Nubia Neo 3 GT Phone: మార్కెట్లో కొత్త ఫోన్లు వరుసగా వస్తున్న సమయంలో బడ్జెట్, మిడ్ రేంజ్ సెగ్మెంట్లలో కూడా ప్రీమియం స్థాయి పనితనం అందించాలనే పోటీ పెరుగుతోంది. ఈ ట్రెండ్కి అచ్చం సరిపోయేలా జెడ్టీఈ నుబియా నియో 3 జిటి వచ్చి గేమింగ్కి ప్రత్యేకంగా డైజైన్ చేసిన శక్తివంతమైన ప్యాకేజీగా నిలుస్తోంది. స్మూత్ స్క్రీన్, హై ప్రాసెసర్, ఎక్కువసేపు నిలిచే పెద్ద బ్యాటరీ అన్నీ కలిసి బడ్జెట్ ధరలోనే ఇవ్వాలని లక్ష్యంగా ఈ ఫోన్ నిలిచింది. సాధారణ యూజర్ల నుంచి గేమర్ల వరకు అందరినీ టార్గెట్ చేస్తూ మార్కెట్లో బలమైన పోటీదారుగా నియో 3 జిటి ముందుకు వచ్చింది.
గేమింగ్ ఫోకస్ డిజైన్
జెడ్టీఈ నుబియా నియో 3 జిటి డిజైన్ పూర్తిగా గేమింగ్ దృష్టితో రూపొందించినట్టు కనిపిస్తుంది. 163.3 x 77.2 x 8.2 mm డిజైన్లో ఉన్న ఈ ఫోన్ చేతిలో కొంచెం పొడవుగా అనిపించినా గేమింగ్ సమయంలో పట్టుకోవడానికి చాలా ప్రీమియంగా అనిపిస్తుంది. మోడల్ ప్లాస్టిక్తో ఉన్నప్పటికీ గ్రిప్ గట్టిగా, ఫీల్ తగినంత ఉంటాయి. ఈ ఫోన్లో గేమర్ల కోసం ప్రత్యేకంగా ఇచ్చిన ప్రెషర్ సెన్సిటివ్ జోన్ అంటే గేమింగ్ ట్రిగ్గర్లు ఉండటం పెద్ద హైలైట్ ఇవి పబ్జీ, ఫ్రీ ఫైర్ లాంటి గేమ్స్లో అదనపు కంట్రోల్ ఇచ్చి కన్సోల్ ఫీల్ ఇస్తాయి. వెనుక భాగంలో ఇచ్చిన ఆర్జిబి లైట్ అయితే డిజైన్ను మరింత ఆకర్షణీయంగా చేస్తుంది. గేమింగ్ మోడ్, నోటిఫికేషన్లు, ఛార్జింగ్ సమయంలో రంగు మారుతూ ఫోన్కు అప్డేటెడ్ లుక్ అందిస్తుంది.
6.8 అంగుళాల స్క్రీన్ అమోలేడ్ డిస్ప్లే
ఈ ఫోన్ ముందుగా ఆకట్టుకునే అంశం దాని పెద్ద అమోలేడ్ డిస్ప్లే. 6.8 అంగుళాల స్క్రీన్ తగినంత ప్రకాశం ఇస్తూ 120Hz రిఫ్రెష్ రేట్తో కదలికలు ఎంతో సాఫ్ట్గా కనిపిస్తాయి. డిస్ప్లే ప్రదర్శన స్పష్టత, ప్రతిబింబాలు తక్కువగా ఉండటం, రంగుల కంట్రాస్ట్ అన్నీ ఇవి ఈ ఫోన్ను మిడ్ రేంజ్ సెగ్మెంట్లో ఉన్నతంగా చూపించేలా పనిచేస్తాయి. డిజైన్ పరంగా అప్డేటెడ్ లుక్ ఇవ్వడానికి రంగుల ఎంపిక, బాడీ శైలి, గ్రిప్ అన్నీ ఆకర్షణీయంగా అనిపిస్తాయి.
Also Read: Smartphone: బడ్జెట్ తక్కువ ఫీచర్లు ఎక్కువ.. మొబైల్ లవర్స్ కొనవలసిన టాప్ 3 ఫోన్లు ఇవే..
