Samsung Galaxy Z Tri Fold 2: యువతలో మంచి క్రేజ్ సంపాదించుకున్న శాంసంగ్ ప్రతి ఏటా వినూత్న ప్రయోగాలతో స్మార్ట్‌ఫోన్ మార్కెట్‌లో డిమాండ్‌ను ఏర్పరచుకుంటున్న విషయం తెలిసిందే. అయితే తాజా సమాచారం ప్రకారం.. కంపెనీ తమ ట్రిపుల్ ఫోల్డ్ ఫోన్ విషయంలో వెనక్కి తగ్గడం లేదని తెలుస్తోంది. గతంలో వచ్చిన మోడల్‌ను నిలిపివేసినప్పటికీ, అంతకంటే మెరుగైన ఫీచర్లతో ‘Galaxy Z Tri Fold 2’ను మార్కెట్లోకి తీసుకురావడానికి సిద్ధమవుతోంది. ఇది కేవలం పాత వెర్షన్‌కు అప్‌డేట్ మాత్రమే కాదు, వినియోగదారుల అవసరాలకు అనుగుణంగా సరికొత్తగా రూపుదిద్దుకుంటోందని సమాచారం.
గతంలో వచ్చిన ట్రిపుల్ ఫోల్డ్ మోడల్ కేవలం శాంసంగ్ టెక్నాలజీ పవర్‌ను చూపించడానికి మాత్రమే పరిమితమైంది. కానీ, రాబోయే సెకండ్ జనరేషన్ ఫోన్‌ను వినియోగదారులకు మరింత చేరువ చేయాలని కంపెనీ భావిస్తోంది. దీనికోసం హింజ్ వ్యవస్థను పూర్తిగా రీడిజైన్ చేస్తోంది. ఈ మార్పు వల్ల ఫోన్ మడత పెట్టినప్పుడు స్క్రీన్‌పై వచ్చే గీతలు చాలా వరకు తగ్గుతాయని, ఫోన్ మరింత స్ట్రాంగ్‌గా మారుతుందని సమాచారం. అలాగే ఈ ఫోన్‌ను చాలా స్లిమ్‌గా, బరువు తక్కువగా రూపొందించడంపై ఇంజనీర్లు దృష్టి పెట్టారని సమాచారం.
Also Read: బిగ్గెస్ట్ ప్రైస్ డ్రాప్.. శాంసంగ్ ప్రీమియం ఫోన్‌పై ఏకంగా రూ.20,000 తగ్గింపు!
సాధారణంగా ఫోల్డబుల్ ఫోన్లు మడత పెట్టినప్పుడు కాస్త లావుగా అనిపిస్తాయి. అయితే శాంసంగ్ తన కొత్త ట్రిపుల్ ఫోల్డ్ 2 విషయంలో ఈ సమస్యను అధిగమించనుంది. ఇది గెలాక్సీ జెడ్ ఫోల్డ్ 7 కంటే కొంచెం ఎక్కువ మందంతో, సుమారు 9 నుండి 10 మి.మీ. లోపే ఉండే అవకాశం ఉంది. ఇది పట్టుకోవడానికి సౌకర్యంగా ఉండటమే కాకుండా, ప్రీమియం లుక్‌ను ఇస్తుంది. ప్రస్తుతం ఈ ఫోన్ ప్రోటోటైప్ దశలోనే ఉన్నప్పటికీ, వచ్చే ఏడాది నాటికి ఇది మార్కెట్లోకి వచ్చే అవకాశాలు కనిపిస్తున్నాయి.
శాంసంగ్ కేవలం ఫోల్డింగ్ ఫోన్లకే పరిమితం కాకుండా, ‘గెలాక్సీ జెడ్ స్లైడ్’ పేరుతో మరో సరికొత్త హైబ్రిడ్ డివైజ్‌ను కూడా అభివృద్ధి చేస్తోంది. దీనిలో స్క్రీన్‌ను పక్కకు లాగడం ద్వారా 7 అంగుళాల పెద్ద డిస్‌ప్లేగా మార్చుకోవచ్చు. దీనికోసం మ్యాన్యువల్ స్లైడింగ్ మెకానిజంను ఉపయోగించబోతున్నట్లు తెలుస్తోంది. ఈ స్లైడబుల్ ఫోన్ 2027 చివరలో లేదా 2028 ప్రారంభంలో లాంచ్ అయ్యే అవకాశం ఉంది. ఫోల్డింగ్ ఫోన్ల మడతలతో ఇబ్బంది పడేవారికి ఈ స్లైడబుల్ ఫోన్లు ప్రత్యామ్నాయంగా నిలువనున్నాయి.
Also Read: ఇంటర్నెట్ లేకపోయినా.. అత్యవసర పరిస్థితుల్లో ఆదుకొనే ఎమర్జెన్సీ యాప్స్, మ్యాప్‌తో సహా అన్నీ!
Share
Achor Ravi: కెమెరా ముందు నాటకం మాత్రమే.. బిగ్ బాస్ తర్వాత ఆఫర్లపై రవి కామెంట్!
Ranga Reddy News: సర్పంన్పల్లి ప్రాజెక్టు నీటితో అక్రమంగా కోట్ల వ్యాపారం.. ప్రమాదాలు జరిగిన పట్టించుకోని అధికారులు
