Split vs window vs portable AC: ఇంటికి ఏ ఏసీ బెస్ట్? కరెంట్ బిల్లు తక్కువ వచ్చేది ఏది?

Split AC vs Window AC vs Portable AC: ఎండలు మండిపోతున్న వేళ ఇళ్లలో ఏసీల వాడకం విపరీతంగా పెరిగిపోయింది. అయితే మార్కెట్లో లభించే స్ప్లిట్ (Split), విండో (Window), పోర్టబుల్ (Portable) ఏసీలలో ఏది ఎక్కువ విద్యుత్‌ను వినియోగిస్తుంది? ఏది కొంటే మంచిది? అనే సందేహం చాలా మందిని వెంటాడుతోంది. ఈ నేపథ్యంలో ఆ కన్ఫ్యూజన్ ను ఈ కథనంలో నివృత్తి చేసే ప్రయత్నం చేద్దాం.

విద్యుత్ ఖర్చు దేనిలో ఎక్కువంటే?

సాధారణంగా ఈ మూడింటిలో పోర్టబుల్ ఏసీ (Portable AC) అన్నింటికంటే ఎక్కువ కరెంట్ ఖర్చు చేస్తుందని నిపుణులు స్పష్టం చేస్తున్నారు. ఆ తర్వాత స్థానంలో విండో ఏసీ నిలవగా స్ప్లిట్ ఏసీ (Split AC) అన్నింటికంటే తక్కువ విద్యుత్‌ను వినియోగిస్తుందని తెలియజేస్తున్నారు.

అసలు కారణాలు ఇవే

పోర్టబుల్ ఏసీ కంప్రెషర్, బ్లోయర్ అన్నీ ఒకే యూనిట్‌లో ఉండి గది లోపలే ఉంటాయి. ఇది గదిలోని వేడిని బయటకు పంపడానికి పైపును వినియోగిస్తుంది. ఈ ప్రక్రియలో గదిలోని చల్లటి గాలి కూడా కొంత బయటకు పోయే ఛాన్స్ ఉందని నిపుణులు అంటున్నారు. అంతేకాకుండా దీని కంప్రెషర్ గదిలోనే ఉండటం వల్ల కొంత వేడి లోపలే విడుదలవుతుందని పేర్కొంటున్నారు. ఫలితంగా గది చల్లబడటానికి కంప్రెషర్ ఎక్కువ సమయం పనిచేయాల్సి వస్తుందని, అందుకే ఇది ఎక్కువ కరెంట్ లాగుతుందని వివరిస్తున్నారు.

విండో ఏసీ పరిస్థితేంటి?

విండో ఏసీ విషయానికి వస్తే.. ఇది సింగిల్ యూనిట్ అయినప్పటికీ సగం భాగం గది బయటే ఉంటుంది. దీని సామర్థ్యం బాగున్నప్పటికీ ఆధునిక స్ప్లిట్ ఏసీలతో పోలిస్తే దీని సాంకేతికత కొంత పాతది. దీనివల్ల విద్యుత్ వినియోగం కొంచెం ఎక్కువగా ఉంటుందని నిపుణులు స్పష్టం చేస్తున్నారు. ఫలితంగా నెల పూర్తయ్యేసరికి విద్యుత్ బిల్లు భారంగా మారొచ్చని అభిప్రాయపడుతున్నారు.

Also Read: ఏసీ కొంటున్నారా? ఇన్వర్టర్ vs నాన్-ఇన్వర్టర్.. మధ్యతరగతి ఇంటికి ఏది బెస్ట్?

మరి స్ప్లిట్ ఏసీల సంగతేంటి?

ఈ ఏసీల్లో ఇండోర్, అవుట్‌డోర్ అని రెండు యూనిట్లు ఉంటాయి. వేడిని పుట్టించే కంప్రెషర్ బయటి వైపు ఉంటుంది. పైగా ప్రస్తుతం వచ్చే స్ప్లిట్ ఏసీలలో ‘ఇన్వర్టర్ టెక్నాలజీ’ ఎక్కువగా ఉండటం వల్ల గది చల్లబడగానే ఇది కంప్రెషర్ వేగాన్ని తగ్గించి ఉష్ణోగ్రతను స్థిరంగా మెయిన్ టెన్ చేస్తుంది. అందువల్ల ఇది చాలా తక్కువ కరెంట్ వినియోగిస్తూ.. పోర్టబుల్, విండో ఏసీలతో పోలిస్తే బెటర్ ఆప్షన్ గా నిలుస్తోంది. అయితే ఆ రెండింటితో పోలిస్తే దీని ఖరీదు కాస్త ఎక్కువగా ఉండటం గమనార్హం.

Also Read: Wamiqa Gabbi: స్టైలిష్ లుక్ వామికా అదుర్స్.. ఇదేం స్టిల్స్ తల్లి..