Smart Watch For Kids: పిల్లల కోసం స్మార్ట్ వాచ్లు ఇప్పుడు చాలా అవసరమైన గాడ్జెట్లుగా మారాయి. మార్కెట్ లో చాలా రకాల స్మార్ట్ వాచ్ లు అందుబాటులో ఉన్నాయి. అయితే అనేక రకాల ఫీచర్లతో పాటు లుక్ పరంగా చూస్తే మాత్రం Noise Junior Champ 3 Smart Watch బెస్ట్ అని చెప్పొచ్చు. తక్కువ ధరలోనే అనేక ఉపయోగకరమైన ఫీచర్లతో ఈ వాచ్లు పిల్లల రోజువారీ జీవితాన్ని మెరుగు పరచడానికి సహాయపడతాయి. ఇంతకీ ఈ వాచ్లో ఎలాంటి ఫీచర్లు ఉన్నాయి ? ధరకు సంబంధించిన పూర్తి వివరాలను ఇప్పుడు తెలుసుకుందాం.
డిజైన్, లుక్:
ఈ వాచ్ ప్రత్యేకంగా పిల్లల కోసం తయారు చేసారు. ఒకే వాచ్లో మూడు రకాల లుక్లు మార్చుకునే విధంగా కవర్లు ఉంటాయి. పిల్లలు తమ ఇష్టానికి అనుగుణంగా వాచ్ను మార్చుకోవచ్చు. దీని వల్ల వారికి వాచ్ ఎప్పుడూ కొత్తగా అనిపిస్తూ దానిపై ఆసక్తి పెరుగుతుంది. వీటి రంగులు కూడా చాలా ఆకర్షణీయంగా ఉండటం వల్ల పిల్లలకు బాగా నచ్చుతుంది.
చదువు, అలవాట్లు:
ఈ వాచ్లో ప్రత్యేకంగా పిల్లల కోసం చదువు సంబంధిత భాగం ఉంటుంది. ఇందులో చిన్న చిన్న పాఠాలు, నేర్చుకునే అంశాలు ఉంటాయి. పిల్లలు ఆటల రూపంలో నేర్చుకునే అవకాశం ఉంటుంది. అలాగే రోజువారీ అలవాట్లను పెంచడానికి ఒక ప్రత్యేక ఫీచర్ ఉంటుంది. ఉదయం లేవడం, హోమ్వర్క్ చేయడం, సమయానికి భోజనం చేయడం వంటి అలవాట్లను గుర్తు చేస్తుంది. దీని వల్ల పిల్లలు క్రమశిక్షణగా మారే అవకాశం ఉంటుంది.
భద్రతా ఫీచర్లు:
తల్లిదండ్రులకు ముఖ్యంగా కావాల్సింది పిల్లల భద్రత. ఈ వాచ్లో అత్యవసర పరిస్థితుల్లో ఉపయోగపడే ఒక ప్రత్యేక బటన్ ఉంటుంది. పిల్లలు ప్రమాదంలో ఉన్నప్పుడు ఒక బటన్ నొక్కితే తల్లిదండ్రులకు సమాచారం చేరుతుంది. ఈ ఫీచర్ వల్ల పిల్లలు ఎక్కడ ఉన్నా తల్లిదండ్రులకు కొంత భరోసా ఉంటుంది.
పాఠశాల మోడ్:
పిల్లలు పాఠశాలలో ఉన్నప్పుడు ఆటలు, వినోదం వల్ల దృష్టి మళ్లిపోకుండా ఉండటానికి ప్రత్యేక పాఠశాల మోడ్ ఉంటుంది. ఈ మోడ్ ఆన్ చేసినప్పుడు అవసరం లేని ఫీచర్లు పని చేయవు. దీని వల్ల పిల్లలు చదువుపై దృష్టి పెట్టగలరు. ఇది తల్లిదండ్రులకు చాలా ఉపయోగపడే ఫీచర్. ఈ వాచ్లో వందకు పైగా డిజైన్లతో ఫేషియల్ ఫీచర్లు అందుబాటులో ఉంటాయి. పిల్లలు తమకు నచ్చిన విధంగా వీటిని మార్చుకోవచ్చు. అలాగే తల్లిదండ్రులు వాచ్ను నియంత్రించగలిగే.. విధంగా ప్రత్యేక నియంత్రణ సదుపాయం ఉంటుంది. పిల్లలు ఎంతసేపు వాడాలి ? ఏ ఫీచర్లు వాడాలి వంటి వాటిని తల్లిదండ్రులు నిర్ణయించవచ్చు.
Also Read: ఫోన్తో ఆపరేట్ చేయగలిగే కూలర్.. పూర్తి ఫీచర్లు తెలిస్తే మీ మతిపోవడం గ్యారంటీ
ధర, విలువ:
ఈ వాచ్ ధర సుమారు రూ. 1,999 మాత్రమే. ఈ ధరలోనే భద్రత, చదువు, వినోదం అన్నీ కలిపి రావడం పెద్ద ప్లస్ పాయింట్. తక్కువ ఖర్చులో పిల్లల కోసం మంచి గాడ్జెట్ కావాలనుకునే వారికి ఇది బెస్ట్ ఆప్షన్గా చెప్పవచ్చు.
పిల్లల భద్రత, చదువు, అలవాట్లు అన్నీ ఒకే చోట ఉండేలా చూసే ఈ వాచ్ తల్లిదండ్రులకు కూడా ఎంతో సహాయ పడుతుంది. పిల్లలు కూడా ఆనందంగా వాడగలిగేలా ఉండటం దీని ప్రత్యేకత. తక్కువ ధరలో మంచి ఫీచర్లతో.. కూడిన వాచ్ కావాలనుకుంటే ఇది బెస్ట్ ఆప్షన్.
Share
Bespoke AI Fridge: శాంసంగ్ 4 డోర్ల ఫ్రిడ్జ్.. కూలింగ్ ఒక్కటే కాదు.. చాలా మ్యాటర్ ఉంది!
Mahabubabad: తల్లి మందలింపుతో గడ్డి మందు తాగిన పిల్లాడు.. 9 రోజుల తర్వాత
