OnePlus Ace 6 Ultra: ప్రముఖ మొబైల్ కంపెనీ వన్ప్లస్ నుంచి అత్యాధునిక ఫీచర్లతో OnePlus Ace 6 Ultra చైనాలో విడుదలైంది. ఇప్పటికే స్మార్ట్ఫోన్ మార్కెట్లో మంచి క్రేజ్ సంపాదించుకున్న ఏస్ 6, ఏస్ 6టీ మోడల్స్ తర్వాత, వాటిని మించిన పర్ఫార్మెన్స్తో ఈ సరికొత్త ఫోన్ను కంపెనీ లాంచ్ చేసింది. ముఖ్యంగా గంటల తరబడి ఫోన్ వాడే వారికి, మొబైల్ గేమింగ్ అంటే పిచ్చి ఉండే వారికి ఈ ఫోన్ బాగా సెట్ అవుతుంది. ఎందుకంటే.. దీనిలో వాడిన బ్యాటరీ, ప్రాసెసర్ అంత పవర్ఫుల్గా ఉన్నాయి మరి.
ఈ OnePlus Ace 6 Ultra చూడటానికి ఎంత స్టైలిష్గా ఉంటుందో.. దీని డిస్ప్లే ఇంకా బాగుంటుంది. దీనిలో 6.78 అంగుళాల అమోలెడ్ స్క్రీన్ను ఇచ్చారు. ఇది 1.5K రిజల్యూషన్తో వస్తుంది కాబట్టి.. వీడియోలు చాలా క్లారిటీగా కనిపిస్తాయి. ఇక ఫోన్ వాడేటప్పుడు ఎక్కడా తడబడకుండా ఉండేందుకు 165Hz రిఫ్రెష్ రేట్ను అందించారు. దీనివల్ల స్క్రీన్ చాలా స్మూత్గా రన్ అవుతుంది. అంతేకాదు.. బయట ఎండలో ఉన్నప్పుడు కూడా స్క్రీన్ స్పష్టంగా కనిపించేలా మంచి బ్రైట్నెస్ను కూడా ఇచ్చారు.
Also Read: ఏంది సామీ ఈ ఆఫర్? రూ.35 వేల ఫోన్.. ఇప్పుడు చాలా తక్కువ ధరకే వచ్చేస్తోంది!
స్పీడ్ విషయంలో ఈ ఫోన్ టాప్ లెవల్లో ఉంటుంది. దీనిలో వాడిన మీడియాటెక్ డైమెన్సిటీ 9500 ప్రాసెసర్ వల్ల ఫోన్ అస్సలు హ్యాంగ్ అవ్వదు. ఇక RAM విషయానికొస్తే 16GB వరకు ఆప్షన్ ఉంది. దీనివల్ల ఒకేసారి ఎన్ని యాప్స్ వాడినా చాలా వేగంగా పనిచేస్తాయి. అలాగే ఫొటోలు, వీడియోలు సేవ్ చేసుకోవడానికి 1TB వరకు భారీ స్టోరేజ్ అందుబాటులో ఉంది. మెమరీ ఫుల్ అవుతుందన్న టెన్షన్ ఇక ఉండదు.
ఇకపోతే ఫొటోల కోసం OnePlus Ace 6 Ultraలో 50MP మెయిన్ కెమెరా ఉంది. దీనికి OIS సపోర్ట్ ఉండటం వల్ల ఫొటోలు అస్సలు బ్లర్ అవ్వవు. ఇక ఈ ఫోన్ మెయిన్ హైలైట్ దీని బ్యాటరీ. ఏకంగా 8,600mAh బ్యాటరీని అమర్చారు. సాధారణంగా ఫోన్లలో ఉండే దానికంటే ఇది చాలా ఎక్కువ. దీనికి తోడు 120W ఫాస్ట్ ఛార్జింగ్ కూడా ఉంది. దీంతో ఈ ఫోన్ను ఒక్కసారి ఫుల్ ఛార్జ్ చేస్తే రోజుల తరబడి వాడుకోవచ్చు.
ఈ OnePlus Ace 6 Ultra ధర సుమారు రూ.48,400 నుంచి మొదలవుతుంది. స్టోరేజ్ పెరిగే కొద్దీ ధర మారుతుంది. ఇక గేమింగ్ ఇష్టపడే వాళ్ల కోసం గన్ గాడ్ అనే గేమింగ్ కంట్రోలర్ను కూడా వన్ ప్లస్ తీసుకొచ్చింది. దీన్ని ఫోన్కు అటాచ్ చేసుకుని చాలా కంఫర్ట్గా గేమ్స్ ఆడుకోవచ్చు. దీని ధర దాదాపు రూ.6,200 వరకు ఉంది. మొత్తానికి ఆల్ రౌండర్ ఫోన్ కావాలనుకునే వారికి ఇది బెస్ట్ ఆప్షన్.
Also Read: మరీ ఇంత తక్కువకా? అది కూడా 2K డిస్ప్లే ట్యాబ్లెట్, Redmi Pad 2 9.7 ఫీచర్లు ఇవే!
Share
గ్లోబల్ స్టార్కు బాలీవుడ్ షాక్.. చరణ్ను పక్కన పెట్టి ధనుష్కు రెడ్ కార్పెట్.. అసలేం జరుగుతోంది?
ఢిల్లీ హైకోర్టు చీఫ్ జస్టిస్ ఆన్లైన్ విచారణ.. మధ్యలో అశ్లీల వీడియోల కలకలం..
