Table Fan vs Ceiling Fan: ఈసారి సూర్యుడి ప్రతాపం మామూలుగా లేదు. ముఖ్యంగా హైదరాబాద్ వంటి నగరాల్లో అప్పుడే 40 డిగ్రీలు దాటేస్తున్నాయి. వేడి సెగలకు తట్టుకోలేక ఫ్యాన్ కింద కూర్చున్నా ఉక్కపోత తగ్గడం లేదు. ఇలాంటి టైమ్‍లో చాలామందికి వచ్చే డౌట్ ఏంటంటే.. అసలు ఏ ఫ్యాన్ వాడితే బెటర్? సీలింగ్ ఫ్యాన్ గాలి చల్లగా ఉంటుందా లేక టేబుల్ ఫ్యాన్ గాలి బాగుంటుందా? చల్లదనంతో పాటు మన ఆరోగ్యానికి ఏది సేఫ్? ఈ విషయాలన్నీ ఒకసారి క్లియర్‍గా తెలుసుకుందాం.
మీ గది పెద్దగా ఉన్నా లేదా బెడ్‌రూమ్స్ కోసం చూస్తున్నా సీలింగ్ ఫ్యాన్ ఎప్పుడూ ది బెస్ట్ ఆప్షన్. ఇది గదిలో ఉన్న గాలినంతటినీ సమానంగా కదిలిస్తుంది. దీనివల్ల గది ఉష్ణోగ్రత దాదాపు 4 నుండి 8 డిగ్రీల వరకు తగ్గినట్టుగా అనిపించి, మనకు హాయినిస్తుంది. గదిలో ఏ మూలన కూర్చున్నా ఉక్కపోత లేకుండా గాలి అందుతుంది. ముఖ్యంగా రాత్రిపూట నిద్రపోయేటప్పుడు గాలి నేరుగా ముఖం మీద పడకుండా, ఒంటికి సమానంగా తగిలేలా చూస్తుంది కాబట్టి.. ఇది చాలా కంఫర్టబుల్.
Also Read: రూ.25 వేలకే 5G స్మార్ట్‌ఫోన్.. 50MP కెమెరా, IP69 రేటింగ్‌తో వివో Y51 ప్రో లాంచ్!
టేబుల్ ఫ్యాన్ అనేది ఒక పర్టిక్యులర్ ప్లేస్ కోసం వాడేది. అంటే.. మీరు ఆఫీస్ వర్క్ చేసుకుంటున్నప్పుడో లేదా కిచెన్‌లో వంట చేస్తున్నప్పుడో ఇది బాగా హెల్ప్ అవుతుంది. ఇది గాలిని చాలా స్పీడ్‍గా, నేరుగా మన మీదకే పంపిస్తుంది కాబట్టి.. వెంటనే చల్లగా అనిపిస్తుంది. కానీ గది మొత్తం చల్లబడాలంటే మాత్రం ఇది సెట్ అవ్వదు. బ్యాచిలర్స్ లేదా అద్దె ఇళ్లలో ఉండేవారికి, సీలింగ్ తక్కువగా ఉన్న రూమ్స్‌కి ఇది బెస్ట్ ఆప్షన్.
హెల్త్ గురించి ఆలోచిస్తే మాత్రం సీలింగ్ ఫ్యాన్ వాడటమే మంచిదని డాక్టర్లు కూడా చెబుతుంటారు. ఎందుకంటే.. టేబుల్ ఫ్యాన్ గాలి నేరుగా ముఖం మీద, కళ్ల మీద పడటం వల్ల కళ్లు పొడిబారడం, స్కిన్ డ్రై అయిపోవడం వంటి సమస్యలు రావచ్చు. ఇంకో ముఖ్యమైన విషయం ఏంటంటే.. టేబుల్ ఫ్యాన్ మనకు దగ్గరగా ఉంటుంది కాబట్టి, దాని రెక్కలకు ఉన్న దుమ్ము నేరుగా మన ముక్కులోకి వెళ్లి అలర్జీలు లేదా ఆస్తమా వచ్చే ఛాన్స్ ఉంటుంది. అదే సీలింగ్ ఫ్యాన్ అయితే గాలిని పైనుంచి పంపిస్తుంది కాబట్టి.. ఇలాంటి ఇబ్బందులు తక్కువ. అయితే మీరు ఏ ఫ్యాన్ వాడినా సరే, కనీసం నెలకోసారైనా రెక్కలు క్లీన్ చేసుకోవడం మర్చిపోకండి.
Also Read: టాప్ బ్రాండ్ ఏసీలు, ఫ్రిడ్జ్‌లపై 55% తగ్గింపు.. కొద్దిరోజులే ఈ అవకాశం!
Share
Visakhapatnam: క్యాప్ జెమిని సీఈవో ఐమాన్తో మంత్రి లోకేష్ భేటీ, రాష్ట్రంలో పెట్టుబడులపై కీలక చర్చ
Adulterated milk: తూర్పు గోదావరిలో కల్తీ పాలు కలకలం.. 13 చేరిన మృతుల సంఖ్య
