Oppo Find X9 Ultra: చైనాకు చెందిన ప్రముఖ మొబైల్ తయారీ సంస్థ ఒప్పో తమ ఫ్లాగ్షిప్ సిరీస్లో సరికొత్త సంచలనాలకు సిద్ధమైంది. ఇప్పటి వరకు చైనా మార్కెట్కే పరిమితమైన తన Ultra మోడల్ను ఈసారి ప్రపంచవ్యాప్తంగా విడుదల చేయబోతున్నట్లు కంపెనీ అధికారికంగా ప్రకటించింది. వచ్చే నెలలో Oppo Find X9 Ultra గ్లోబల్ మార్కెట్లో అడుగుపెట్టనుంది. దీనితో పాటు చైనాలో Find X9s Pro మోడల్ను కూడా కంపెనీ లాంచ్ చేయబోతోందని తాజా తీక్స్ ద్వారా తెలుస్తోంది.
ఒప్పో చీఫ్ ప్రొడక్ట్ ఆఫీసర్ పీట్ లౌ సోషల్ మీడియా వేదికగా ఈ కీలక ప్రకటన చేశారు. ఏప్రిల్ నెలలో Find X9 Ultraను అంతర్జాతీయ మార్కెట్లలో విడుదల చేయనున్నట్లు ఆయన ధృవీకరించారు. గ్లోబల్ యూజర్ల పట్ల తమకున్న నిబద్ధతను చాటుకునేందుకే ఈ నిర్ణయం తీసుకున్నట్లు కంపెనీ పేర్కొంది. ఇక ఈ ఫోన్ డిజైన్ విషయానికి వస్తే.. మెటల్ ఫ్రేమ్తో చాలా ప్రీమియంగా కనిపిస్తోంది. ముఖ్యంగా ఐఫోన్ 16 సిరీస్లోని కెమెరా కంట్రోల్ బటన్ను పోలి ఉండేలా, దీనిలో ఒక ప్రత్యేకమైన ఆరెంజ్ బటన్ను అందించడం ఇప్పుడు అందరి దృష్టిని ఆకర్షిస్తోంది.
Also Read: ఫ్లిప్కార్ట్లో పోకో X8 ప్రో సిరీస్ సేల్ షురూ.. ఈ క్రేజీ ఫీచర్లు, డిస్కౌంట్లపై ఓ లుక్కేయండి!
ఇకపోతే ఫొటోగ్రఫీ ఇష్టపడే వారి కోసం ఒప్పో మరోసారి Hasselblad సంస్థతో జతకట్టింది. త్వరలో రాబోతున్న Find X9 Ultraలో అత్యుత్తమ కెమెరా సెటప్ను మనం చూడబోతున్నాం. తాజాగా లీకైన సమాచారం ప్రకారం.. ఈ ఫోన్లో 200 మెగాపిక్సెల్ పెరిస్కోప్ టెలిఫోటో లెన్స్ను అమర్చారు. ఇది దూరంగా ఉన్న వస్తువులను కూడా అత్యంత స్పష్టతతో షూట్ చేయడానికి ఉపయోగపడుతుంది. అంతేకాదు.. 10x ఆప్టికల్ జూమ్ సామర్థ్యం ఉన్న మరో 50 మెగాపిక్సెల్ టెలిఫోటో కెమెరా కూడా దీనిలో ఉండే అవకాశం ఉంది.
ఈ ఫోన్ శక్తివంతమైన మీడియాటెక్ డైమెన్సిటీ 9500 చిప్సెట్తో రానుందని టెక్ నిపుణుల అంచనా. దీనిలో ఏకంగా 7,000mAh భారీ బ్యాటరీని అందించబోతున్నారట. అయితే అల్ట్రా మోడల్లో అంతకంటే ఎక్కువ సామర్థ్యం గల బ్యాటరీ ఉంటుందని కంపెనీ హింట్ ఇచ్చింది. భారీ బ్యాటరీ, అద్భుతమైన కెమెరాలు, కొత్త తరం ఫీచర్లతో రాబోతున్న ఈ ఫోన్లు స్మార్ట్ఫోన్ మార్కెట్లో కొత్త రికార్డులు సృష్టించడం ఖాయంగా కనిపిస్తోంది. వచ్చే కొన్ని వారాల్లో ఈ ఫోన్ల ధర, పూర్తి వివరాలు వెల్లడికానున్నాయి.
Also Read: బడ్జెట్ యూజర్లకు జాక్పాట్.. శాంసంగ్ గెలాక్సీ A35పై కళ్లుచెదిరే డిస్కౌంట్!
The #OPPOFindX9Ultra is going global! 🌍
For the first time ever, global users can experience our Ultra flagship smartphone. Get ready for a new benchmark in mobile imaging! 📸 pic.twitter.com/nHnqAoib77
— Pete Lau (@PeteLau) March 23, 2026
Share
Krishna Favourite Hero: ఈ తరం హీరోల్లో మహేష్ బాబు కాకుండా సూపర్ స్టార్ కృష్ణకు ఫేవరెట్ ఎవరో తెలుసా..!
Free OTT Subscriptions: ఒక్క రీఛార్జ్తో.. Netflix, Hotstar, Prime ఫ్రీ.. ఓటీటీ ప్రియులూ ఇక రెచ్చిపోండి!
