Oppo Pad Mini: టెక్ మార్కెట్లో యాపిల్, శాంసంగ్ వంటి దిగ్గజ కంపెనీల తర్వాత ఇతర బ్రాండ్లకు గట్టిపోటీ ఇచ్చే బ్రాండ్ ఏదైనా ఉందంటే.. అది ఒప్పో అని చెప్పవచ్చు. మరికొద్ది రోజుల్లో ఒప్పో నుంచి రాబోతున్న ఈ కొత్త ట్యాబ్లెట్ ‘Oppo Pad Mini’ గురించే చర్చ నడుస్తోంది. ఈ నెల 21న చైనాలో జరగబోయే ఈవెంట్‌లో దీన్ని గ్రాండ్‌గా లాంచ్ చేస్తున్నారు. అయితే లాంచ్‌కు ముందే ఈ బుజ్జి ట్యాబ్ గీక్‌బెంచ్ ప్లాట్‌ఫామ్‌పై ప్రత్యక్షమై టెక్ లవర్స్‌ను ఆకట్టుకుంది. దీని పెర్ఫార్మెన్స్ వివరాలు చూస్తుంటే గేమ్ లవర్స్‌కు పూనకాలు రావడం పక్కా అనిపిస్తోంది.
సాధారణంగా చిన్న సైజు ట్యాబ్లెట్స్ పెర్ఫార్మెన్స్‌లో కాస్త స్లోగా ఉంటుంది అనుకుంటాం. కానీ ఈ ఒప్పో ప్యాడ్ మినీ విషయంలో సీన్ రివర్స్. దీనిలో అత్యంత శక్తివంతమైన ‘స్నాప్‌డ్రాగన్ 8 జెన్ 5’ ప్రాసెసర్‌ను వాడుతున్నట్లు సమాచారం. గీక్‌బెంచ్ టెస్టుల్లో ఇది సాధించిన స్కోర్లు చూస్తుంటే.. హెవీ గేమింగ్ అయినా, మల్టీ టాస్కింగ్ అయినా అస్సలు తగ్గనంటోంది. దీనికి తోడు 12GB భారీ RAM కూడా తోడవ్వడంతో, యాప్స్ ఓపెన్ చేయడం నుంచి వాడటం వరకు ఎక్కడా ల్యాగ్ అనే మాటే వినిపించదు.
Also Read: వావ్, ఇది కదా ఆఫర్ అంటే.. ఏసీలపై రూ.20,000 డిస్కౌంట్, రూ.30,000 క్యాష్‌బ్యాక్!
ఈ ట్యాబ్ చూడటానికి చాలా స్టైలిష్‌గా ఉండటమే కాదు.. కేవలం 5.39 మిమీ మందంతో చాలా స్లిమ్‌గా ఉంటుంది. చేతిలో పట్టుకుంటే చాలా లైట్ వెయిట్‌గా అనిపిస్తుంది. అలాగే దీనిలో 8.8 అంగుళాల ఓలెడ్ డిస్‌ప్లే ఇస్తున్నారట. దీంతో మూవీ చూసినా, గేమ్స్ ఆడినా విజువల్స్ అదిరిపోయేలా ఉంటాయి. ఇక చార్జింగ్ విషయానికి వస్తే.. 8,000mAh పెద్ద బ్యాటరీతో పాటు 67W ఫాస్ట్ చార్జింగ్ సపోర్ట్ ఉంటుంది. దీనిని ఒక్కసారి చార్జ్ చేస్తే రోజంతా హ్యాపీగా వాడుకోవచ్చన్నమాట.
ఒప్పో కేవలం ఈ ట్యాబ్‌ను మాత్రమే కాదు.. ఏప్రిల్ 21న జరిగే వేడుకలో ప్యాడ్ మినీతో పాటు ఒప్పో ప్యాడ్ 5 ప్రో, కొత్త ఫైండ్ X9 సిరీస్ ఫోన్లు, కొత్త వాచ్, ఇయర్‌బడ్స్ లాంటి బోలెడు గ్యాడ్జెట్లను ఒకేసారి మార్కెట్లోకి వదులుతోంది. మొత్తానికి ఈ సమ్మర్‌లో ఒప్పో తమ కొత్త ప్రొడక్టులతో మార్కెట్లో సెగలు పుట్టించడం పక్కాగా కనిపిస్తోంది.
Also Read: రూ.8 వేలకే హోమ్ థియేటర్ సెటప్.. 20W స్పీకర్లు, మైక్స్‌తో ROAR ప్రొజెక్టర్ వచ్చేసింది!
Share
మధుబాల బయోపిక్..‘ఆ స్థాయిని కళ్యాణి ప్రియదర్శన్ అందుకోగలదా.. రిస్క్ చేస్తున్న భన్సాలీ ?
బెంట్లీ గ్లోబల్ బ్రాండ్ అంబాసిడర్ గా ప్రియాంక చోప్రా.. మొత్తం ఆస్తి విలువ తెలిస్తే షాక్!
