Emergency Smartphone Help| స్మార్ట్ఫోన్లు ఇప్పుడు కేవలం కాల్స్ చేయడం, ఇంటర్నెట్ బ్రౌజింగ్ కోసమే అంత కంటే చాలా పనులు చేయగలుగుతాయి. ఇందులోని ఒక చిన్న సేఫ్టీ ఫీచర్ మీ జీవితాన్ని కాపాడగలదు. ఈ ఫీచర్ పేరు ఎమర్జెన్సీ లొకేషన్ సర్వీస్. ఇది బ్యాక్గ్రౌండ్లో నిశ్శబ్దంగా పనిచేస్తుంది. అత్యవసర పరిస్థితుల్లో మీ కచ్చితమైన లొకేషన్ను ఎమర్జెన్సీ టీమ్కు పంపుతుంది. దీనికోసం మీరు చేయాల్సిందల్లా 112కి కాల్ చేయడం మాత్రమే.
ఇది ఆండ్రాయిడ్ ఫోన్లలో ఉండే బిల్ట్-ఇన్ సేఫ్టీ ఫీచర్. గూగుల్ భారతదేశంలో ఆండ్రాయిడ్ యూజర్ల కోసం ఈ సర్వీస్ ప్రవేశపెట్టింది. ప్రధాన లక్ష్యం ఎమర్జెన్సీలో త్వరగా సహాయం అందించడం. ప్రమాదాలు, ఆరోగ్య సమస్యలు, ప్రమాదకర పరిస్థితుల్లో ఇది చాలా ఉపయోగకరం. అత్యవసర సమయంలో చాలా మంది భయపడి తమ లొకేషన్ సరిగ్గా చెప్పలేరు. ఈ ఫీచర్ వల్ల మీరు లొకేషన్ చెప్పాల్సిన అవసరం లేదు.
మీరు 112కి కాల్ చేసిన వెంటనే ఈ ఫీచర్ ఆటోమాటిక్గా ఆన్ అవుతుంది. GPS, వై-ఫై, మొబైల్ నెట్వర్క్లను కలిపి మీ కచ్చితమైన స్థానాన్ని త్వరగా కనుగొంటుంది. మీ లొకేషన్ వివరాలు ఎమర్జెన్సీ సర్వీసెస్కు తక్షణమే చేరతాయి. కాల్ అకస్మాత్తుగా డిస్కనెక్ట్ అయినా సరే, మీ చివరి తెలిసిన లొకేషన్ అధికారులకు వస్తుంది. ఇది సమయానికి సహాయం అందించే అవకాశాన్ని చాలా పెంచుతుంది.
దీన్ని ఆన్ చేయడం చాలా సులభం. మీ ఆండ్రాయిడ్ ఫోన్లో సెట్టింగ్స్ ఓపెన్ చేయండి. సేఫ్టీ అండ్ ఎమర్జెన్సీ ఆప్షన్కు వెళ్లండి. ఎమర్జెన్సీ లొకేషన్ సర్వీస్ను కనుగొని ఆన్ చేయండి. లొకేషన్ పర్మిషన్స్ అడిగితే అన్నీ అనుమతించండి. లొకేషన్ సర్వీసెస్ ఎల్లప్పుడూ ఆన్గా ఉంచండి. అప్పుడే ఈ ఫీచర్ సరిగ్గా పనిచేస్తుంది.
ప్రస్తుతం ఉత్తరప్రదేశ్లో ఈ సర్వీస్ పూర్తిగా యాక్టివ్గా ఉంది. ఉత్తరప్రదేశ్ పోలీసులు 112 ఎమర్జెన్సీ సిస్టమ్తో దీన్ని ఇంటిగ్రేట్ చేశారు. పెర్ట్ టెలికాం సొల్యూషన్స్తో కలిసి ఇంప్లిమెంట్ చేశారు. టెస్టింగ్లో ఈ సర్వీస్ చాలా బాగా పనిచేసింది. కాల్ డ్రాప్ అయినా లొకేషన్ షేర్ అయింది. దీనివల్ల ఎమర్జెన్సీ రెస్పాన్స్ వేగంగా, కచ్చితంగా జరుగుతోంది. త్వరలో దేశవ్యాప్తంగా విస్తరించాలని ప్రణాళికలు ఉన్నాయి.
మీ ఫోన్లో లొకేషన్ సర్వీసెస్ ఎల్లప్పుడూ ఆన్గా ఉండాలి. లొకేషన్ యాక్సెస్ లేకపోతే ఈ ఫీచర్ పనిచేయదు. అన్ని పర్మిషన్స్ ఇవ్వండి. అప్పుడప్పుడు సెట్టింగ్స్ చెక్ చేసి ఆన్గా ఉందని నిర్ధారించుకోండి. ఈ సర్వీస్ మీ ప్రైవసీని గౌరవిస్తుంది. ఎమర్జెన్సీ కాల్స్లో మాత్రమే లొకేషన్ షేర్ అవుతుంది. సాధారణ ఉపయోగంలో ట్రాకింగ్ జరగదు.
Also Read: ఐఫోన్ డిస్ప్లే పగిలిపోయిందా? రిపేర్ చేయడానికి ఎంత ఖర్చవుతుందో తెలిస్తే షాకవ్వాల్సిందే
ఎమర్జెన్సీలు ఎప్పుడు వస్తాయో తెలియదు. ముందుగా సిద్ధంగా ఉండటం చాలా ముఖ్యం. ఈ చిన్న సెట్టింగ్ మీ జీవితాన్ని, మీ ప్రియమైన వారి జీవితాన్ని కాపాడగలదు. ఒక క్లిక్తో సహాయం మీ దగ్గరకు వస్తుంది. ఇప్పుడే ఎమర్జెన్సీ లొకేషన్ సర్వీస్ ఆన్ చేయండి. ప్రమాదాలు, ప్రాణాపాయ స్థితులు ఎప్పుడైనా రావొచ్చు.. అందుకోసం ముందుగానే ఈ సెట్టింగ్స్ చేసుకోండి.
Share
Earth Crust: భూమికి ‘చొట్ట’ - టర్కీలో కుంగిపోతున్న నేల.. పైకి లేస్తున్న పర్వతాలు, జరగబోయేది ఇదేనా?
Comedy Drama OTT : IMDbకి 9.6 రేటింగ్ ఉన్న డార్క్ కామెడీ డ్రామా... క్లైమాక్స్ వరకూ కితకితలే
