iPhone Network Bug: ఆపిల్ కొత్త ఫోన్‌లో పెద్ద సమస్య.. తలబాదుకుంటున్న యూజర్లు

iPhone Network Failure| దిగ్గజ టెక్ కంపెనీ ఆపిల్ 2025 సెప్టెంబర్‌లో విడుదల చేసిన ఐఫోన్ 17 సిరీస్ ఫోన్లకు మంచి డిమాండ్ ఉంది. ప్రపంచవ్యాప్తంగా ఈ కొత్త ఐఫోన్స్ హాట్‌కేకుల్లా అమ్ముడవుతున్నాయి. అయితే ఈ సిరీస్‌లో స్లిమ్ ఐఫోన్ మోడల్ కూడా ఉంది. అదే ఐఫోన్ ఎయిర్. ఇది ఇప్పటి వరకూ తయారైన అతి సన్నని ఐఫోన్ అని యాపిల్ ప్రమోట్ చేసింది. కానీ లాంచ్ తర్వాత నెలల తరబడి యూజర్లు సీరియస్ హార్డ్‌వేర్ సమస్యలు ఎదుర్కొంటున్నారు. ఎక్కువ శాతం ఫిర్యాదులు నెట్‌వర్క్ కనెక్టివిటీపై ఉన్నాయి. ఫోన్ తరచూ “నో నెట్‌వర్క్” చూపిస్తోంది. కొన్ని ఫోన్లు పూర్తిగా పనిచేయడం మానేశాయి. ఈ ఫిర్యాదులన్నీ ముఖ్యంగా రెడ్డిట్‌ ప్లాట్‌ఫామ్‌లో వచ్చాయి.

C1x మోడెమ్ వల్ల సమస్యలు

యూజర్లు చేసిన ఫిర్యాదుల ప్రకారం.. సమస్య C1x మోడెమ్ వల్ల వస్తోంది. ఐఫోన్ ఎయిర్‌లో ఆపిల్ ఈ మోడెమ్‌ను మొదటిసారి ఉపయోగించింది. డయాగ్నస్టిక్ టెస్టులు మోడెమ్ ఫెయిల్యూర్‌ను చూపిస్తున్నాయని యూజర్లు చెబుతున్నారు. హార్డ్‌వేర్ ఎర్రర్‌లు వస్తున్నాయి. ఇంటర్నల్ కాంపోనెంట్లు చెక్ చేయాలని సలహా ఇస్తున్నారు. మోడెమ్ పనిచేయకపోతే నెట్‌వర్క్ యాక్సెస్ అసాధ్యమవుతుంది. అందుకే “నో నెట్‌వర్క్” మెసేజ్ వస్తోంది. ఆపిల్ ఇంకా ఈ రిపోర్టులను అధికారికంగా కన్ఫర్మ్ చేయలేదు.

eSIM యూజర్లకు కనెక్టివిటీ సమస్యలు

ఐఫోన్ ఎయిర్ iOS 26తో రన్ అవుతుంది. ఫిజికల్ సిమ్ కార్డ్ సపోర్ట్ లేదు. డ్యూయల్ eSIM మాత్రమే ఉంది. రెండు టెలికాం ఆపరేటర్లను యాక్టివేట్ చేయవచ్చు. కానీ కొందరు యూజర్లు రెండు eSIMలూ పనిచేయడం మానేశాయని చెబుతున్నారు. నెట్‌వర్క్ మార్చినా సమస్య తగ్గడం లేదు. ఇది హార్డ్‌వేర్ మాల్‌ఫంక్షన్‌ను సూచిస్తోంది. సాఫ్ట్‌వేర్ అప్‌డేట్లు ఇంకా సమస్యను పరిష్కరించలేదు. సిగ్నల్స్ డిటెక్ట్ కావడం లేదు. దీంతో ఫోన్ నిరుపయోగంగా మారింది.

