Induction Stove Sales: గ్యాస్ కొరత ఎఫెక్ట్.. రికార్డ్ స్థాయిలో ఇండక్షన్ స్టవ్ సేల్స్.. 24 గంటల్లో ఎంతంటే!

Induction Stove Sales: ఇరాన్ – ఇజ్రాయెల్ మధ్య కొనసాగుతున్న యుద్ధం భారత్ పై తీవ్ర ప్రభావం చూపిస్తోంది. ఈ క్రమంలోనే దేశంలో ఎల్ పీజీ గ్యాస్ సిలిండర్ల సరఫరాకు తీవ్ర అంతరాయం ఏర్పడుతోంది. దీంతో సామాన్యులు, హోటల్ – రెస్టారెంట్ నిర్వాహకులు తీవ్ర ఇబ్బందులు ఎదుర్కొంటున్నారు. అయితే వంట గ్యాస్ సమస్య నుంచి బయటపడేందుకు ప్రజలు పెద్ద ఎత్తున ఇండక్షన్ స్టవ్స్ కొనుగోలు చేస్తున్నారు. ఫలితంగా ఎన్నడూ లేని స్థాయిలో దేశంలో ఇండక్షన్ స్టవ్ లు అమ్ముడుపోతున్నాయి.

24 గంటల్లో ఎంతంటే?

దేశంలో గ్యాస్ సిలిండర్ల కొరత కారణంగా ప్రజలు ఇండక్షన్ స్టవ్స్ వైపు మొగ్గు చూపుతున్నట్లు తాజా నివేదిక ఒకటి తెలిపింది. ఈ నేపథ్యంలో అమెజాన్ లో ఒక్క రోజులోనే ఏకంగా 1.34 లక్షలకు పైగా ఇండక్షన్ స్టవ్ లు అమ్ముడుపోయినట్లు పేర్కొంది. సాధారణంగా దేశంలో ఒక నెలకు 1.80 లక్షల ఇండక్షన్ స్టవ్ ల అమ్మకాలు జరుగుతాయని.. అలాంటిది అమెజాన్ లో ఒక రోజు వ్యవధిలోనే ఈ స్థాయి సేల్స్ జరగడం నిజంగా రికార్డేనని సదరు రిపోర్టు స్పష్టం చేసింది.

అవుట్ ఆఫ్ స్టాక్ బోర్డ్స్

గ్యాస్ కొరత భయంతో పెద్ద ఎత్తున ఇండక్షన్ స్టవ్ కొనుగోలు చేస్తుండటంతో చాలా చోట్ల ‘అవుట్ ఆఫ్ స్టాక్’ బోర్డులు దర్శనమిస్తున్నాయి. ఆన్ లైన్, ఆఫ్ లైన్, రిటైల్ స్టోర్స్.. ఇలా ప్రతీ చోట గతంతో పోలిస్తే ఇండక్షన్ స్టవ్ లభ్యత గణనీయంగా తగ్గిపోయింది. అమెజాన్ తో పాటు ఫ్లిప్ కార్ట్ వంటి దిగ్గజ ఈ కామర్స్ సైట్స్ లోనూ ప్రముఖ బ్రాండ్స్ కు చెందిన ఇండక్షన్ స్టవ్ అందుబాటులో ఉండటం లేదు.

Also Read: Air Cooler: హనీకోంబ్ ప్యాడ్ vs గ్రాస్ ప్యాడ్.. రెండింటిలో ఏ కూలర్ కొంటే బెటర్?

వైజాగ్ జోరుగా అమ్మకాలు

ఇండక్షన్ స్టవ్ సేల్స్ కు సంబంధించి ఏపీలోని వైజాగ్ వ్యాపారి మాట్లాడిన వీడియో వైరల్ అవుతోంది. ఓ వ్యక్తి ఎలక్ట్రానిక్ షాపు నడుపుతున్న తన తండ్రిని ఎన్ని ఇండక్షన్ స్టవ్ లు అమ్మావని ప్రశ్నిస్తాడు. అప్పుడు ఆ తండ్రి ఇచ్చిన సమాధానం.. కొడుకుతో పాటు నెటిజన్లను సైతం ఆశ్చర్యానికి గురిచేసింది. గత రెండ్రోజుల్లో 100కి పైగా ఇండక్షన్ స్టవ్ లు అమ్మినట్లు ఆ వ్యాపారి పేర్కొనడం.. అందరినీ ఆశ్చర్యానికి గురిచేసింది. బిల్లింగ్ కౌంటర్ వద్ద అమ్మకానికి సిద్దంగా ఉన్న మరో 10 ఇండక్షన్ స్టవ్ లను కూడా వీడియోలో చూపించడం గమనార్హం.

Also Read: Vishwanath And Sons: సూర్య ‘విశ్వనాథ్ అండ్ సన్స్’ టీజర్ రిలీజ్ డేట్ ఫిక్స్.. ఎప్పుడంటే?