Motorola Edge 70 Pro+: ప్రముఖ టెక్ సంస్థ మోటోరోలా భారతీయ మార్కెట్లో మరో ప్రీమియం స్మార్ట్ఫోన్ను లాంచ్ చేయడానికి రెడీ అవుతోంది. ఇటీవల మార్కెట్లోకి వచ్చిన Edge 70 Pro సూపర్ సక్సెస్ తర్వాత, ఇప్పుడు అందరి కళ్లు Motorola Edge 70 Pro Plusపై పడ్డాయి. ప్రముఖ ఈ-కామర్స్ సైట్ ఫ్లిప్కార్ట్లో దీనికి సంబంధించిన మైక్రోసైట్ లైవ్ అవ్వడంతో టెక్ ప్రియుల్లో అంచనాలు భారీగా పెరిగిపోయాయి.
ఈ కొత్త ఫోన్ డిజైన్ విషయంలో మోటోరోలా ప్రత్యేక శ్రద్ధ పెట్టింది. సాధారణ గ్లాస్ బాడీలకు భిన్నంగా.. సాటిన్ లక్స్, స్కల్ప్టెడ్ ఉడ్, ట్విల్ టెక్స్చర్ వంటి విభిన్నమైన ఫినిషింగ్లతో ఈ ఫోన్ రానుంది. ముఖ్యంగా ఇందులోని బర్గండీ కలర్ వేరియంట్ ప్రీమియం లుక్తో ఆకట్టుకోనుంది. దీనికి తోడు అల్ట్రాథిన్ బెజెల్స్, కర్వ్డ్ OLED డిస్ప్లే ఫోన్ అందాన్ని మరింత పెంచనున్నాయి.
Also Read: అమ్మకాల్లో సరికొత్త రికార్డ్ సాధించిన Samsung Galaxy S26 సిరీస్.. ఆ ఫీచరే కారణమా?
ఫొటోగ్రఫీని ఇష్టపడేవారికి ఈ ఫోన్ ఒక విజువల్ ట్రీట్ అని చెప్పొచ్చు. ఇందులో ఆప్టికల్ ఇమేజ్ స్టెబిలైజేషన్ (OIS) సపోర్ట్తో కూడిన శక్తివంతమైన సోనీ LYT సెన్సార్ ఉండనుంది. అలాగే 81mm ఫోకల్ లెంగ్త్ కలిగిన టెలిఫోటో, అల్ట్రావైడ్ లెన్స్లు కూడా ఉంటాయి. దీనికి తోడు ఫొటోలను మరింత అందంగా మార్చడానికి, తక్కువ వెలుతురులోనూ అద్భుతమైన షాట్స్ తీయడానికి ప్రత్యేకమైన AI కెమెరా టూల్స్ కూడా తోడవ్వనున్నాయి.
ఈ ఫ్లాగ్షిప్ స్మార్ట్ఫోన్లో క్వాల్కమ్ స్నాప్డ్రాగన్ లేటెస్ట్ ప్రాసెసర్ను ఉపయోగించబోతున్నారు. దీనివల్ల గేమింగ్, మల్టీటాస్కింగ్ ఎలాంటి లాగ్ లేకుండా చాలా స్మూత్గా సాగుతాయి. భారీ RAM, స్టోరేజ్ ఆప్షన్లతో రానున్న ఈ ఫోన్, ఆర్టిఫిషియల్ ఇంటెలిజెన్స్ (AI) టాస్క్లను కూడా క్షణాల్లో పూర్తి చేయగలదు.
ప్రీమియం సెగ్మెంట్లో ఎప్పుడూ లేని విధంగా ఈ ఫోన్లో ఏకంగా 6500mAh కంటే పెద్ద బ్యాటరీని అందించబోతున్నట్లు సమాచారం. దీనివల్ల ఛార్జింగ్ గురించిన చింత అస్సలు ఉండదు. అలాగే బ్యాటరీ బ్యాకప్ను మరింత మెరుగుపరచడానికి మోటోరోలా ఇందులో AI ఆధారిత పవర్ మేనేజ్మెంట్ ఫీచర్ను కూడా చేర్చింది. ఫ్లిప్కార్ట్లో టీజర్ వచ్చేసింది కాబట్టి.. అతి త్వరలోనే ఈ ఫోన్ భారత మార్కెట్లో అధికారికంగా విడుదల కానుంది.
Also Read: అమ్మకాల్లో సరికొత్త రికార్డ్ సాధించిన Samsung Galaxy S26 సిరీస్.. ఆ ఫీచరే కారణమా?
Share
యూపీలో కలకలం.. అత్యాచార నిందితుడికి పూలదండలు, భుజాలపై ఊరేగింపు!
వివక్షపై వినూత్న నిరసన.. గుండు గీయించుకున్న బీజేపీ మహిళా కౌన్సిలర్!
