Motorola Razr Fold| స్పెయిన్ దేశంలో జరుగుతున్న మొబైల్ వరల్డ్ కాంగ్రెస్ ఈవెంట్లో మోటోరోలా తన కొత్త ఫోల్డబుల్ స్మార్ట్ఫోన్ రేజర్ ఫోల్డ్ విడుదల చేసింది. ఈ ఫోన్ మోటోరోలా బ్రాండ్లో మొదటి బుక్-స్టైల్ ఫోల్డబుల్ ఫోన్. ప్రీమియం స్మార్ట్ఫోన్ యూజర్ల కోసమే మోటోరోలా ఈ కొత్త ఫోల్డెబుల్ ఫోన్ తీసుకొచ్చింది. అదే సమయంలో మోటోరోలా ఎడ్జ్ 70 ఫ్యూజన్ కూడా ప్రదర్శించింది.
రేజర్ ఫోల్డ్ ధర 1,999 యూరోలు (భారత కరెన్సీలో రూ.2,14,600). ప్యాకేజీలో మోటో పెన్ అల్ట్రా కూడా ఉంటుంది. యూరప్లో త్వరలో సేల్స్ ప్రారంభమవుతాయి. ఆ తర్వాత నార్త్ అమెరికా, లాటిన్ అమెరికా, మిడిల్ ఈస్ట్, ఆసియా పసిఫిక్ మార్కెట్లలో లాంచ్ అవుతుంది. ప్యాంటోన్ లిలీ వైట్, ప్యాంటోన్ బ్లాకెన్డ్ బ్లూ వంటి కలర్ వేరియంట్స్లో లభిస్తుంది. ఎడ్జ్ 70 ఫ్యూజన్ ధర ఇంకా ప్రకటించలేదు.
రేజర్ ఫోల్డ్ డ్యూయల్ సిమ్ సపోర్ట్ చేస్తుంది. 6.6 ఇంచ్ LTPO pOLED కవర్ డిస్ప్లే ఉంది. రిజల్యూషన్ 1080* 2520 పిక్సెల్స్. 165Hz రిఫ్రెష్ రేట్ సపోర్ట్ చేస్తుంది. పీక్ బ్రైట్నెస్ 6000 నిట్స్ వరకు ఉంటుంది. కార్నింగ్ గొరిల్లా గ్లాస్ సెరామిక్తో కవర్ స్క్రీన్ ప్రొటెక్షన్ ఉంది. ఇన్నర్ డిస్ప్లే 8.1 ఇంచ్ సైజు, 2K రిజల్యూషన్ ఉంది. 120Hz రిఫ్రెష్ రేట్, 6200 నిట్స్ బ్రైట్నెస్ ఉన్నాయి.
ఈ ఫోన్ స్నాప్డ్రాగన్ 8 జెన్ 5 చిప్సెట్తో రన్ అవుతుంది. ఫ్లాగ్షిప్ లెవల్ పర్ఫామెన్స్ ఇస్తుంది. అడ్రెనో A829 GPU ఉంది. గేమింగ్, మల్టీటాస్కింగ్ స్మూత్గా జరుగుతాయి. పెద్ద 6000mAh బ్యాటరీ ఉంది. హెవీ యూజర్లు, ట్రావెలర్లు ఎక్కువ సమయం ఫోన్ యూజ్ చేసినా బ్యాటరీ రన్ అవుతుంది. ఫోల్డెబుల్ ఫోన్స్ ఇంత పెద్ద బ్యాటరీ లభించడం అరుదు.
ట్రిపుల్ రియర్ కెమెరా సిస్టమ్ ఉంది. ప్రైమరీ కెమెరా 50MP సోనీ LYTIA సెన్సార్. 50MP పెరిస్కోప్ టెలిఫోటో లెన్స్ 3x ఆప్టికల్ జూమ్ సపోర్ట్ చేస్తుంది. 50MP అల్ట్రా-వైడ్ లెన్స్ కూడా ఉంది. ఔటర్ డిస్ప్లేలో 32MP సెల్ఫీ కెమెరా, ఇన్నర్ డిస్ప్లేలో 20MP సెల్ఫీ కెమెరా ఉన్నాయి. రియర్ కెమెరాలు 8K వీడియోను 30fpsలో, 4K వీడియోను 60fpsలో రికార్డ్ చేస్తాయి.
5G కనెక్టివిటీ సపోర్ట్ చేస్తుంది. Wi-Fi, NFC, GPS, బైడౌ, నావిక్ సపోర్ట్ ఉన్నాయి. USB Type-C పోర్ట్ ఉంది. యాక్సిలరోమీటర్, గైరోస్కోప్, ఈ-కంపాస్, బ్యారోమీటర్ వంటి సెన్సార్లు ఉన్నాయి.
Also Read: ఇక 50 శాతం కరెంట్ బిల్లు ఆదా.. టాప్ రేటెడ్ 9kg వాషింగ్ మెషీన్లపై భారీ తగ్గింపు
ఫోల్డ్ అయినప్పుడు సైజు 160.05*73.6*10.04 mm. అన్ఫోల్డ్ అయినప్పుడు 144.47*160.05*4.7 mm. బరువు సుమారు 243 గ్రాములు. సన్నగా, ప్రీమియం ఫీల్ ఇస్తుంది. పోర్టబిలిటీ మంచిగా ఉంటుంది.
ఫోల్డబుల్ ఫోన్స్ మార్కెట్లో మోటోరోలా రేజర్ ఫోల్డ్ బలమైన ఎంట్రీ ఇచ్చింది. మంచి పెర్ఫామెన్స్, బ్రైట్ డిస్ప్లే, అడ్వాన్స్డ్ కెమెరాలతో ప్రీమియం సెగ్మెంట్లో బలంగా పోటీ పడుతోంది.
Share
Ahmed Shehzad: పాకిస్తాన్ ప్లేయర్లకు సిగ్గు, శరం లేదు..ఏదో ఒక రోజు రాళ్లతో ప్రజలే కొడతారు !
AP liquor scam: ఏపీ లిక్కర్ కేసులో భారీ తిమింగళం.. నేపాల్ సరిహద్దులో చిక్కాడు
