Instagram Data Tracking| సోషల్ మీడియా కంపెనీ మెటా (ఫేస్బుక్, ఇన్స్టాగ్రామ్ మాతృక కంపెనీ) ఇంటర్నెట్లో మీ బ్రౌజింగ్, సెర్చింగ్ యాక్టివిటీ డేటాను ఫేస్బుక్, ఇన్స్టాగ్రామ్ బయట ఉన్న యాప్లు, వెబ్సైట్ల నుంచి కూడా సేకరిస్తోంది. మీరు షాపింగ్ సైట్లు, ఇతర వెబ్సైట్లు చెక్ చేసినప్పుడు ఆ సైట్లు మీ యాక్టివిటీని మెటాకు పంపుతాయి. దీని వల్ల మీరు చూసిన ప్రొడక్ట్లకు సంబంధించిన టార్గెటెడ్ యాడ్లు తర్వాత ఫేస్బుక్, ఇన్స్టాగ్రామ్లో చూపిస్తారు. ఈ ట్రాకింగ్ వ్యవస్థ అడ్వర్టైజర్లకు సరైన కస్టమర్లను చేరుకోవడానికి సహాయపడుతుంది. కానీ చాలా మంది యూజర్లు తమ పర్సనల్ డేటాపై ఎక్కువ కంట్రోల్ కావాలనుకుంటున్నారు.
మెటా టెక్నాలజీలు (ఫేస్బుక్ పిక్సెల్, మెటా SDK) ఉపయోగించే వెబ్సైట్లు, యాప్ల నుంచి డేటా సేకరిస్తోంది. మీరు ఏ పేజీలు చూశారు, ఏ ప్రొడక్ట్ల కోసం సెర్చ్ చేశారు, ఏమి కొనుగోలు చేశారు వంటి సమాచారం వస్తుంది. ఈ సమాచారాన్ని కంపెనీలు స్వచ్ఛందంగా మెటాకు పంపుతాయి. దీని వల్ల మెటా మీ బిహేవియర్ ప్యాటర్న్లను అర్థం చేసుకుంటుంది.
యూజర్లకు మెటా ప్రైవసీ సెట్టింగ్లను రివ్యూ చేసుకునే, మేనేజ్ చేసే సౌలభ్యం ఇస్తోంది. “Your Activity Off Meta Technologies” అనే టూల్ ద్వారా సేకరించిన డేటాను చూడవచ్చు. ఏ వెబ్సైట్లు డేటా షేర్ చేశాయో తెలుసుకోవచ్చు. గత యాక్టివిటీని డిలీట్ చేయవచ్చు, భవిష్యత్ ట్రాకింగ్ను లిమిట్ చేయవచ్చు. డేటాను డౌన్లోడ్ కూడా చేసుకోవచ్చు.
ఈ ఫీచర్ మెటా ప్లాట్ఫామ్లు కాకుండా ఇతర వెబ్సైట్స్లో మీ యాక్టివిటీ ఎలా సేకరిస్తుందో వివరిస్తుంది. ట్రాకింగ్, డేటా షేరింగ్ ప్రిఫరెన్స్లను మేనేజ్ చేసుకునే టూల్స్ ఇస్తుంది. ఏ కంపెనీలు మీ యాక్టివిటీ షేర్ చేశాయో చూడవచ్చు. భవిష్యత్ యాక్టివిటీ ట్రాకింగ్ను డిస్కనెక్ట్ చేయవచ్చు. ఫేస్బుక్, ఇన్స్టాగ్రామ్ రెండింటిలోనూ ఈ టూల్ పనిచేస్తుంది.
ఫేస్బుక్ యాప్ లేదా వెబ్సైట్ ఓపెన్ చేయండి. ప్రొఫైల్ ఐకాన్పై ట్యాప్/క్లిక్ చేయండి. “సెట్టింగ్స్ అండ్ ప్రైవసీ” – “సెట్టింగ్స్” ఎంచుకోండి. యాప్లో హ్యాంబర్గర్ మెనూ ఓపెన్ చేసి “అకౌంట్ సెంటర్” – “Your Information and Permissions” – “Your Activity Off Meta Technologies” ఎంచుకోండి.
ఇన్స్టాగ్రామ్ యాప్ ఓపెన్ చేసి దిగువ కుడి వైపు ప్రొఫైల్ ఐకాన్ ట్యాప్ చేయండి. టాప్లో హ్యాంబర్గర్ మెనూ — “సెట్టింగ్స్” — “అకౌంట్ సెంటర్” — “Your Information and Permissions” — “Your Activity Off Meta Technologies” ఓపెన్ చేయండి. వెబ్సైట్లో లెఫ్ట్ ప్యానెల్లో “మోర్” — “సెట్టింగ్స్” ద్వారా చూడవచ్చు.
Also Read: కేవలం రూ.44కే T20 వరల్డ్ కప్ స్పెషల్ రిఛార్జ్ ప్లాన్.. జియో హాట్స్టార్ ఫ్రీ
లింక్ అయిన కంపెనీలను రిమూవ్ చేయవచ్చు. అన్ని గత యాక్టివిటీ డేటాను డిలీట్ చేయవచ్చు. భవిష్యత్ ట్రాకింగ్ను పూర్తిగా బ్లాక్ చేయవచ్చు. ఇలా చేస్తే పర్సనలైజ్డ్ యాడ్లు తగ్గుతాయి. ట్రాకింగ్ ఎలా పనిచేస్తుందో పాప్-అప్ వివరిస్తుంది. మరిన్ని వివరాలు “ఇన్ఫర్మేషన్” ఆప్షన్లో చూడవచ్చు.
డేటా షేరింగ్ వల్ల మీకు ఏ రకమైన యాడ్లు చూపిస్తారో నిర్ణయమవుతుంది. ఆన్లైన్ ప్రైవసీ, డిజిటల్ సెక్యూరిటీపై ప్రభావం పడుతుంది. ప్రైవసీ సెట్టింగ్లు రెగ్యులర్గా చెక్ చేస్తే అనవసర డేటా షేరింగ్ తగ్గుతుంది. ఇది మీ పర్సనల్ ఇన్ఫర్మేషన్పై మీకు కంట్రోల్ ఇస్తుంది.
Share
Dimple Hayathi: కనుసైగల తోనే చంపేస్తున్న డింపుల్ హయతి!
Municipal Elections 2026: మున్సిపల్ కుర్చీ కోసం 12,944 మంది వేట.. విడుదలైన జాబితాతో వేడెక్కిన రాజకీయం!
