Ananya Panday latest news(Bollywood celebrity news): కాలం రోజురోజుకు మారుతుంది అంటే ఏమో అనుకున్నాం.. కానీ, మరీ ఇంత ఫాస్ట్ గా తయారవుతుంది అనుకోలేదు.. అంటే ఇది మేము అంటున్న మాట కాదు ఈ విషయం విన్నవారు అంటున్న మాట. పెళ్లి గ్రాండ్ గా చేసుకోవడం విన్నాం.. సీమంతం గ్రాండ్ గా చేసుకోవడం విన్నాం. కానీ, బ్రేకప్ ను గ్రాండ్ గా సెలబ్రేట్ చేసుకోవడం విన్నారా.. ? ప్రేమ విఫలమైతే తాగడం అబ్బాయి వంతు.. ఏడుస్తూ తిండి మానేసి ఇంట్లో కూర్చోవడం అమ్మాయి హక్కు అనేవి ఇప్పుడు లేవు.
ఈ కాలంలో బ్రేకప్ అంటే ఒకరోజు ఏడ్చామా .. రెండో రోజు మరొకరితో రిలేషన్ లో ఉన్నామా.. ? అనేలానే ఉన్నారు. ఇక ఈ బాలీవుడ్ బ్యూటీ అయితే ఏకంగా తన బ్రేకప్ ను సెలబ్రేట్ చేసుకోవడానికి లక్షల్లో ఖర్చుపెట్టి మరీ పార్టీ ఎరేంజ్ చేసింది. ఇందేందమ్మా విడ్డూరం అని నోళ్లు నొక్కుకోకండి. అదే కొత్త పోకడ. ఇంతకీ ఆ బ్యూటీ ఎవరు అనుకుంటున్నారు.. అనన్య పాండే. బాలీవుడ్ నటుడు చుంకీ పాండే నట వారసురాలిగా 2019 లో స్టూడెంట్ ఆఫ్ ది ఇయర్ 2 అనే సినిమాతో ఇండస్ట్రీకి పరిచయమయ్యింది. మొదటి సినిమాకే ఫిలింఫేర్ అవార్డును అందుకొని ఔరా అనిపించుకుంది.
ఇక ఆ తరువాత 2021 లో లైగర్ సినిమాతో తెలుగుతెరకు పరిచయమయ్యింది. ఈ సినిమా అమ్మడికి భారీ పరాజయాన్ని అందివ్వడంతో ఇంకోసారి తెలుగు వైపు కూడా కన్నెత్తి చూడలేదు. అమ్మడి సినిమాల గురించి పక్కన పెడితే.. బాలీవుడ్ హీరో ఆదిత్య రాయ్ కపూర్ తో ఈ బ్యూటీ నడిపిన ప్రేమాయణం ఇండస్ట్రీని షేక్ చేసింది. మూడేళ్లు వీరిద్దరూ గాఢమైన ప్రేమలో మునిగితేలారు. ఎక్కడికి వెళ్లినా చెట్టపట్టాలు వేసుకొని తిరిగారు. త్వరలోనే ఈ జంట పెళ్లి పీటలు ఎక్కుతారేమో అనుకున్నారు. కానీ అంతలోనే ఈ భామ మూడేళ్ళ తమ బంధానికి ఫుల్ స్టాప్ పెట్టింది. మార్చి లో ఈ జంట విడిపోయారని బాలీవుడ్ లో టాక్ నడుస్తోంది.
ఇక అందుతున్న సమాచారం ప్రకారం ఈ మధ్యనే అనన్య పాండే.. తాను ఫ్రెండ్ సర్కిల్ తో పాటు ఫ్యామిలీకి కూడా పెద్ద పార్టీ ఇచ్చిందంట. దానికి ఆదిర్య రాయ్ కపూర్ కూడా అటెండ్ అయ్యినట్లు తెలుస్తోంది. దీనికోసం అమ్మడు లక్షల్లో ఖర్చు పెట్టినట్లు తెలుస్తోంది. ఆదిత్య కు తనకు బ్రేకప్ అయ్యిందని అధికారికంగా అందరికి తెలియజెప్పిందని చెప్పుకుంటున్నారు. ఇక ఈ వార్త విన్న నెటిజన్స్ ఇప్పుడున్న జనరేషన్ ఇలాంటిది అని పెదవి విరుస్తున్నారు. మరి ఇందులో నిజమెంత అనేది తెలియాల్సి ఉంది.
Share
AP EAMCET : ఏపీ ఎంసెట్ హాల్ టికెట్లు విడుదల.. డౌన్ లోడ్ చేసుకోండిలా..
Motorola Razr 50 Ultra Features Leaked: మతిపోగొడుతున్న మోటో కొత్త మడత ఫోన్.. స్క్రీన్ ఎంత స్టైలిష్గా ఉందంటే..?
