Bespoke AI Fridge: శాంసంగ్ కంపెనీకి గృహోపకరణ వస్తువులకు మార్కెట్ లో మంచి గుడ్ విల్ ఉంది. టీవీ, ఏసీ, రిఫ్రిజిరేటర్, వాషింగ్ మిషన్ ఇలా ఏది తీసుకున్నా.. బడ్జెట్ లో నాణ్యమైన వస్తువులను శాంసంగ్ అందిస్తుంది. అయితే రిఫ్రిజిరేటర్లకు వచ్చే సరికి శాంసంగ్ ఓ ప్రీమియం రేంజ్ రిఫ్రిజిరేటర్ ను లాంచ్ చేసింది. అధునాతన సాంకేతికత కలిగిన Bespoke AI 4-Door Flex రిఫ్రిజిరేటర్ ను అందుబాటులోకి తీసుకొచ్చింది. ఇందులోని ఫీచర్లు.. ప్రతీ ఒక్కరినీ ఆకర్షిస్తున్నాయి. కాబట్టి దీనిలోని ప్రధాన ఫీచర్లతో పాటు వాటి వల్ల కలిగే లాభాలను ఇప్పుడు పరిశీలిద్దాం.
ఈ రిఫ్రిజిరేటర్ లోపల అమర్చిన ఇంటెలిజెంట్ కెమెరా సహాయంతో లోపల ఏయే ఆహార పదార్థాలు ఉన్నాయో మీరు బయట నుండే డిజిటల్ స్క్రీన్ ద్వారా చూడవచ్చు. ఇందులో దాదాపు 33 రకాల ఆహార పదార్థాలను స్టోర్ చేసుకోవచ్చు. ఈ ఫ్రిడ్జ్ కు నాలుగు డోర్లు ఉండటం వల్ల అవసరమైన డోర్ ను మాత్రమే తీసుకునే వెసులుబాటు ఉంటుంది. దీని వల్ల మిగతా డోర్ల నుంచి కూలింగ్ వృథాగా బయటకు వెళ్లే ఇబ్బంది ఉండదు.
వినియోగదారుల అవసరాలకు అనుగుణంగా ఉష్ణోగ్రతను మార్చుకునే సౌలభ్యం ఈ ఫ్రిడ్జ్ లో ఉంది. మీరు ఒక కంపార్ట్మెంట్ను ఫ్రీజర్గా లేదా సాఫ్ట్ ఫ్రీజ్గా, చిల్లర్గా మార్చుకోవచ్చు. దీనివల్ల మాంసాహారం, కూరగాయలు లేదా కూల్ డ్రింక్స్ ను వాటికి కావాల్సిన ఖచ్చితమైన ఉష్ణోగ్రత వద్ద ఎక్కువ కాలం తాజాగా ఉంచుకోవచ్చు.
వంటగది ఇంటీరియర్కు తగ్గట్టుగా వివిధ రంగుల్లో ఈ బెస్పోక్ రిఫ్రిజిరేటర్లు అందుబాటులో ఉన్నాయి. మీ వంటగదికి తగ్గట్లు గ్లాస్ లేదా స్టీల్ ప్యానెల్స్ను ఎంచుకోవచ్చు. అంతేకాకుండా దీనిలోని ‘ఆటో ఓపెన్ డోర్’ సెన్సార్ కేవలం ఒక టచ్ తో తలుపును సులభంగా తెరుస్తుంది. మీ చేతులు వస్తువులతో నిండి ఉన్నప్పుడు ఈ ఫీచర్ ఎంతో సహాయకరంగా ఉంటుంది.
రిఫ్రిజిరేటర్ లోపల వైపున ‘ఆటోఫిల్ వాటర్ పిచ్చర్’, వాటర్ డిస్పెన్సర్ ను అమర్చారు. ఇది చూడటానికి చాలా క్లీన్గా, స్టైలిష్గా ఉంటుంది. దీని ద్వారా ఎల్లప్పుడూ చల్లని, శుద్ధి చేసిన నీరు అందుబాటులో ఉంటుంది. అలాగే డ్యూయల్ ఆటో ఐస్ మేకర్ ఫీచర్ ద్వారా మీకు కావాల్సిన సైజులో ఐస్ క్యూబ్స్ను వేగంగా పొందవచ్చు.
Also Read: Iran Missile Strike: విస్తరించిన యుద్ధం.. హిందూ మహా సముద్రంపైకి మిసైళ్లు.. ట్రంప్కు ఇరాన్ చుక్కలు!
ఈ రిఫ్రిజిరేటర్ ‘AI ఎనర్జీ మోడ్’తో రూపొందింది. ఇది ఫ్రిడ్జ్ వాడకాన్ని విశ్లేషించి కంప్రెసర్ వేగాన్ని సర్దుబాటు చేస్తుంది. ఫలితంగా విద్యుత్ వినియోగాన్ని గణనీయంగా తగ్గిస్తుంది. దీనివల్ల మీ కరెంట్ బిల్లు ఆదా అవ్వడమే కాకుండా, పర్యావరణానికి కూడా మేలు జరుగుతుంది.
Also Read: Telangana Budget: బడ్జెట్ అంతా ఓకే గానీ.. పాపం మూడు కార్పొరేషన్ల పరిస్థితే.. అగమ్య గోచరం!
Share
Amazon Transformer Phone: మళ్లీ వచ్చేస్తోంది అమెజాన్ ట్రాన్స్ఫార్మర్.. ఈ ఏఐ ఫోన్లో యాప్స్ అక్కర్లేదు!
Smart Watch For Kids: పిల్లల కోసం తప్పకుండా కొనాల్సిన వాచ్..సేఫ్టీ, చదువు, ఫన్ అన్నీ ఒక్క వాచ్లోనే!