ఇంతవరకు స్పందించని ఆపిల్

ఆపిల్ ఇంకా అధికారికంగా ఏమీ చెప్పలేదు. మోడెమ్ ఫిర్యాదులను అంగీకరించలేదు. యూజర్లు ఆన్‌లైన్‌లో చర్చిస్తున్నారు. ఐఫోన్ ఎయిర్ ఇప్పటికీ వారంటీ కవరేజ్‌లో ఉంది. చాలా ఫోన్లు స్టాండర్డ్ వారంటీలో ఉన్నాయి. కొందరు యూజర్లు ఆపిల్‌కేర్+ కూడా తీసుకున్నారు. సమస్యలు ఎదుర్కొంటున్నవారు ఆపిల్ సపోర్ట్‌ను కాంటాక్ట్ చేయవచ్చు. హార్డ్‌వేర్ ఫెయిల్యూర్ అయితే రిపేర్లు ఉచితంగా ఉండవచ్చు. వారంటీ టెర్మ్స్ ప్రకారం.. మోడెమ్ రీప్లేస్‌మెంట్ కూడా కవర్ అవుతుంది.

ఐఫోన్ ఎయిర్ స్పెసిఫికేషన్లు

ఐఫోన్ ఎయిర్ ప్రారంభ ధర రూ.1,19,900. ఇందులో A19 ప్రో బయోనిక్ చిప్‌సెట్ ఉంది. ఈ ప్రాసెసర్ మంచి పర్‌ఫామెన్స్, ఎఫిషియెన్సీ ఇస్తుంది. C1x మోడెమ్ ఈ ఫోన్‌లో మొదటిసారి ఉపయోగించారు. 48MP రియర్ కెమెరా, 18MP ఫ్రంట్ సెంటర్ స్టేజ్ కెమెరా ఉన్నాయి. 256GB, 512GB స్టోరేజ్ ఆప్షన్లు ఉన్నాయి. స్లిమ్ డిజైన్, ప్రీమియం బిల్డ్ క్వాలిటీపై యాపిల్ దృష్టి పెట్టింది.

ఆపిల్ రెప్యూటేషన్‌పై ప్రభావం

హార్డ్‌వేర్ ఫెయిల్యూర్లు బ్రాండ్ ఇమేజ్‌ను ప్రభావితం చేస్తాయి. ప్రీమియం ఫోన్లపై యూజర్ల అంచనాలు ఎక్కువగా ఉంటాయి. కానీ నెట్‌వర్క్ సమస్యలుంటే యూజర్లు చాలా ఇబ్బందిగా ఉంటుంది. స్మార్ట్‌ఫోన్లకు నిరంతర కనెక్టివిటీ చాలా ముఖ్యం. ఫిర్యాదులు పెరిగితే ఆపిల్‌పై ఒత్తిడి పెరుగుతుంది. సమస్యలను త్వరగా ఇన్వెస్టిగేట్ చేయాలి. కస్టమర్ ట్రస్ట్ సమయానికి పరిష్కారం మీద ఆధారపడి ఉంటుంది.

Also Read: బాగా పనిచేసే ల్యాప్‌టాప్ ఒక్కసారిగా పనిచేయడం లేదా? ఇవే కారణాలు

యూజర్లు ఏం చేయాలి?

సమస్యలు ఎదురైనవారు డయాగ్నస్టిక్స్ రన్ చేయాలి. వారంటీ స్టేటస్ త్వరగా చెక్ చేయాలి. యాపిల్ సపోర్ట్‌ను కాంటాక్ట్ చేయాలి. అన్‌ఆథరైజ్డ్ రిపేర్లు చేయకూడదు. సర్టిఫైడ్ సర్వీస్ సెంటర్లలోనే చెక్ చేయించాలి. సాఫ్ట్‌వేర్ అప్‌డేట్ చేసి మైనర్ బగ్స్ లేకుండా చూడాలి. యాపిల్ అధికారిక అప్‌డేట్లు గమనించాలి.

ఐఫోన్ ఎయిర్‌తొ స్లిమ్ స్మార్ట్‌ఫోన్ డిజైన్‌ను మార్చాలని లక్ష్యంగా పెట్టుకుంది. కానీ మోడెమ్ సమస్యలు ఆందోళనలు రేపుతున్నాయి. ఆపిల్ ఇంకా అధికారిక స్పందించలేదు. కానీ హార్డ్‌వేర్ సమస్యలు నిర్ధారణ అయితే రిపేర్లు సాధ్యమే. ప్రీమియం ధరకు నమ్మదగిన పర్‌ఫామెన్స్ అవసరం. ఆపిల్ ఈ ఫిర్యాదులను త్వరగా పరిష్కరించాలి లేకపోతే కంపెనీ బ్రాండ్‌కు ఇది పెద్ద దెబ్బ.