Oppo K15: చైనాకు చెందిన ప్రముఖ స్మార్ట్ఫోన్ తయారీ సంస్థ ఒప్పో.. తమ మిడ్రేంజ్ K సిరీస్లో మరో సరికొత్త ఫోన్ను లాంచ్ చేయడానికి సిద్ధమవుతోంది. ఇప్పటికే చైనా మార్కెట్లో Oppo K15 Pro, Oppo K15 Pro Plus మోడల్స్ అందుబాటులోకి రాగా.. ఇప్పుడు బేస్ వేరియంట్ అయిన Oppo K15 త్వరలోనే విడుదల కానుంది. తాజాగా ఈ ఫోన్ చైనాకు చెందిన TENAA సర్టిఫికేషన్ వెబ్సైట్లో కనిపించడంతో, దీనికి సంబంధించిన కీలక ఫీచర్లు ఆన్లైన్లో లీక్ అయ్యాయి.
సర్టిఫికేషన్ లిస్టింగ్ ప్రకారం.. ఈ ఫోన్ 6.59 అంగుళాల AMOLED డిస్ప్లేతో రానుంది. ఇది యూజర్లకు మెరుగైన కలర్ డెప్త్, విజువల్ ఎక్స్పీరియన్స్ను అందిస్తుంది. అలాగే దీనిలో 2.5GHz క్లాక్ స్పీడ్ను అందించే ఆక్టాకోర్ ప్రాసెసర్ను ఉపయోగించనున్నారు. ఈ ఫోన్ 8GB, 12GB RAM ఆప్షన్లతో పాటు 256GB, 512GB ఇంటర్నల్ స్టోరేజ్ వేరియంట్లలో లభించే అవకాశం ఉంది.
Also Read: ఇన్స్టాగ్రామ్లో సరికొత్త పెయిడ్ ప్లాన్.. ఉచితంగా వాడేవారి పరిస్థితి ఏంటి బాబోయ్?
ఫొటోగ్రఫీ పరంగా Oppo K15 అద్భుతమైన ఫీచర్లతో రానుంది. ఈ ఫోన్ వెనుక భాగంలో డ్యూయల్ కెమెరా సెటప్ ఉండబోతోంది. దీనిలో 50MP ప్రైమరీ కెమెరాతో పాటు, మరో 50MP సెకండరీ కెమెరాను ఇస్తున్నారు. ఇక సెల్ఫీలు, వీడియో కాల్స్ కోసం ఫోన్ ముందు భాగంలో కూడా 50MP కెమెరాను అందించడం విశేషం.
ఈ ఫోన్ ప్రధాన ఆకర్షణ దీని 7,755mAh బ్యాటరీ సామర్థ్యమే. అయితే కంపెనీ దీనిని 8,000mAh బ్యాటరీగా ప్రమోట్ చేయనుంది. భద్రత కోసం ఇన్డిస్ప్లే ఫింగర్ప్రింట్ సెన్సార్తో పాటు ఫేస్ అన్లాక్ ఫీచర్ కూడా ఉంది. దాదాపు 205 గ్రాముల బరువుండే ఈ Oppo K15.. ఈ సిరీస్లోని Pro Plus మోడల్ తరహాలోనే పవర్ఫుల్ బ్యాటరీ లైఫ్ను యూజర్లకు అందించనుంది.
Also Read: పవర్ బ్యాంక్ కొనేముందు తప్పక చెక్ చేయాల్సిన 5 ఫీచర్లు.. కెపాసిటీ ఒక్కటే సరిపోదు!
Share
ఫ్రీజర్లో ఐస్ పేరుకుపోతోందా? కంప్రెసర్ పేలిపోతుంది జాగ్రత్త !
హైదరాబాద్ దగ్గరే మసాయి మారా అనుభూతి.. మోకిలలో కొత్త సఫారీ స్టేకేషన్!
