POCO C85 5G Smartphone: ప్రముఖ స్మార్ట్ఫోన్ దిగ్గజం పోకో.. భారత మార్కెట్లోకి త్వరలో ‘Poco C85 5G’ స్మార్ట్‌ఫోన్‌ను విడుదల చేయనుంది. ఈ హ్యాండ్ సెట్ వివరాలను కంపెనీ తాజాగా సోషల్ మీడియా వేదికగా వెల్లడించింది. దీన్ని బట్టి చూస్తే.. ఈ పోకో స్మార్ట్ఫోన్ విడుదల తర్వాత ప్రముఖ ఇ-కామర్స్ ప్లాట్‌ఫామ్ ఫ్లిప్‌కార్ట్ ద్వారా సేల్‌ ప్రారంభం కానుంది. ఈ ఫోన్ స్పెసిఫికేషన్లు, ఫీచర్లపై ఓ లుక్కేసేద్దాం రండి..
పోకో C85 5జీ స్మార్ట్ఫోన్ 2x ARM కార్టెక్స్ A76 + 6x కార్టెక్స్ A55 కోర్ల ఆధారంగా రూపొందించిన మీడియాటెక్ డైమెన్సిటీ 6100+ చిప్‌సెట్‌ను కలిగి ఉండవచ్చని టెక్ నిపుణులు అంచనా వేస్తున్నారు. ఇది GPU Mali-G57 ప్రాసెసర్‌పై పనిచేస్తుంది. 120Hz రిఫ్రెష్ రేట్, అడాప్టివ్‌సింక్‌తో కూడిన పెద్ద 6.9-అంగుళాల HD+ LCD డిస్‌ప్లే పోకో C85 5జీ స్మార్ట్ఫోన్ కలిగి ఉంటుంది.
ఈ సరికొత్త పోకో హ్యాండ్ సెట్ టీయూవీ రీన్‌ల్యాండ్ సర్టిఫైడ్‌తో రానుంది. అంటే.. ఇది కళ్లపై ఒత్తిడి పడకుంగా చేస్తుందన్న మాట. అంతేకాదు ఈ ఫోన్ స్క్రీన్ తక్కువ కాంతిలో కూడా మంచి బ్రైట్నెస్ అందిస్తుంది. ఇక వెనుక కెమెరా 50MP ఏఐ సహాయంతో ఉంటుందని, ఏఐ మోడ్, HDR , నైట్ మోడ్ వంటి ఫీచర్లను కలిగి ఉంటుందని లీక్స్ సూచిస్తున్నాయి. ఈ స్మార్ట్‌ఫోన్‌లో 8MP ఫ్రంట్ కెమెరా ఉండటంతో క్వాలిటీ సెల్ఫీలు, వీడియోలను క్యాప్చర్ చేస్తుంది. ఈ ఫోన్ బడ్జెట్ కెమెరా యూజర్లకు, రోజువారీ ఫోటోలు, వీడియో కాల్స్ చాలా అనువైనది.
POCO C85 5G స్మార్ట్ఫోన్ 6000mAh బ్యాటరీ లైఫ్‌ను కలిగి ఉంటుంది. అలాగే ఇది ఫాస్ట్-ఛార్జింగ్ సపోర్ట్ త్వరిత ఛార్జింగ్‌ను నిర్ధారిస్తుంది. ఈ బ్యాటరీ దీర్ఘకాలిక ఇంటర్నెట్ బ్రౌజింగ్, వీడియోలు, కాలింగ్, సోషల్ మీడియాకు ఎంతగానో ఉపయోగకరంగా ఉంటుంది. పోకో C85 5G స్మార్ట్ఫోన్ ఈ ఏడాది ప్రారంభంలో ప్రపంచ మార్కెట్లో విడుదలైంది. ఇప్పుడీ ఫోన్ త్వలోనే భారత్ మార్కెట్లోకి వచ్చే అవకాశం ఉంది.
Share
Health Tips: తల స్నానం చేసే ముందు పాదాలకు నీరు పోయాలా? ఎందుకు?
BDL: బీడీఎల్ హైదరాబాద్లో మెనేజ్మెంట్ ట్రైనీ ఉద్యోగాలు.. జీతం అక్షరాల రూ.1,40,000, డోంట్ మిస్
