Smartphone comparison: Oppo A6s 5G vs iQOO Z11x vs Lava Blaze Duo 3: బడ్జెట్ 5G రేసులో ఏది బెస్ట్?

Oppo A6s 5G vs iQOO Z11x vs Lava Blaze Duo 3 Smartphone comparison: ఈ వారం భారత మార్కెట్లోకి Oppo A6s 5G అడుగుపెట్టింది.దీంతో బడ్జెట్ 5G స్మార్ట్‌ఫోన్ల మధ్య పోటీ మరింత ముదిరింది. ఇప్పటికే మార్కెట్లో ఉన్న iQOO Z11x 5G, Lava Blaze Duo 3 ఫోన్లకు ఇది గట్టి పోటీనిస్తోంది. పెద్ద డిస్‌ప్లే, భారీ బ్యాటరీ కోరుకునే వారి కోసం ఈ మూడు ఫోన్లలో ఏది బెటర్ ఆప్షనో ఇప్పుడు చూద్దాం.

ధరల వివరాలు:

Oppo A6s 5G: 4GB + 128GB వేరియంట్ లో వస్తున్న దీని ధర ₹18,999, అలాగే 6GB + 128GB వేరియంట్ లో వస్తున్న మోడల్ ధర రూ.20,999.

iQOO Z11x 5G: 6GB + 128GB బేస్ వేరియంట్‌తో ₹18,999 కే లభిస్తుండగా దీని టాప్ ఎండ్ 8GB + 256GB మోడల్ ధర రూ.22,999 లో దొరుకుతుంది.

Lava Blaze Duo 3: ఇది కేవలం రూ.16,999 (6GB + 128GB) కే లభిస్తూ అన్నింటి కంటే తక్కువ ధరకు అందుబాటులో ఉంది.

డిస్‌ప్లే మరియు సాఫ్ట్‌వేర్

డిస్‌ప్లే విషయానికొస్తే, iQOO Z11x 6.76-అంగుళాల భారీ స్క్రీన్‌తో వస్తోంది. అయితే, మన దేశీ బ్రాండ్ Lava Blaze Duo 3 ఇక్కడ ప్రత్యేకంగా నిలుస్తుంది, ఎందుకంటే ఇందులో మెయిన్ డిస్‌ప్లేతో పాటు వెనుక వైపు 1.6-అంగుళాల సెకండరీ AMOLED స్క్రీన్ కూడా ఉంది. సాఫ్ట్‌వేర్ పరంగా iQOO ఫోన్ లేటెస్ట్ Android 16 ఆధారిత OriginOS 6 తో వస్తుండటం ఇక్కడ విశేషం.

పెర్ఫార్మెన్స్ మరియు బ్యాటరీ

Oppo A6s 5G: ఇందులో MediaTek Dimensity 6300 చిప్‌సెట్ తో వస్తున్న ఈ ఫోన్ 6,500mAh బ్యాటరీ సపోర్ట్ తో వస్తుంది.

iQOO Z11x 5G: Dimensity 7400 Turbo పవర్‌ఫుల్‌ ప్రాసెసర్‌తో వస్తున్న ఈ ఫోన్ బ్యాటరీ ఏకంగా 7,200mAh ఉండటం విశేషం, మూడింటిలోనూ ఇదే అతిపెద్దదండోయ్ .

Lava Blaze Duo 3:ఇందులో Dimensity 7060 ప్రాసెసర్ మరియు 5,000mAh బ్యాటరీ ఉన్నాయి.

also read:Relationship Secrets: అత్తింట్లో అడుగుపెడుతున్నారా? ‘క్వీన్’ లా ఉండాలంటే ఈ 5 స్మార్ట్ టిప్స్ మీకోసమే!

కెమెరాలు:

ఇక మూడు ఫోన్లలోనూ 50-మెగాపిక్సెల్ ప్రైమరీ కెమెరాలు ఉన్నప్పటికీ, సెల్ఫీ విషయానికొస్తే iQOO Z11x 5G (32MP ఫ్రంట్ కెమెరా) మిగిలిన రెండింటి కంటే చాలా ముందుండటం విశేషం . ఇక లావా మరియు ఒప్పో ఫోన్లలో వరుసగా 8MP మరియు 5MP సెల్ఫీ కెమెరాలు మాత్రమే ఉన్నాయి.