Motorola Razr 70 Series: స్మార్ట్‌ఫోన్ లవర్స్‌కి ఇది నిజంగా గుడ్ న్యూస్. మోటరోలా నుంచి రాబోతున్న రేజర్ 70 సిరీస్ ఫోన్లు ఇప్పుడు టెక్ ప్రపంచంలో హాట్ టాపిక్ అయ్యాయి. ఫోన్ అంటే కేవలం ఫీచర్లు మాత్రమే కాదు.. చూడటానికి కూడా అదిరిపోవాలనుకునే వారి కోసం మోటరోలా ఈసారి చాలా స్పెషల్ ప్లాన్ చేసినట్లు తెలుస్తోంది. రేజర్ 70, రేజర్ 70 అల్ట్రా పేరుతో వస్తున్న ఈ కొత్త ఫోల్డబుల్ ఫోన్లు.. పాత మోడల్స్ కంటే ఎంతో రిచ్‌గా, ప్రీమియం లుక్‌తో కనువిందు చేయబోతున్నాయి.
రీసెంట్‌గా లీకైన ఫొటోలను చూస్తుంటే.. ఈ ఫోన్లు డిజైన్ పరంగా నెక్ట్స్ లెవల్‌లో ఉన్నాయని అర్థమవుతోంది. ముఖ్యంగా రేజర్ 70 మోడల్ గ్రీన్, గ్రే రంగుల్లో కొత్త టెక్స్‌చర్‌తో భలేగా ఉంది. ఇక అల్ట్రా మోడల్ అయితే మరింత వెరైటీగా.. బ్లూ ఫ్యాబ్రిక్ ఫినిషింగ్‌తో పాటు ఏకంగా వుడ్ (చెక్క) ఫినిషింగ్‌తో కూడా రాబోతోందట. చేతిలో పట్టుకుంటే చాలా సాఫ్ట్‌గా, విభిన్నంగా ఉండేలా వీటిని తయారు చేశారు. ఫోన్ మడత పెట్టే హింజ్ కూడా ఈసారి చాలా స్లిమ్‌గా ఉండబోతోంది.
ఈసారి స్క్రీన్ సైజు విషయంలోనూ మోటరోలా రాజీ పడలేదు. రేజర్ 70 అల్ట్రాలో 7 అంగుళాల మెయిన్ స్క్రీన్‌తో పాటు, బయటి వైపు 4 అంగుళాల పెద్ద కవర్ స్క్రీన్ ఉండబోతోంది. దీంతో అస్తమానం ఫోన్ ఓపెన్ చేయాల్సిన అవసరం ఉండదు. బయటి స్క్రీన్ మీదనే మెసేజ్‌లు చూడటం, పాటలు మార్చడం లాంటివి చేసేయొచ్చు. ఇక వేగం విషయానికొస్తే.. స్నాప్‌డ్రాగన్ 8s జెన్ 3 లాంటి పవర్‌ఫుల్ ప్రాసెసర్లను వాడుతున్నారు. దీనివల్ల గేమ్స్ ఆడినా, భారీ యాప్స్ వాడినా ఫోన్ స్లో అవ్వదు.
ఫొటోగ్రఫీ పిచ్చి ఉన్నవారికి ఈ ఫోన్ ఒక స్వీట్ షాక్. వెనుక వైపు రెండు 50 మెగాపిక్సెల్ కెమెరాలు, సెల్ఫీల కోసం 32 మెగాపిక్సెల్ కెమెరా ఉండబోతున్నాయి. ఫోల్డబుల్ ఫోన్లలో సాధారణంగా బ్యాటరీ త్వరగా అయిపోతుందనే భయం ఉంటుంది కానీ, దీనిలో దాదాపు 4,800mAh బ్యాటరీ ఇస్తున్నారు. దీనివల్ల ఛార్జింగ్ టెన్షన్ లేకుండా రోజంతా వాడుకోవచ్చు. వీటికి తోడు లేటెస్ట్ ఆండ్రాయిడ్ 16 వెర్షన్, నీళ్లు పడినా ఏమీ కాకుండా వాటర్ రెసిస్టెన్స్ ఫీచర్లు కూడా ఉన్నాయి. త్వరలోనే ఇవి భారత మార్కెట్లోకి అడుగుపెట్టే అవకాశం ఉంది.
Also Read: AI చరిత్రలోనే బిగ్గెస్ట్ అప్‌డేట్.. వచ్చేసింది GPT-5.5, ఇక కోడింగ్ చిటికెలో!
Share
రెడ్, బ్లూ, గ్రీన్.. ఏ కలర్ గ్రీజ్ ఎందుకు వాడుతారో తెలుసా?
మార్కెట్లోకి మరో బడ్జెట్ ఫోన్.. HD+ స్క్రీన్, 6,000mAh బ్యాటరీ.. తక్కువ ధరలో ఇన్ని అద్భుత ఫీచర్లా!
