట్రాక్ చేయవచ్చు. మరొక ఫోన్ లేదా కంప్యూటర్‌లో android.com/find ఓపెన్ చేయండి. అదే గూగుల్ అకౌంట్‌తో లాగిన్ అవ్వండి. మ్యాప్‌లో ఫోన్ రియల్-టైమ్ లొకేషన్ చూడవచ్చు. ఫోన్ ఆన్‌లో ఉండి, ఇంటర్నెట్ కనెక్షన్ ఉంటే మాత్రమే ఇది పనిచేస్తుంది. ఫోన్ దగ్గర ఉంటే రింగ్ చేయవచ్చు. అవసరమైతే లాక్ చేయవచ్చు లేదా డేటా ఎరేజ్ చేయవచ్చు.

ఐఫోన్ ట్రాక్ చేయడానికి Find My iPhone ఫీచర్

ఐఫోన్ యూజర్లు Find My iPhone ఫీచర్ ఉపయోగించాలి. మరొక ఐఫోన్ లేదా iCloud.com/find ద్వారా యాక్సెస్ చేయవచ్చు. మీ యాపిల్ IDతో లాగిన్ అవ్వండి. ఫోన్ చివరిసారిగా తెలిసిన లొకేషన్ చూపిస్తుంది. కొన్నిసార్లు షట్‌డౌన్ అయిన తర్వాత కూడా లొకేషన్ చూపిస్తుంది. Lost Mode ఆన్ చేస్తే ఫోన్ లాక్ అవుతుంది. స్క్రీన్‌పై మెసేజ్ చూపిస్తుంది. నిజాయితీపరులు మీకు సంప్రదించే అవకాశం ఉంటుంది.

సంచార్ సాథీ పోర్టల్‌లో ఫిర్యాదు నమోదు చేయండి

ప్రభుత్వ పోర్టల్‌లో ఫిర్యాదు చేయడం చాలా ముఖ్యం. sancharsaathi.gov.inకి వెళ్లి FIR కాపీతో ఫోన్ వివరాలు సబ్మిట్ చేయండి. IMEI నంబర్ తప్పనిసరిగా ఇవ్వాలి. ఈ దశలో ఫోన్ IMEI బ్లాక్ అవుతుంది. బ్లాక్ అయిన ఫోన్ ఇండియన్ నెట్‌వర్క్‌లలో పనిచేయదు. దొంగలకు రీసెల్ విలువ తగ్గుతుంది. టెలికాం ట్రాకింగ్ ద్వారా రికవరీ అవకాశం పెరుగుతుంది.

పోలీసులకు తక్షణం ఫిర్యాదు చేయండి

సమీప పోలీస్ స్టేషన్‌కు వెళ్లి అధికారిక ఫిర్యాదు నమోదు చేయండి. IMEI నంబర్, బ్రాండ్, మోడల్ వివరాలు ఇవ్వండి. పోలీస్ రిపోర్ట్ ఆధారంగా ఆన్‌లైన్ బ్లాకింగ్ చేయవచ్చు. ఫోన్ ఉపయోగంలోకి వస్తే పోలీసులు మీకు సమాచారం ఇస్తారు. త్వరగా రిపోర్ట్ చేస్తే దర్యాప్తు మెరుగవుతుంది.

SIM కార్డ్‌ను వెంటనే బ్లాక్ చేయండి

మీ టెలికాం కంపెనీకి తక్షణం కాల్ చేసి SIM బ్లాక్ చేయమని అడగండి. కస్టమర్ కేర్ లేదా స్టోర్‌కు వెళ్లవచ్చు. SIM బ్లాక్ అయితే అనధికారిక కాల్స్, మెసేజ్‌లు రావు.

SIM బ్లాక్ చేయకపోతే ఏమవుతుంది?

SIM బ్లాక్ చేయకపోతే పెద్ద సమస్యలు వస్తాయి. మీ నంబర్‌ను ఉపయోగించి దొంగలు మోసాలు చేయవచ్చు. మీ పేరుతో ఇతరులకు బెదిరింపులు పంపవచ్చు. డూప్లికేట్ SIM కూడా తయారు చేసుకోవచ్చు. ఇది చట్టపరమైన, ఆర్థిక సమస్యలకు దారితీస్తుంది. వెంటనే SIM బ్లాక్ చేయడం వల్ల ఈ ప్రమాదాలు తప్పుతాయి. ఎమర్జెన్సీ కాంటాక్ట్ నంబర్లు ఎల్లప్పుడూ సిద్ధంగా ఉంచండి.

Also Read: సోలార్ చార్జర్ రోబో.. ఫోన్స్, టాప్‌టాప్స్ ఏదైనా చార్జింగ్.. ఇంట్లో ఎక్కడైనా తిరుగుతుంది..

ముందుగానే ముఖ్యమైన వివరాలు సేవ్ చేసుకోండి

మీ ఫోన్ IMEI నంబర్ సేఫ్‌గా నోట్ చేసుకోండి. *#06# డయల్ చేసి IMEI తెలుసుకోవచ్చు. ఈమెయిల్ లేదా నోట్‌లో సేవ్ చేయండి. ఎమర్జెన్సీలో ఈ వివరాలు త్వరగా ఉపయోగపడతాయి.

ఈ జాగ్రత్తలు వెంటనే పాటిస్తే మీ డేటా సురక్షితంగా ఉంటుంది. మీ ఫోన్ కూడా తిరిగి లభించే అవకాశం పెరుగుతుంది.