Realme P4 Lite: రియల్మీ పీ4 లైట్ 5జీ గురువారం భారత్ మార్కెట్ విడుదలైంది. పీ4 లైనప్లో ఇప్పటికే పీ4, పీ4 ఎక్స్, పీ4 ప్రో 5జీ మోడళ్లు ఉన్నాయి. ఈ హ్యాండ్సెట్ మీడియాటెక్ డైమెన్సిటీ 6300 5జీ చిప్సెట్తో పనిచేయనుంది. ఫోన్ హీట్ ను తగ్గించడానికి ఎయిర్ఫ్లో వేపర్ ఛాంబర్ కూడా ఉంది. దుమ్ము, వాటర్ రెసిస్టెంట్ కోసం IP64 రేటింగ్ ఉంది.
భారత్ లో రియల్మీ P4 లైట్ 5G ధర 4GB RAM, 64GB ఆన్బోర్డ్ స్టోరేజ్ గల బేస్ వేరియంట్ ధర రూ. 12,999 నుండి ప్రారంభమవుతుంది. అదే 4GB + 128GB, 6GB RAM+128GB స్టోరేజ్ కాన్ఫిగరేషన్ హ్యాండ్ సెట్ ధరలు వరుసగా రూ. 13,999, రూ. 15,999గా ఉన్నాయి. ఈ హ్యాండ్సెట్ మొజాయిక్ బ్లూ, మొజాయిక్ గ్రీన్ రంగులలో లభిస్తున్నాయి. ఫ్లిప్కార్ట్, రియల్మీ ఇండియా వెబ్సైట్, ఆఫ్లైన్ రిటైల్ స్టోర్ల సేల్స్ స్టార్ అయ్యాయి. లాంచింగ్ ఆఫర్ లో భాగంగా ఫ్లాట్ రూ. 1,000 తగ్గింపు, రూ. 500 బ్యాంక్ ఆఫర్ కూడా ఉంది. రియల్మీ కస్టమర్లు అయితే రూ. 500 ఎక్స్ఛేంజ్ బోనస్కు కు అర్హులు అవుతారు.
రియల్ మీ పీ4 లైట్ 5జీ డ్యూయల్ సిమ్, ఆండ్రాయిడ్ 16 ఓఎస్ యూఐ 7.0 పై పనిచేస్తుంది. దీనికి రెండేళ్ల ఓఎస్ అప్డేట్లు, మూడేళ్ల సెక్యూరిటీ అప్డేట్లు లభిస్తాయి. ఈ హ్యాండ్సెట్లో 6.8-అంగుళాల HD LCD స్క్రీన్ ఉంది. 144Hz వరకు రిఫ్రెష్ రేట్, 180Hz టచ్ శాంప్లింగ్ రేట్, 900 నిట్స్ పీక్ బ్రైట్నెస్ ఫీచర్స్ ఉన్నాయి. హీట్ కంట్రోల్ కోసం ఎయిర్ఫ్లో వేపర్ ఛాంబర్ ఉంది.
ఈ ఫోన్ లో డ్యూయల్ రియర్ కెమెరా యూనిట్ ఉంది. 13 MP రియర్ ప్రైమరీ కెమెరా, 5 మెగాపిక్సెల్ సెల్ఫీ కెమెరా ఉన్నాయి. రియల్మీ హ్యాండ్సెట్లో 5G, 4G LTE, Wi-Fi 5, బ్లూటూత్ 5.3, 3.5mm హెడ్ఫోన్ జాక్, USB టైప్-సి పోర్ట్ ఉన్నాయి. ఈ ఫోన్ లో 7,000mAh బ్యాటరీతో పాటు 15W వైర్డ్ ఛార్జింగ్ సపోర్ట్ కలిగి ఉంది.
Also Read: 9000mAh బ్యాటరీ, 100W ఛార్జింగ్తో పోకో కొత్త ఫోన్స్ లాంచ్.. పవర్ఫుల్ కెమెరాతో ధర ఎంతంటే
Share
Ustaad Bhagat Singh OTT: పవన్ ఉస్తాద్ భగత్ సింగ్ ఓటీటీ స్ట్రీమింగ్ డీటెయిల్స్..ఎప్పుడంటే?
Humanity Decline: కూల్ డ్రింక్స్ లారీ బోల్తా.. పది నిమిషాల్లోనే లోడ్ అంతా స్వాహా!
