షాకింగ్ ఫీచర్లతో శాంసంగ్ కొత్త స్మార్ట్‌వాచ్‌లు.. మార్కెట్లోకి వచ్చేది అప్పుడే!

Samsung Smartwatches: ప్రముఖ టెక్ దిగ్గజం శాంసంగ్ తమ మోస్ట్ అవేటెడ్ స్మార్ట్‌వాచ్‌లను మార్కెట్లోకి తెచ్చేందుకు సిద్ధమవుతోంది. గతంలో వచ్చిన గెలాక్సీ వాచ్ అల్ట్రాకు సీక్వెల్‌గా Galaxy Watch Ultra 2తో పాటు Galaxy Watch 9 సిరీస్‌ను కంపెనీ త్వరలోనే లాంచ్ చేయనున్నట్లు తెలుస్తోంది. తాజాగా ఈ రెండు వాచ్‌లు ఓ కీలక అనుమతిని సాధించడమే దీనికి కారణం.

త్వరలోనే చైనాలో ఎంట్రీ..

ఈ కొత్త స్మార్ట్‌వాచ్‌లు చైనాకు చెందిన 3C సర్టిఫికేషన్ డేటాబేస్‌లో కనిపించాయి. అక్కడ SM-L3550, SM-L7150 మోడల్ నెంబర్లతో ఇవి లిస్ట్ అయ్యాయి. ఈ మోడల్ నెంబర్లు Galaxy Watch Ultra 2, Galaxy Watch 9కి సంబంధించినవేనని టెక్ వర్గాలు చెబుతున్నాయి. చైనా సర్టిఫికేషన్ లభించడంతో ఈ రెండు వాచ్‌లు అక్కడ అతి త్వరలోనే విడుదలయ్యే అవకాశాలు ఉన్నాయి.

ఛార్జింగ్ ఫీచర్లు ఇవే..

ఈ సర్టిఫికేషన్ ద్వారా లీకైన వివరాల ప్రకారం.. ఈ రెండు కొత్త స్మార్ట్‌వాచ్‌లు కూడా 10W వైర్‌లెస్ ఛార్జింగ్‌కు సపోర్ట్ చేయనున్నాయి. దీనికోసం ప్రత్యేకమైన వైర్‌లెస్ ఛార్జింగ్ అందించనున్నారు. గతంలో వచ్చిన Galaxy Watch Ultra, Galaxy Watch 8 మోడళ్లలో ఉన్న ఛార్జింగ్ స్పీడ్‌నే ఈ కొత్త వెర్షన్లలోనూ శాంసంగ్ కొనసాగిస్తున్నట్లు దీని ద్వారా స్పష్టమవుతోంది.

Also Read: వైర్‌లెస్ ఛార్జింగ్ నుంచి ప్రో లెవెల్ కెమెరా వరకు.. ఈ ఫ్లాగ్‌షిప్ ఫోన్సే ఇప్పుడు ట్రెండింగ్‌లో టాప్!

వెబ్‌సైట్‌లో లీకైన పేరు..

ఈ వాచ్‌ల గురించిన లీకులు రావడం ఇదే మొదటిసారి కాదు. అంతకుముందు IMEI డేటాబేస్‌లో కూడా ఇవి కనిపించాయి. అంతేకాదు.. ఇటీవల శాంసంగ్ కెనడా అధికారిక వెబ్‌సైట్‌లో గెలాక్సీ వాచ్ 9 అనే పేరు కూడా పొరపాటున ప్రత్యక్షమైంది. దీన్ని బట్టి చూస్తే ఈ స్మార్ట్‌వాచ్‌ల లాంచ్ చాలా దగ్గర్లోనే ఉందని అర్ధమవుతోంది.

ఈ వేసవిలోనే విడుదల..

శాంసంగ్ కంపెనీ ఈ రెండు కొత్త స్మార్ట్‌వాచ్ సిరీస్‌లను ఈ వేసవిలోనే మార్కెట్లోకి తీసుకురావాలని ప్లాన్ చేస్తోంది. వీటితో పాటే సరికొత్త గెలాక్సీ జెడ్ ఫోల్డ్ 8 ఫోల్డబుల్ స్మార్ట్‌ఫోన్ల సిరీస్‌ను కూడా గ్రాండ్‌గా లాంచ్ చేయనున్నట్లు సమాచారం. గ్లోబల్ మార్కెట్‌తో పాటు మనదేశంలోనూ ఇవి ఒకేసారి విడుదలయ్యే అవకాశం ఉంది.

Also Read: చైనాలో దుమ్మురేపిన ఫోన్ ఇక ఇండియాలోకి.. ఫీచర్లు చూస్తే వావ్ అనకుండా ఉండలేరు!