Momentum 5: ప్రముఖ ఆడియో పరికరాల తయారీ సంస్థ ‘సెన్హైజర్’ (Sennheiser) మార్కెట్లోకి తన సరికొత్త ఫ్లాగ్షిప్ మోడల్ ‘Momentum 5 Wireless’ హెడ్ఫోన్స్ను విడుదల చేసింది. అంతర్జాతీయ మార్కెట్లో దీని ధరను 400 డాలర్లు గా (సుమారు రూ.33,200) గా నిర్ణయించారు. తన మునుపటి మోడల్ (Momentum 4) డిజైన్ను దాదాపు అలాగే ఉంచుతూనే, లోపలి సాంకేతికత, ఆడియో నాణ్యత నాయిస్ క్యాన్సిలేషన్ విభాగాల్లో కంపెనీ భారీ మార్పులు చేసింది.
ఈ హెడ్ఫోన్స్లో యాక్టివ్ నాయిస్ క్యాన్సిలేషన్ (ANC) పనితీరును కంపెనీ సరికొత్త స్థాయికి తీసుకెళ్లింది. దీని కోసం ఇరువైపులా కలిపి మొత్తం 8 మైక్రోఫోన్లను ఉపయోగించారు. ఇది పక్కన ఉండే మనుషుల మాటల శబ్దాన్ని మునుపటి కంటే 3 రెట్లు ఎక్కువగా అడ్డుకుంటుంది. విమానాలు, రైళ్లు లేదా ఆఫీస్ పరిసరాల్లో వచ్చే ఎలాంటి రొదనైనా ఇది సులభంగా ఫిల్టర్ చేస్తుంది.
ఇది ‘Snapdragon Sound’ టెక్నాలజీతో పాటు aptX Lossless ఆడియో కోడెక్కు సపోర్ట్ చేస్తుంది. ప్రస్తుతానికి ఇది బ్లూటూత్ 5.4 వర్షన్తో వచ్చినప్పటికీ, భవిష్యత్తులో కేవలం ఒక సాఫ్ట్వేర్ అప్డేట్ ద్వారా దీనిని Bluetooth 6.0 కి అప్గ్రేడ్ చేసుకోవచ్చని కంపెనీ తెలపడం విశేషం. దీనితో పాటు, మొదటి రోజు నుంచే హెడ్-ట్రాకింగ్తో కూడిన ‘Dolby Atmos Spatial Audio’ సపోర్ట్ కూడా ఇందులో లభిస్తుంది.
ఈ హెడ్ఫోన్స్లోని అతిపెద్ద వినూత్న ఫీచర్ ఏమిటంటే, ఇందులోని 700mAh బ్యాటరీని వినియోగదారులే ఒక చిన్న స్క్రూడ్రైవర్ సహాయంతో స్వయంగా మార్చుకోవచ్చు. బ్యాటరీ పాడైపోతే హెడ్ఫోన్స్ పారేయాల్సిన అవసరం లేకుండా, సుదీర్ఘ కాలం వాడుకోవడానికి ఇది ఉపయోగపడుతుంది.
పోటీ సంస్థలైన సోనీ, బోస్ వంటి బ్రాండ్లు కేవలం 30 గంటల బ్యాటరీ లైఫ్ ఇస్తుంటే, సెన్హైజర్ మొమెంటం 5 మోడల్ ANC ఆన్ చేసినా కూడా ఏకంగా 57 గంటల సుదీర్ఘ బ్యాటరీ లైఫ్ను అందిస్తుంది.
Read also-బడ్జెట్లో అదిరిపోయే ఫీచర్లు.. ‘లూమియో విజన్9 4K’ గూగుల్ టీవీ మామూలుగా లేదుగా..
ఇందులో ప్రసిద్ధ HD 600 సిరీస్ ఆధారంగా ట్యూన్ చేసిన 42mm డ్రైవర్లను ఉపయోగించారు. ‘Smart Control Plus’ యాప్ ద్వారా 8-బ్యాండ్ ఈక్వలైజర్ (EQ) తో సౌండ్ను మార్చుకోవచ్చు. అదనపు మైక్రోఫోన్ల వల్ల ఫోన్ కాల్స్ మాట్లాడుతున్నప్పుడు అవతలి వారికి మన వాయిస్ చాలా స్పష్టంగా వినిపిస్తుంది. ఇవి బ్లాక్, వైట్, డెనిమ్ బ్లూ రంగులలో లభిస్తాయి. దీనితో వచ్చే క్యారీయింగ్ కేస్ మునుపటి కంటే 20% చిన్నదిగా ఉండి, ప్రయాణాలకు చాలా అనుకూలంగా ఉంటుంది. మీరు తిరుగులేని బ్యాటరీ లైఫ్, మెరుగైన నాయిస్ క్యాన్సిలేషన్, భవిష్యత్తు టెక్నాలజీకి సపోర్ట్ చేసే లాస్లెస్ ఆడియో క్వాలిటీని కోరుకుంటే, ప్రీమియం విభాగంలో సెన్హైజర్ మొమెంటం 5 ఒక అద్భుతమైన ఎంపిక. మనీ తో సంబంధం లేకుండా మంచి సౌండ్ ఎక్సీపిరియన్ చేయాలనుకునేవారకి బెస్ట్ ఆప్షన్.
Share
నువ్వా మాట్లాడేది? పదో తరగతి పేపర్లు లీక్ చేసిన చరిత్ర నీది.. జగన్పై లోకేష్ ఫైర్
Gundeninda GudiGantalu Today episode: ప్రభావతికి శృతి స్ట్రాంగ్ కౌంటర్.. బాలు ఇంటికి గెస్ట్.. అడ్డంగా ఇరుక్కున్న రోహిణి..
