Comedy Drama OTT : హిందీ సినిమాల కంటే సౌత్ సినిమాలే ఇప్పుడు ఎక్కువగా హల్చల్ చేస్తున్నాయి. ఆసక్తికరమైన కంటెంట్ ఉండటం వల్ల నార్త్ ప్రేక్షకులు కూడా సౌత్ సినిమాలను చూడటానికి ఆసక్తి చూపిస్తున్నారు. ఇక రీసెంట్ గా ఒక క్రైమ్ కామెడీ చిత్రం ఓటీటీలో స్ట్రీమింగ్ కి వచ్చింది. ఇది ఇప్పటికే థియేటర్లలో ప్రేక్షకులను తెగ నవ్వించింది. అయితే ఈ సినిమాకి ఐయండిబిలో 9.6 రేటింగ్ ఉండటం విశేషం. ఈ సినిమాకి డిజిటల్ ప్రేక్షకుల నుంచి కూడా విశేష స్పందన వస్తోంది. దీని పేరు ఏమిటి ? ఏ ఓటీటీలో ఉంది ? అనే వివరాలను తెలుసుకుందాం పదండి.
ఇప్పుడు మనం చెప్పుకుంటున్న తెలుగు సినిమా పేరు “గుర్రం పాపి రెడ్డి”. టైటిల్ కు తగ్గట్టు స్టోరీ కూడా ఉంటుంది. ఇది డార్క్ కామెడీ జానర్ లో వచ్చింది. ఇందులో నరేష్ అగస్త్య, ఫరియా అబ్దుల్లా ప్రధాన పాత్రలు పోషించారు. దీనికి మురళి మనోహర్ దర్శకత్వం వహించారు. ఈ చిత్రంలో ప్రముఖ హాస్యనటుడు బ్రహ్మానందం న్యాయమూర్తిగా కూడా నటించారు. అంతేకాకుండా ప్రముఖ తమిళ హాస్యనటుడు యోగి బాబు ఈ చిత్రంతో తెలుగు పరిశ్రమలోకి ప్రవేశించారు. ఈ కథ ప్రేక్షకులను చివరి వరకు కట్టిపడేస్తుందని, విమర్శకులు కూడా ఈ సినిమాను ప్రశంసించారు. థియేటర్లలో రిలీజైన నెల రోజుల్లోనే గుర్రం పాపిరెడ్డి ఓటీటీలోకి వచ్చింది. ఇది 2025 డిసెంబర్ 19న థియేటర్లలో విడుదలైంది. జనవరి 16 నుంచి జీ5 ఓటీటీలో స్ట్రీమింగ్ అవుతోంది ఈ మూవీ.
Read Also : కదిలే ట్రక్ లో శవం… ట్విస్టుల మీద ట్విస్టులు భయ్యా… మెంటలెక్కించే క్రైమ్ థ్రిల్లర్
ఈ కథ గుర్రం పాపి రెడ్డి (నరేష్ అగస్త్య) పాత్ర చుట్టూ తిరుగుతుంది. గుర్రం పాపి రెడ్డి ఒక చిట్ ఫండ్ కంపెనీలో డబ్బు పెట్టుబడి పెడతాడు. అయితే అది కుప్పకూలిపోతుంది. అతను అప్పుల్లో చిక్కుకుంటాడు. అతను సౌదామిని (ఫరియా అబ్దుల్లా), మరో ముగ్గురు వ్యక్తులతో జతకడతాడు. డబ్బు కోసం పాపిరెడ్డి మరో అడ్డదారి వెతుక్కుంటాడు. ఎర్రగడ్డ మెంటల్ హాస్పిటల్లో నర్సుగా చేస్తున్న సౌదామిని తో కలిసి ఓ ప్లాన్ వేస్తాడు. శ్రీశైలం నుండి ఒక మృతదేహాన్ని తీసుకురావడమే ఇప్పుడు వాళ్ళకి ఉన్న ఒకే దారి. అయితే ఇది కనిపించేంత సులభం కాదు. మృతదేహాన్ని హైదరాబాద్‌కు తీసుకువచ్చిన తర్వాత, దానిని స్మశానవాటికలో ఖననం చేయాలి. ఈ సమయంలో వాళ్ళకు అనేక ఇబ్బందులు తలెత్తుతాయి. కథ ముందుకు సాగుతున్న కొద్దీ, పరిస్థితి మరింత తీవ్రమవుతుంది. చివరికి వీళ్లు శవాలను మార్చారా? వీళ్ళ కష్టాలు గట్టెక్కుతాయా ? వీళ్ళు ఎలాంటి సమస్యలు ఫేస్ చేస్తారు ? అనే విషయాలను మాత్రం ఈ సినిమాను చూసి తెలుసుకోండి.
Share
Emergency Smartphone Help: ప్రాణాపాయ స్థితిలో ఒక్క క్లిక్‌తో సాయం మీ చెంతకు.. స్మార్ట్‌ఫోన్‌లో ఈ ఫీచర్ గురించి తెలుసా?
Gold Origin: భూమిపైకి అసలు బంగారం ఎలా వచ్చింది? స్టార్స్కు, గోల్డ్కు మధ్య సంబంధమేంటి..! ఖగోళ శాస్త్రవేత్తల సంచలన పరిశోధన