యూనిసోక్ టి9100 చిప్సెట్ 6nm ప్రాసెస్
పెర్ఫార్మెన్స్ విషయానికి వస్తే జెడ్టీఈ నుబియా నియో 3 జిటిలో ఉన్న యూనిసోక్ టి9100 చిప్సెట్ 6nm ప్రాసెస్పై నిర్మించబడింది. బెంచ్మార్క్ స్కోర్లు సుమారు 5 లక్షల మార్క్ దాటటం చూస్తే రోజువారి వినియోగం, మల్టీటాస్కింగ్, పబ్జీ, ఫ్రీ ఫైర్ , ఇలా చిన్నా–పెద్ద గేమ్స్ అన్నీ ఈ ఫోన్ సాఫీగా నిర్వహించగలదని అర్థమవుతుంది. ఫోన్ వేడెక్కే అవకాశాలు తక్కువగా ఉండటం కూడా మంచి విషయం. ఈ ఫోన్ ఎక్కువసేపు వినియోగించే వారికి ఇది పెద్ద లాభం.
కెమెరా 50ఎంపి మెయిన్ సెన్సార్
కెమెరా విభాగంలో 50ఎంపి మెయిన్ సెన్సార్ ఉన్నప్పటికీ ఫలితాలు సాధారణ స్థాయిలో ఉంటాయని యూజర్ రిపోర్ట్లు సూచిస్తున్నాయి. పగటి వేళ ఫోటోలు స్పష్టంగా రావచ్చు కానీ తక్కువ వెలుతురులో వివరాలు కొంత తగ్గుతాయి. సెల్ఫీలు కూడా అంతే రోజువారి సోషల్ మీడియా వినియోగానికి సరిపోవచ్చు కానీ ఫోటోగ్రఫీపై దృష్టిపెట్టే వారికి ఇది సరైన ఎంపిక కాదు. గేమింగ్పై దృష్టి పెట్టి రూపొందించిన ఫోన్ కావడం వల్ల కెమెరా భాగం తగినంత స్థాయిలోనే ఉంటుంది.
6,000mAh కెపాసిటీతో బ్యాటరీ
బ్యాటరీ మాత్రం ఈ ఫోన్ యొక్క అసలు బలం. 6,000mAh కెపాసిటీతో పాటు 80W ఫాస్ట్ ఛార్జింగ్ ఉండటం వల్ల ఒకరోజు పూర్తిగా వినియోగించినా కూడా శక్తి తగ్గిన భావన రాదు. బ్యాటరీ ఎక్కువగా ఉండటం వల్ల ఫోన్ కాస్త బరువు అనిపించినా పనితనం పరంగా ఇది పెద్ద ప్రయోజనమే. గేమింగ్, వీడియో స్ట్రీమింగ్ ఎక్కువ చేసే వారికి ఇది చాలా పెద్ద ప్లస్ పాయింట్ అవుతుంది. 5జి మద్దతు ఉండటం ఈ ఫోన్ను భవిష్యత్తు డేటా అవసరాలకు సిద్ధం చేస్తుంది. అండర్-డిస్ప్లే ఫింగర్ప్రింట్ స్కానర్ స్పందన కూడా త్వరగా పనిచేస్తుంది. ఫీచర్లను, పనితనాన్ని దృష్టిలో పెట్టుకుంటే జెడ్టీఈ నుబియా నియో 3 జిటి బడ్జెట్ ప్రీమియం మిశ్రమంగా (Mixed) కనిపిస్తుంది.
ధర , లాంచింగ్ వివరాలు..
అంతర్జాతీయ మార్కెట్లలో జెడ్టీఈ నుబియా నియో 3 జిటి ధర సుమారు రూ.23,000 నుంచి రూ.27,000 మధ్యగా ఉంటుంది. భారత్లో అధికారిక లాంచింగ్కి సంబంధించిన వివరాలు త్వరలో రావచ్చు. వేరియంట్ల ఆధారంగా ధరలో చిన్న మార్పులు ఉండే అవకాశం ఉంది. ఈఫోన్ ధరలో ఇచ్చే ఫీచర్లను చూస్తే ఇది గేమింగ్ ఆడేవారికి సరైన ఎంపికగా కనిపిస్తుంది. అన్నీ ఒకే ప్యాకేజీలో చూస్తున్న వారికి జెడ్టీఈ నుబియా నియో 3 జిటి ఒక స్మార్ట్ ఎంపికగా నిలుస్తుంది.
Share
Political Families: జగన్, కేటీఆర్, తేజస్వి, అందరూ ఇంతేనా? అన్నా చెల్లెళ్ల రాజకీయ బంధం కలేనా?
Memory Loss: చిన్న చిన్న విషయాలు కూడా మరచిపోతున్నారా ? కారణాలివేనట !
