Motorola Razr 50 Ultra Features Leak: టెక్ దిగ్గజం మోటో పెద్ద స్మార్ట్ఫోన్ కంపెనీలలో ఒకటి. కంపెనీ టెక్ మార్కెట్లో అనేక గ్యాడ్జెట్లను ఉత్పత్తి చేస్తుంది. అంతే కాకుండా ఈ కంపెనీకి చెందిన ఫోన్లకు ప్రజల్లో భారీ డిమాండ్ ఉంటుంది. ఈ క్రమంలోనే మోటో Razr 50 Ultra స్మార్ట్ఫోన్ను త్వరలో తీసుకొస్తున్నట్లు తెలుస్తోంది. తాజాగా ఈ ఫోన్కు సంబంధించిన పిక్స్, కొన్ని స్పెసిఫికేషన్లు లీక్ అయ్యాయి. ఇది క్లామ్షెల్ ఫోల్డబుల్ ఫోన్. ఇందులో పెద్ద సెకండరీ స్క్రీన్ పంచ్ హోల్ డిజైన్తో కనిపిస్తుంది. ఇందులో డ్యూయల్ రియర్ కెమెరాలు ఉన్నాయి.
ఇంటర్నెట్లోని సమాచారం ఆధారంగా రాబోయే మోటో Razr 50 Ultra స్మార్ట్ఫోన్ గతేడాది తీసుకొచ్చిన Razr 40 Ultra మాదిరిగానే కనిపిస్తుంది. ఇది మధ్యలో హోల్ పంచ్ కటౌట్తో పెద్ద రెండవ స్క్రీన్ కలిగి ఉంది. ఈ ఫ్లిప్ స్టైల్ ఫోల్డబుల్ స్మార్ట్ఫోన్ బ్లాక్ కలర్లో ఉంది. వెనుక కెమెరాలు దాని వెనుక ప్యానెల్లో అడ్డంగా అమర్చబడి ఉంటాయి. దీని మోడల్ నంబర్ XT-24510-3. ఇది 12 GB RAM + 512 GB స్టోరేజ్తో వస్తుంది. అయితే ఈ ఫోన్ లాంచింగ్కు సంబంధించి ఎటువంటి సమాచారం అందుబాటులో లేదు.
Also Read: సేల్స్లో రికార్డుల మోత.. వరల్డ్వైడ్ టాప్ -10 స్మార్ట్ ఫోన్లు ఇవే!
ఇంతకు ముందు ఇది మోడల్ నంబర్ XT2453-1తో EEC వెబ్సైట్లో కనిపించింది. అయితే ఈ స్మార్ట్ఫోన్ గురించి మోటరోలా ఎలాంటి సమాచారం ఇవ్వలేదు. గత సంవత్సరం జూలైలో Motorola Razr 40 Ultra ఫోన్ను 8GB RAM+256 GB స్టోరేజ్తో విడుదల చేసింది. దీని ధర రూ. 89,999గా ఉంది. ఇది 165 Hz రిఫ్రెష్ రేట్తో 6.9 అంగుళాల ఫుల్ HD+ పోలెడ్ ఇన్నర్ డిస్ప్లేను కలిగి ఉంది. ఈ స్మార్ట్ఫోన్ స్క్రీన్ 3.6 అంగుళాలు. ఈ స్మార్ట్ఫోన్లో స్నాప్డ్రాగన్ 8+ Gen 1 SoC ప్రాసెసర్ ఉంటుంది. ఇందులో డ్యూయల్ రియర్ కెమెరా సెటప్, 32 మెగాపిక్సెల్ సెల్ఫీ కెమెరా ఉన్నాయి. దీని 3,800 mAh బ్యాటరీ 30 W వైర్డు ఫాస్ట్ ఛార్జింగ్, 5 W వైర్లెస్ ఛార్జింగ్కు సపోర్ట్ ఇస్తుంది.
Also Read: ఇదేక్కడి ఆఫర్ రా దేవుడా.. ఫోన్ ధరను ఒక్కసారిగా ఇంత తగ్గిచ్చేస్తారా..!
Motorola ఇటీవల మొబైల్ వరల్డ్ కాంగ్రెస్ (MWC)లో కార్నింగ్తో కొత్త ఒప్పందాన్ని ప్రకటించింది. ఈ ఏడాది Q2 నుంచి కంపెనీ తన స్మార్ట్ఫోన్లు, టాబ్లెట్లలో గొరిల్లా గ్లాస్ను ఉపయోగించనుంది. ఇంతకుముందు కంపెనీ ఖరీదైన స్మార్ట్ఫోన్లలో మాత్రమే స్క్రీన్ ప్రొటక్షన్ అందుబాటులో ఉంది. Motorola స్మార్ట్ కనెక్ట్, స్మార్ట్ఫోన్,లు టాబ్లెట్లను కనెక్ట్ చేయడానికి సాఫ్ట్వేర్ను కూడా తీసుకొచ్చింది. దీనితో వినియోగదారులు Motorola పరికరాలను Lenovo ల్యాప్టాప్లకు సులభంగా కనెక్ట్ చేయగలుగుతారు. గొరిల్లా గ్లాస్ కంపెనీ ఎంట్రీ-లెవల్ గ్యాడ్జెట్లలో కూడా అందింస్తుంది.
Share
Ananya Panday: బ్రేకప్ పార్టీ.. లక్షల్లో ఖర్చు పెట్టిన 'లైగర్' బ్యూటీ.. ?
Weather Report: నగర వాసులకు బీ అలర్ట్.. భారీ వర్షం.. నిలిచిన మెట్రో సేవలు
