Instagram Algorithm Customize| చాలా మంది ఇన్‌స్టాగ్రామ్ రీల్స్ చూస్తూ “ఎప్పుడూ ఒకే రకం వీడియోలే ఎందుకు వస్తాయి?” అని ఫీల్ అయ్యేవాళ్లు. డ్యాన్స్ చూస్తే డ్యాన్స్, ఫుడ్ చూస్తే ఫుడ్ రీల్స్ మాత్రమే ఎక్కువగా కనిపించేవి. ఒక్కసారి ఒక టాపిక్ రీల్ వీడియోలు చూస్తే అదే కేటగిరీ రీల్స్ రోజంతా కనిపిస్తాయి. మరికొన్ని సార్లు అసభ్యకర రీల్స్ కనిపిస్తుంటాయి. చాలా కాలంగా యూజర్లు ఈ సమస్యతో సతమతమయ్యేవారు. కానీ ఇప్పుడు ఇన్‌స్టాగ్రామ్ ఈ సమస్యని పరిష్కరించింది. మీరు ఏ రీల్స్ చూడాలనుకుంటున్నారో మీరే నిర్ణయించుకోవచ్చు. అందుకోసం కొత్త ఫీచర్ తీసుకొచ్చింది.
ఇన్‌స్టాగ్రామ్ ఇప్పుడు యూజర్ల కోసం రీల్స్ ట్యాబ్‌లోనే ఒక కొత్త బటన్ ఇచ్చింది. దాన్ని నొక్కితే మీకు ఇష్టమైన టాపిక్స్, ఇష్టం లేని టాపిక్స్ యాడ్ చేయడం లేదా తొలగించడం చేయొచ్చు. మీరు ఏ టాపిక్ ఎంచుకుంటే ఆ రకం రీల్స్ ఎక్కువగా వస్తాయి. ఏదైనా టాపిక్ తొలగిస్తే ఆ రకం వీడియోలు తగ్గిపోతాయి. AI సాయంతో ఇదంతా చాలా సులువుగా జరుగుతుంది.
ఈ కొత్త ఫీచర్‌లో మరో సర్‌ప్రైజ్ ఉంది. మీరు ఎంచుకున్న టాపిక్స్ లిస్ట్‌ని స్టోరీలో పోస్ట్ చేయొచ్చు. మీ ఫాలోవర్స్ అందరూ మీకు ఎలాంటి రీల్స్ ఇష్టమో వాటిని ఆసక్తికరంగా చూస్తారు. ఇది చాలా ఫన్ ఫీచర్!
ప్రస్తుతానికి ఈ ఫీచర్ ప్రపంచవ్యాప్తంగా విడుదల కాలేదు. ముందు అమెరికాలో కొంతమంది యూజర్లకి మాత్రమే వచ్చింది. త్వరలో ఇంగ్లీష్ మాట్లాడే దేశాలన్నీ, తర్వాత ప్రపంచవ్యాప్తంగా రానుంది. ఎక్స్‌ప్లోర్ పేజీ, ఇతర సెక్షన్స్‌కి కూడా ఈ ఫీచర్ వస్తుందని ఇన్‌స్టాగ్రామ్ తెలిపింది.
ఇకపై రీల్స్ ఫీడ్ మీ చేతుల్లోనే ఉంది. మీకు నచ్చిన కంటెంట్ మాత్రమే చూడండి, బోర్ కొట్టే వీడియోలు రాకుండా సెట్ చేసుకోండి!
Share
Shivraj Patil Passes Away: బ్రేకింగ్.. కేంద్ర మాజీ మంత్రి శివరాజ్ పాటిల్ కన్నుమూత
HBD Rajinikanth : తలైవా బర్త్ డే స్పెషల్.. రజనీకాంత్ ఆస్తుల విలువ ఎంతో తెలిస్తే నోరెళ్లబెడతారు...!
